بسم الله الرحمن الرحيم
يا مسااااء الصبح ... ويا صباح المساااااء
حياكم الله .. هذا موضوع من إجتهادي للفائدة فقط... ثم النقاش
الصراحه الموضوع مهم للغايه وخصوصاً نحن المتزوجات
بصرااااااحه ... كل وحده مننا أكيد مرت بمشكله خاصه .. واقصد بالخاصه .. اي في المنطقةالحساسه
وبما أنها حساسه فهي أكيد مهمه وفي غااااااااية الأهميه
الزبدة... انا لي فتره بسيطة وانا أعاني من بعض المشاكل في المنطقةالحساسه
وهي احس ان المنطقة شوي غرقانه وافرازات سايله بدون ريحه ... الله يكرمكم
فكنت انا و وحده من زميلات نسولف سوى عن هالأشياء ألا وهي تمدح لي أنظمه لبعض الحريم موجوده في النت ..وأجيك بكل براءه وأدور بالنت عن هالأشياء
طبعا فيه أشياء متعارف عليها مثل المشروبات الساخنه وأكل البر أشياء اللزجه
لكن فيه شي شدني وحسيت ان السالفه فيها شي
تبون تعرفون .......؟؟؟؟
إنزلوا شوي .. رياضه ....
والله حليلكم ... خلاص وصلنا
علاج الخراب والاصوات
الكرشه حقت الذبيحه
تكون طازجه وجديده,,, وتوصين الى بيروح يجيبها مايلمس الجزار الكرشه
تجيك مثل ماهى ..
تغسل بمويه حاره وتنظف ...
بدون فتح .. او تفتحين فتحه صغيره
وتغسلينها من خلالها ..
من الذبيحه نفسها قطعى قطع لحم صغيره جدا
وقطع كبد وقطع كلاوى .. صغار
واحشى الكرشه بالقطع .. ومكن تحطين بصل وثوم وملح ,فلفل اسود
وتحطين معها بنفس الحشوه داخل الكرشه
كل الادويه الى عندك
حلب
حبه سوداء
رشاد
ماش
وتخيطين الكرشه بابره وخيط
وتحطينها بقدر كبير فيه مويه وتخلينها تطبخ لحد ماتستوى ..
وتحطينها بصحن ..
وتفرشين فراش بلارض . وطفى المكيف
والشباك قفليه
وتكونين من غير ملابس افضل
او ثوب قصير عشان البخار حق الكرشه يدخل
وتشلين ملابسك الداخليه .. الكلوت
وتجبين بطانيه كبيره وثقيله .. وتتغطين كلك .. تخلين البطانيه
كانها خيمه مغطيتك كلك .. وانتىتحتها
والصحن الحار وفيه الكرشه معك تحت البطانيه
وتفتحين الكرشه بسكين وتاكلين من المحتويات ,,
حاولى ماتاكلين شي قبل االعمليه عشان تاكلين زين من الكرشه
كولى وبالملعقه خوذى من محتويات الادويه المطبوخه بالكرشه وكولى
ومن قطع اللحم ,,,
وخلى احد حولك يدخل عليك كاسه شاهى اعشاب
من تحت بطانيتك
لا تفتحين البطانيه ابدا..
ولا تطلبين مويه او عصير وانتى تحت تقولين مت حر ابى شي يبرد على كبدى ..
كاسه شاى اعشاب ( دارسين + كمون )
وطلعى الصحن برى بعد ماتخلصين من تحت البطانيه لا تفتحينها
ونامى على فراشك مكانك
طبعا بتكون حالتك كلك تصبين عرق من فوق لتحت والشى المطلوب
حاولى تجلسين ساعه ..والطيبه تجلس اكثر
وبعدين قومى لفى جسمك بروب حمام
اذا كان عليك ثوب بيكون مبلول
وغير ملابسك
والبسى ملابس داخليه
ولفى راسك بشيله
وخليك بمكان دافى او غطى رجولك
واشربى اشياء دافئيه
ممكن تكرر العمليه اكثر من مره بالنفاس
ايام الدوره تكفى مره واحده
واذا طبقت الطريقه صح تكفى مره واحده بالنفاس باذن الله
وممكن تكرر على حسب شده الصوت معك
بعضهم واضح وبعضهم تسريب هواء وفقاعات
وتسريب الهواء بدايه للصوت اكبر اذا اهمل
طبعا الكرشه ميه الميه %
طبعا ً انا ما اقلل من أمر الأنظمه اللي حا طينها الأخوات .. ما قصروا وجزاهم الله كل خير
لكن حاولت استوعب النقطه اللي فاتت ... عيت تدخل راسي ... ولا تجي وحده هالحين تقول اني ما اعرف وأني مو عايشه ....ومو فاهمه ... لكن وش هذا....
هل هذا ممكن يكون حل ؟؟؟ وحتى لو كان
والله يوم قريت هالنقطه تخيلت شكلي مسويتها وعاد ما حولي الا زوجي واطلبه يجيب الشااااهي 
بيقول مشعوذه 
أو ابوي .... بيطردني من البيت 
أو حتى أمي
مع احترامي لصاحبة النظام حتى لو كان كلامها سليم
عموماً .. للمصداقية والأمانه حبيت انقل لكم تجربة احد الأخوات لصاحبة النظام مع حذف الأسماء لعدم التجريح ولأني لا انتقد النظام ولكن هالنقطه شوي غريبه
السلام عليكم..كيفكم يا احلى كروشاات..بنات انا حبيت اقولكم تجربتي مع نظام الاخت....ا لله يجزاها خير ويحقق لها امانيها وين ما كانت..ايام كنت حامل كنت علطول فموقع الحمل والولادة..واول مرة بحياتي اسمع ان به نظام للنفاس كنت جاهلة بها الموضوع..وولدت مرتين وماكنت اسوي نظام وكان فيني هواء وافرازات وحاله ونا ما ادري انه خراب..وقررت اني اسوي نظامها..شريت كل اعشاب النفاس من عطار بن منقاش وشريت ..المهم جهزتها من الشهر الثامن عشان ما انزنق فالوقت..وقعدت اقرا نظامها بتمعن..وسويت تمرة النفاس وسنعت كل شي..ويوم ولدت حافظت على النظام من بعد اربع ايام بالنفاس لان كانت ولادتي قيصرية وكنت تبعانة بس فنفس الوقت ما اهملت نفسي فالمستشفى من ناحية تغطية الراس ولبس الشراريب والسروال القطن الطويل وبعدت عن الاكل والشرب الممنوع فالنفاس واخذت معي قارورة منقوعة اشرب منها كل ما عطشت صح طعمها مر ولكني تحملت عشان اخرج من النفاس ونا زينه..وبعد ماطلعت من المستشفى مشيت على النظام بالكامل من سفوف واكل وتغذيه وغسول..والعشرين الاخيرة داومت بعد عالسفوف وعلى الكبو..واخر خمس ايام استخدمت ..وتحاميل البوثيل اخذها يوم واتركها يوم..ووالله يابنات طلعت من النفاس مشدووووووودة وناشفة والمنطقة ضيقة مرة فرق شاسع بين ولاداتي الي قبل وبين ولادتي الاخيرة..وقطعت الشك باليقين ويوم جاتني اخت النفاس الي هي الدورة الي بعد النفاس جاتني على طول من الشهر الثاني بعد الاربعين واتبعت نفس نظام نفاسي فالاربعين..ما اهملتها ابد لان الاخت.... قالت الي تهمل اخت النفاس يخرب عليها كل شي سوته بنفاسها لذلك كنت حريصه اني اهتم فيه عشان ما اخرب تعبي..واللحين يابنات كل دورة صرت اهتم بنفسي من لبس وشاهي نفاس وتغذية وكبو والبعد عن الممنوعات ووالله اني صرت اضيق واحسن من قبل ولو ادري عن هذاالنظام كان من زمااااااان مشيت عليه..وكل ما احس بالنتايج الحلوة ادعي للاخت .....من قلبي ان ربي يجزاها الف خير وينور دربها ويحقق لها كل ماتتمنى ويخليلها زوجها وعيالها لانها ساعدتني وهي ماتدري ولا اعرفها ولا تعرفني..وانتو وراحتكم بس انا حبيت انقل لكم تجربتي ولا تيجي وحده تعمل النظام وتهمل بعض الجوانب لانه ماينفع هو متعب شوي اتباع النظام ولكن نتايجه مبهره..يبيله صبر حتى زوجي لاحظ..واي وحده تقرا موضوعي او تستفيد منه تدعيلي ان ربي يرد لي زوجي ردآ جميلا ويسخره لي..
.........................
هذا رد أحد الأخوات المجربات .. وحبيت افيد في نقطه من تجربة وحده من زميلاتي ... ان تحاميل البوثيل اذا أستخمت في غير حاجتها تسبب .....
خراااااااااااااااب ... توسع ولزوجات .... ومشاكل
ولازم تكون تحت إشراف طبي ... بابعد قلبي
............................................
فيه نظام أخر يمدحونه ناس واجد و بشكل واسع
المهم
حبيت هنا ان أنقل تجربة أحد الأخوات مع حذف الدلائل المباشره لأسم النظام ... او صاحبته
اهلا وسهلا
شخباركم ان شاء الله طويبين :
المهم انا قبل فتره ولدت وقبل مااولد قريت عن نظام في احد المنتديات وااغراني استخدامه فقررت استخدمه نزلت للعطار وشريت كل الخزعبلات اللي كاتبتها((على فكه بتقولون هذي معروفه؟؟لا والف لا المعروفه هي القديمه اما الان اصبحت مغشوشه ومرشوشه بمخلفات المصانع والمواد السامه))
المهم حظرتها في علب وجزئتها على عشرين يوم الاولى من النفاس وعشرين يوم الاخيره من النفاس
اااملة في تحقيق مرادي وخايفه من كلمة ((خربانه))
المهم............استخدمتها بحذافيرها الله وكيلكم يابنات ماكملت عشرين يوم الا انفجرت معي مويات غريبه...
كل دقيقه صب من هالمويا ونفسيتي صارت زفت منها لااهتميت بنفسي ولا بولدي وانا احط من الكبو اللي تقول ...واكل من اللهوم على الريق الى اااااااااااخره.......امله في انقطاعه متعجبة من سببه؟؟؟
كملت اربعين يوم وانا مويا طلعت الاربعين وانا مويات من شدتها صرت البس فوطه....
رحت للدكتوره وكشفت علي بالمنظار داخل الرحم؟؟؟؟قالت ايش هذا ايش هالريحه حرام عليك وش كنتي تحطين في هالمنطقه الحساسه؟؟
قلتلها كبو ومره
قالت بكمتيريا والتهابات شديده في الرحم كونت عندك القرحه في عنق الرحم لازم كوي؟؟
كوتني واعطتني تحاميل مهبليه ودش مهبلي وقالتلي استمر عليها
والحمدلله بدت تخف شيئا فشيء
لذلك احذركم ياحوامل بعد ماتقوموا بالسلامه من ان تستخدموا هذا النظام البائس
بس احرصي على نظافة الفوطه الصحيه واهتمي بشرب السوائل الدافيه ...والحلب لتقوية عظامك
.................................................. ...........
جزى الله الأخت اللي ذكرت تجربتها السابقه كل خير
.................................................. .
طيب وش رايكم اذكر لكم تجربتي انا ...ز
تعالوا أسمعوا ........
انا الحمد لله بعد ولادتي طلعت توب .... والله ما سويت شي غير اني كنت أسمع كلام أمي وبس
... طبعا ولدت وانا باقي ادرس واضطريت اني أداوم بعد أسبوعين من الولاده
فما أعتنيت بنفسي ألأ أسبوعين
كانت أمي الله يطول بعمرها ويعينني على برها ويجعل الجنه مثواها ...
تخليني أشرب منقوع المر عالريق بقدر فنجان شاهي
ومأكولاتي البر والسمن والمرق والأشياء الدافيه ... وترمس القشر المزبوط بالتمر والحلبه والحبه السوداء والزنجبيل عند راسي كلما بغيت اتقهوى أشرب منه
ولعشرين الأخيره ع قولتهم ... رحت طبيبه و وصفت لي غسول طبي اتنقع فيه 4 مرات باليوم لمدة أسبوعين
وكنت أدفي جسمي من الهواء وألبس بنطلون طول النفااااااس عشان الهواء
فقط ... والله ولا دخلت بجسمي من تحت شي .... ولا سويت كبوات وخرابيط .... ولا تنقعت بمره وخرابيطها
ولا ولا ولا شي ..... والله على ما أقول شهيد
والله طلعت كأني باقي بنوته 
خخخخ بس مو مرررررره ههههههههههه ... بس كانت النتيجه روعه
الحمد لله
ومشيت تمام الين كلمتني وحده من زميلاتي وتعلمني بهالأنظمه .... وأنها ... وأنها .....ألخ
وأجيك أنا أتحمس ....
رغم أني كنت ما أعاني من شي ... الحمدلله
والله أنها بس السفوفات ..... ع قولتهم ..... والله بعد الدوره حسيت بالمشكله .... أفرازات زايد وأحس أ،ي غرقانه على طول .... والله لا يوريكم ....وأحس نفسي ... من بعدها ..... فعلا خربانه ...........
.................................................. ....
وقررت بالنهايه أني أروح طبيبة نساء و ولادة ... لأن هالمنطقه مهمه عندي
ولا عندي أستعداد أقطع ذريتي لأسباب بسيطه يمكن أن نحلها في بدايتها بزيارة للطبيبه ... لا تأخذ سوى كم دقيقه ....
الله يعطيني وياكم العافيه .... ويخليكم ع طووووووووووول بنوتااااااااااااااااااات
.................................................. ....................
نقطه أخيره.... في برنامج ذا دوكتورز المعروف ..... تدرون وش حل الخراب عند الأجانب والتوسع ...... مو الألتهابات .... لأن الألتهابات غير والتوسع غير
تمارين كيجل .................... فقط لأن سبب التوسع هو أرتخاء عضلة كيجل اللي هي بين فتحة المهبل والشرج فلابد من تقويتها ..
وأترككم الأن مع رأي الدكتور جابر القحطاني عن هالأنظمه .... وأرجو الدعاء لي بالتوفيق في حياتي
وأن يطيل عمر والداي ... وأخواني... وأخواتي ... ويحفظهم لي وزوجي .... وبنتوتي .... وأكرر الموضوع من جهدي الخاااااااااااااااااااااااااااص ((( أختكم ..رضاك يازوجي )))
.................................................. ...................
والشيء المفيد بعد الولادة التغذية الجيدة والاكثار من التمر وشرب قشر القهوة وكذلك الحلبة والشمر ولا أنصح بغير ذلك. فالحلبة وقشر القهوة يدران الحليب للطفل والشمر طارد للغازات
مم
منطقتك الحساسه .... غاليه جداً
رد مع اقتباس
مواقع النشر