عندك عمـــل صالح خفــــــي..تعالي هنا روووووووعه
السلام عليكم ورحمة الله وبركاته
اللهم صل على محمد وعلى آله وصحبه أجمعين
عندك عمل صالح خفي ؟؟؟ ررررروعه
قصص منقوله لبعض الاعمال الصالحه الخفيه
قال صلى الله عليه وسلم: (من استطاع منكم أن يكون له خبء من عمل صالح فليفعل)"
أنا صراحة حاطة بشنطتي سبحة كل ماغيرت الشنطة أشيلها مع أغراضي المهمة للشنطة الثانية علشان ما أنساها تدورن وش أسوي فيها أسبح في كل مكان وأذكر الله في السوق لما تقفل المحلات للصلاة وأنا مالي صلاة أو في المستشفى وأنا رايحة للجامعة في الطريق وفي بعض المجالس لما ما يعجبني الكلام اللي فيه وفي كثير من الأوقات أتمنى تجربونها حتى تكونوا من الذاكرات لله
.......
الله يسعدك يارب شوفي انا وش اسوي إذاكنت متضايقة مرة اقوم استغفر ربي وادعي بها الدعاء (اللهم رحمتك أرجو فلا تكلني إلى نفسي طرفة عين وأصلح لي شأني كله لاإله إلا انت )والله العظيم اني اقوله كذا مرة تهدأنفسي بشكل غير طبيعي وأنا انصحكم فية والله يصلح الجميع ويهديهم
.........
انا كل صباح احط ريال في صندوق التبرعات علشان يشملني دعاء الملائكه < اللهم اعطي كل منفقا خلفا > ويكفني قولهم
<اللهم اعطي كل ممسكا تلفا>
واحاول بعد مااصلي الفجر وارجع للسرير علشان انام استغفر 100 مره
واصلي على النبي
..........
...
احتساب الاجر في كل شييييييييييي
حتى في الابتسامة والكلمة الطيبة وفي تدريس الاولاد في زيارة المريض
نحتسب الاجر مو نأديها على انها مجاملات فقط ... حتى اذا زارك ضيف مثلا.. الدراسة وطلب العلم .. الخ
....
شراء الدخن (اكل الطيور )
وكل يوم الفجر او على اذان العصر حطيه عند الشباك لغرفتك ويوم عن يوم بيزيدون يمكن اول اسبوع محد يطل عليك بس اصبري لين يأمنون على انفسهم..
واحتسبي الاجر
....
اول ما تصير فرصة للتبرع لو عندك ريال لا تترددين
واحتسبي الاجر المضاعف من الكريم
...
تربية الابناء تربية صحيحة او اخوانكم لا تقولين مالي دخل (انا مع اخوي)
وتعرفينه بنينا الحبيب المصطفى وسيرته بطريقة مشوقه وحبيببه فيه
ودائما صلى على الرسول صلى الله عليه وسلم بصوت عالي قدام عيالك وخليهم يصلون
واذا ما صلى عليه قوليله " بخييييييييييييييييييييل "ههههه
ومع الوقت هو بيقولك بخيله
وبتقولين قلت !!!
واحتسبي الاجر
علمية يتصدق واظهري مشاعرك له على اخواننااا في غزة والعراق ..
وحسسيه انه مسؤول عنهم وعلميه يدعيلهم ويتصدق لو بريال
واحتسبي الاجر
علميه الصلاة والوضوء الصحيح وبعد الصلاة خليه يدعي لك ولاخوانه واهله والمرضى والمسلمين
طبعا شوي شوي بعد ما يتعلم الصلاة ..
واحتسبي الاجر
علمية حب القران وخليه ما يستغنى عنه الحقيه بمراكز تحفيظ وبيكون صدقة جارية لك
واحتسبي الاجر
....
مســـــــــــــــاعدة الاخرين حتى باقل الاشياء والله ان اجرها عظيم
لا تردين احد دامك قادرة تساعدين
واحتسبي الاجر
.....
نزلي محاضرات لمشايخ تحبين تسمعين لهم
والمواقع كثيرة......
واسمعي كل اسبوع محاضرة .. والله انك بتفهمين دينك اكثر وتتقربين من ربك اكثر
ولا تقولين ما عندي وقت .. والبرامج كثيرة الدينية في التلفزيون ممكن عن طريق التلفزيون
واحتسبي الاجر
.....
على الاقل كل يوم اقري خمس صفحات من القران
او التحقي بمركز تحفيظ وتجويد اقلها تعلمي تقرين القران وبيصير سهل عليك الختمه
وتتعرفين على اخوات في الله يعينونك على فتن الدنيا ..
وعندهم نشاطات ومحاضرات ..الخ
واحتسبي الاجر
...
اذا رحتي السووووووووووووووق ويا كثر ما نروح السوق
لا تنسين دعاء السوق " لا اله الا الله وحده لا شريك له له الملك وله الحمد يحي ويميت وهو على كل شي قدير"
وادعي لنفسك ولوالديك والمسلمين الاحياء والاموات وانتي تتفرجين على الاغراض!!!
الدعاء مستجاب باذن الله في السوق
واحتسبي الاجر
.....
معليش طولت ولو اني ابي اقول اكثررررر
ركعتين الوضوء
تعطي احساس رائــــــــــــــــــــع بإنك مع الله دائما!!
ركعتين الضحى......تريح النفس بشكل عجيـــــــــــــــــــب!!
قيام الليل والدعاء فيه...اللي تبغى شي من ربها....تطلبه في ثلث الليل الاخر
وتشوف كيف الاجابه بتكون سريعه!!!
اخبار اللي حولك بأي معلومه مفيده....لأنه فيه جزاء لكاتم العلم!!
الكلمـــــــــــــــــــــــــ ــــــــــــــــــــة الطيبـــــــــــــــــــــــــ ــــــه
الاعمال الصالحه كثيــــــــــــــــــــره.....
واصلا المفروض حياة المسلم تكون كلها عباده!!
اذا نام يحتسب نومه عند الله بنية انه يصحى نشيط للعباده
اذا اشتغل اي شغل يحتسب النيه
اذا نصح يحتسب النيه!!
واللي تبغى زياده تبحث بالنت عن سنن النبي عليه الصلاة والسلام
سنن رائعـــــــــــه وسهله
لكن يبغى لها عزيمه واصرار!
والله يهدينا ويهدي كل المسلمين
..............
الدعاء الدعاء الدعاء للي تربطني فيه معرفة و اللي ماتربطني
الدعاء لأي شخص سمعت إنه مكروب ، الدعاء لكل وحدة سمعت
إنها تأخرت بالزواج، الدعاء لكل وحدة أعرف عنها إنها أتأخرت بالحمل
و لو كانت معرفتي فيها بعييييدة الدعــــــــــــــاء خاصة للأموات و بأسمائهم
لكل شخص حزنت لقصة وفاته و أثرت فيني أعرفه و لا ما أعرفه أعتقد هذي
بالذات و بإذن الله فيها أجر كبييير لأن الأموات هم أكثر من يحتاج للدعاء
فكيف بميت تجيه دعوة في قبره من شخص ما يعرفه،و تخيلوا معي كيف
بيكون أجرها عند رب العالمين خااااصة إذا أُخلصت النية،و بإذن الله أرحم الراحمين
رب العالمين بيردها لك إذا متِ و بتلقين من يدعي لك طوال عمره ....
إخلاص النية بكل شئ تعملينه و لو كان بمثقال ذرة !
امممم بس إذا أتذكرت أرجع إن شاء الله!
............
حسن الخلق وإخلاص النية وصفاء القلب ولين الجانب وتذكر هذا الحديث {لايؤمن أحدكم حتى يحب لأخيه مايحب لنفسه }
ومحاولة مساعدت الآخرين بقدر المستطاع وبذل النصيحة والتماس الاعذار لهم ...
..........
واذا كنت في جلسه مع اخواتي وحصلت وقت مناسب اقري عليهم قول من اقوال الرسول صلي الله عليه وسلم
مثل البارح كنت جالسه مع اخواتي وفجاءه انقطه الكلام كلنا سكتنا
استغليتها فرصه وقريت عليهم الحديث
عن رسول الله صلي الله عليه وسلم
قال صلى الله عليه وسلم : ( احب الناس الى الله تعالى انفعهم للناس ,واحب الاعمال الى الله عز وجل سرور تدخله على مسلم , او تكشف عنه كربة , او تقضى عنه دينا , او تطرد عنه جوعا , ولان امشى مع اخ فى حاجة احب الى من ان اعتكف فى هذا المسجد _ يعنى مسجد المدينة _ شهرا , ومن كف غضبه ستر الله عورته , ومن كظم غيظه ولو شاء ان يمضيه امضاه , ملأ الله قلبه رجاء يوم القيامة , ومن مشى مع اخيه فى حاجة حتى تتهيأ له اثبت الله قدمه يوم تزول الاقدام , وان سوء الخلق يفسد العمل كما يفسد الخل العسل ) .
تخيلو كلهم اتعجبو منه كانهم اول مره يسمعونه
ومنهو من طلبو ارسله لهم عن طريق البلوتوث
كاتبه الاذكار اليوميه علي ورد
ومنزلتها في الجوال
عشان اقراها كل وقت
اتمني تستفيدون منها
.............
انا غير موظفه بس يجينى مبلغ مالى من مصدر والحمد لله حلال بحلال حوالى 6000 ريال اطلع شهريا مالايقل عن 600 ريال صدقات وتوصل الف واشوفها مبلغ بسيط اضافه لكفاله يتيم لى ولابوى الله يرحمه لانه هو مصدر رزقى الله يسكنه جنات النعيم
قراة القران يوميا ولو صفحتين واغلبها بعد صلاة الفجر صيام الايام البيض واوقات الاثنين او الخميس على حسب فضوتى ورضى زوجى
من عادتى اسهر فما اوتر حتى اصلى اخر الليل ركعتين او اربع واوتر بركعه
اذكار الصباح مااغفل عنها ابدا ولكن المساء اوقات انساها بس احاول يوميا بعد صلاة المغرب اقرء ايه الكرسي اهم شىء
قبل النوم امسك السبحه واستغفر اكثر من 200 مره
................
الله موضوع يجنن الله يجزاك خير يا صاحبة الموضوع -اكثر شي اثر في حياتي الاستغفار ولله الحمداللي لقيت فيه راحة بال ونشاط واقدام على الطاعه اشياء كنت افتقدها بصراحه وطريقتي اني استغفر طول اليوم بدون ما احسب يعني وانا اطبخ وانا اكنس البيت وانا امشي في السوق خلاص تعودت ياربي لك الحمدان شاء الله دايمه -الشغله الثانيه اني من النوع اللي احب اتفانافي تقديم المساعده واتلذذ والله فيها سواء بمعلومه او جهد بدني ابد ما عندي اي مشكله دامها خدمه لله وفي الله حتى لو كان الشخص اللي قدامي علاقتي فيه موذاك الزود احتسبها عند الله -الشغله الثالثه انا يا بنات متعوده اسوي كل رمضان سفره طويله عريضه واحتسب اجرها كامل لجدي وجدتي وعمي وعماتي وهم ميتين الله يرحمهم ويغفر لهم -اخر شغله وهذي امي معودتنا عليها الله يعطيها الصحه من يوم كنا صغار اذا مرضنا او جتنا كربه او مصيبه على طول صدقه ان شاء الله كرتون بسكوت ويتوزع على عيال الحاره -وياربي لك الحمد الله يديمها علينا نعمه والمسلمين ويقدرنا على فعل الخير
>>منقول اتمنى الله يجزاكم خير تساهمون في نشره لانه قيم جداا يمكن احد يقراه ويطبق بعض من اللي فيه وتاخذين اجر وانتي ماتدرين لاتحرمون نفسكم الاجر
انشررررررررررررررررررررروه
منقووووول
اللهم صل على محمد وعلى آله وصحبه أجمعين
رد مع اقتباس
مواقع النشر