من مطبخي كسرة لمبسس
السلام عليكم وررحمة الله تعالى وبركاته
من مطبخي كسرة لمبسس
وهي نوع من انواع الكسرى الجزائرية تجي حلوة
وفي العادة نشرب بها الحليب بالقهوة ( فطورنا الصباحي )
وطيب على طاجين لحديد او مقلة تيفال ثقيلة
المقادير
2 كيلات سميد متوسط ، 3 فناجل زيت ، ملح ، 4 مغارف ( ملاعق) كبار سكر معمرين ( ملايانين)
1 خميرة كيميائية ، وماء للعجن تقريبا ( كاس ونص حسب نوعية السميد)
نحطو السميد في قصعة ( التي بالصورة وتكون من الخشب) مع الملح السكر لخميرة
وفي الوسط الزيت
نخلطوهم ونفركو براحة اليد حتى يدخل الزيت في السميد ويتبسس مليح
من بعد نزيدو الماء بالشوي ونعجنو حتى تتلم
نقسموها على زوج وماتحتاجش ترتاح
نحلو وحدة بشكل دائري
ونقطعوها اشكال كيما حبينا ( في العادة يتقطعو دي لزونج اي معينات)
ونحطوهم يطيبو على طاجين الحديد الي نسموه لمرا
ويكون مدهون بشوي زيت
نبقو نحركو فيهم باش مايتحرقوش
ونقلبوهم على الجيهتين
ويقدمو وهم باردين
ان شاء الله تعجبكم الوصف
دوما ماتنسونيش من دعوة خير
رد مع اقتباس
ابنتي
مواقع النشر