هلا غالياتي
حبيت اقدم لكم وحدة من طبخاتي (( اختراعاتيـــ ...))
صينيه مكرونه مع كرات الكفتة
بسم الله نبدا
المقادير
كيسه مكرونه اي نوع او شكل تحبيه
مغلف باشاميل
كفته بقري (( السنبله ))
واحد صلصه
بهارات منوعه
ملح
ماجي
3 علب حليب المراعي الصغير
2 فلفل اخضر بارد
1 طماطم
بصل
زيت
طريقة العمل
اولا نسلق المكرونه مع شويه زيت زيتون + واحد ماجي
نحمص البصل وبعدها نضيف الفلفل الاخضر بعد مانقطعه شرائح طوليه ونخليهم يتحمصوا
نضيف الطماطم ونحركهم ونخليهم شوي عالنار
بعدها نضيف الملح والصلصه والبهارات المنوعه
بعد ماتحسين انه اختلطت المكونات مع بعض ضيفي كرات الكفته وشويه مويه وخليهم يطبخوا عالنار
في هالاثناء جهزي صلصة البشاميل
انا بصراحة احب المغلفات الجاهزة اضيف لها 3 علب حليب المراعي او الصافي الحجم الصغير
واحركهم حتى تذوب واضيف الفلفل الاسود وعالنار حتى يبدا يثقل الخليط شوي واضيف شوي جبنه مزاريلا
وهذا يعطيه طعم خطير
أبدا بتصفية المكرونه واجهز الصينيه
اضيف نص كميه المكرونه واضع عليها اربع ملاعق من صلصه البشاميل واحركهم
حتى تتماسك القاعده
بعدها اضيف خلطه الكفته بعد ماتكون استوت وحاولوا مايكون فيها مرق كثير حتى ماتتلخبط الصينيه
بعدها اضيف باقي كمية المكرونه واضع باقي صلصه البشاميل
وادخلها الفرن اولا من تحت مده عشر دقايق وبعدها من فوق حتى تحمر
واستمتعوا بالطعم الخطير جدا
اعذروني ماقدرت اصورها بالاخير
ربي يسعدكم ويكتب لكم الخير دوم
رد مع اقتباس
مواقع النشر