سعوديات يحددن 17 يونيو موعداً لتحدي قانون منع القيادة .. والشباب السعودي العقال موجود

[حرم تركي]

كذا والمشاكل والفتن ماليه الدنيا

لو ساقت المرأة وش بيصير

أقول يتلايطن وينثبرون ببيوتهم احسن لهم

الله يكفينا الشر

[التفاحة الخضراء]

اختي ,,اسيرة التفكير

اشكرك على ردك المتواضع الذي لايوجد فيه اي عصبية مثل بعض ردود البنات ,,حل المشاكل لاتأتي بالعصبية ..
انا اتفق معكي في كل كلمة قلتيها وانا كنت في البداية من المعارضين لقيادةالمرأة والى الأن لست من المشجعين لاخوفا من عقال الرجاجيل او خوفا من الأدعاءات التي يذكرونها ولكن خوفا من الله الذي خلقنا ,,فلو سمح بالقيادة فاالمتزوجة والتي غالبا هي الأكثر ظلما وقهرا تحت وطأة الرجل (انا لا اعمم ولكن من الأغلبية ) فهي مع ذلك لن تستطيع القيادة لأنها لن تستطيع الخروج من البيت إلا بإذن زوجها كما امرنا نبينا محمد عليه افضل الصلاة ,,وكما قالت الأخت كوكو لابد ان ياتي يوم ويسمح بالقيادة ,,فأنا اتمنى اذا تمت الموافقة ايضا وضع الشروط لذلك وسأحزن وسأفرح في نفس الوقت سأحزن لأني اعرف انها ستحدث المشاكل وسأفرح للحريم المقهورات خاصة الأرامل والمطلقات الذي اتمنى ان يستفدن من ذلك فيما يرضي الله ..

انا اتعجب من مجلس الشورى عندما سمح بقرض جديد من بنك التسليف للمتزوج لأخذ الزوجة الثانية ,,هل ينقص فقط المهر هل يستطيع فيما بعد في النفقة على منزلين هل يستطيع العدل واغلب راتبه قروض اما فقط حتى يستخدم الرجل كل مااراد ان يقهر زوجته الأولى ومهره جاهز ليتزوج بأخرى والضحية إما طلاق احداهن او الأطفال هم الضحية ,,احل الله اربع بس كان الشرط هو العدل ,,انا اتعجب من ذلك بدل ان يعطوا هذي الأموال لمتزوجين يعطوها الشباب العاطلة في كل شارع وبتنحل مشكلة العنوسة اذا كان هذا هو السبب الحقيقي من وراء وضع هذا القرض ..

لاتتتعجبي من طرحي هذا الموضوع ولكني اردت ان اقول ان مجلس الشورى او المجتمع السعودي فالحين في وضع والموافقة على الشروط التي تريحهم هم الرجال اكثر من التفكير في المرأة ..


الحمدلله انامنعم علي الله بزوج طيب وحنون ومومقصر معي في شي الله يحفظه بس انا اتكلم من القهر اللي شايفته بمجتمعي ومن كثر الحريم المقهورات والرجال المتسلطين ..
والحمدلله على كل حال "لهــــــــــم الله" ومانبي من هذي الدنيا شي ..

[سامرون]

بسم الله الرحمن الرحيم

والله هذا الكلام نفسه هو هو كان ينقال عن الفضائيات انفلات وفساااااد و و و......وهذا الكلام نفسه هو هو كان ينقال على النت وكيف انه بيخرب العالم وييحطم الاخلاق والقيم وان الناس ماراح تعرف تستخدمه صح ....واهو احنا مجتمعات على النت وعلى كل خير..............ياعالم لا تسوو نفسكم اوصياء على اخلاق الناس ...وتذكروا انه الفضائيات على كثر الفساااد اللي فيها الا ان بها قنوات اسلاميه لايستغني عنها اي بيت وبالعكس اصبحت اقوى الطرق في الدعوه الى الله ..........والنت كمان ولولا النت برغم كل مساؤه..الا انه اصبح لا غنى عنه ومين اليوم يبحث عن معلومه فلا غنى له عن النت .........
ولا تقولوا الموضوع مختلف وماأعرف ايه؟؟ كان يقولو كذا على كل جديد.........مختلف مختلف
وعلى فكره موضوع سواقة المرأه لايحتاج اي تغييير في الشوارع ولا في الأنظمه زي مايظن بعض الناس....الفكره هي مالمانع من سواقة المرأه للسياره؟؟؟؟؟؟؟؟كل الاسباب اللي دايما تنقال كلها عباره عن قلق وخوف وخيالات لأن الحقيقه ان المرأه بتسوق السياره فعلا وأن كان في بلدان أخرى وفي اليمن اعرف حريم يسوقوا وهم لابسين الخمار وماعندهم اي مشكله زي مايقول بعض الشيوخ...اما التجاوزات المتوقعه ان الحريم بيسوها ..فالرجال حاليا هم واقعين فيها بس المشكله ان الخطأمن الرجل عاااااااادي بس من الحرمه يالهووووووووووووووووووووووووووووووووووووووووي


وأنا بصراحه احس ان سواقة المرأه هنا في السعوديه ممكن تكون مشكلتها في بداية الأمر مع اندفاع البعض وبعد فتره راح تستقر الامور وتتعدل....

وتذكرو ا انه لايوجد مانع شرعي حقيقي يمنع المرأه من السواقه ..واللي يذكر موانع ارجع وأقله والله فكرتني بالي انقال على النت والستلايت ..........واهو النت والستلايت موجود في كل بيت في السعوديه..

وعلى فكره يالتفاحه الخضراء كلامك صحيح جدا جدا في ان مجلس الشورى لاينظر نظره عامه في المصلحه والمفروض قبل مايمنع قيادة المرأه ..كان المفروض يمنع سفر الرجال للخارج للسياحه واللي جر على المجتمع السعووودي ماالله اعلم به من ويلات ما يسألو نفسهم ايش رايح هذا الرجل يسوي كل سنه كل سنه ماعندهم غير الانفلات الاخلاقي ويجيبوا الامراض وينشروا في المجتمع وغير البيوت اللي تنهار بسبب هذه السفريات...لا وكمان يتزوجو بره ويتنكروا لعيالهم وشوهو سمعة السعودي والمملكه العربيه السعوديه..........ماشوف مجلس الشورى حرم السفر اعتمادا على اساس انه ممكن يسبب مشاكل للمجتمع لكن الحريم كل شيء حرام عليهم لانه سوف يأثر على اخلاق المجتمع...ياسبحان الله



اللهم صل على محمد وعلى آله وصحبه أجمعين

[اسيرة التفكير]

الله لاينولهم مرادهم الي ليتركوا النساء يسوقو السيارات منجد قرات الموضوع والردود وعصبت.....صدقوني اذا صار وساقت المرأة السيارة لازم يكون الدفاع المدني متاهب ومستعد والهلال الأحمر كمان لكل 15 دقيقة حيكون في حادث وشركات السيارات لازم تكثر من إنتاجها للسيارات ويابخت ورش السيارات بتتكسب وبتجيها رزق مو طبيعي.

عزيزتي ..ربي اجبر قلبي

مشششكووورة لمتابعتك الموضووع ومشاركاتك في طرح رايك وصحيح كلامك قد يكوووون هناااك حوادث من جراء سواقة المرأة لان عندنا بعض الحريم تحب التقليد حتى في الشيء اللى ما تعرف له يعني بتغامر بروحها وروح اللى حواليها لان مشكلتنا في المجتمع السعودي ذبحتنا المظااااهر

علشااان كذا مسأله سواقة المرأة للسيارة يبغلها تروي لانها الآن في قمة الفوره واي شيء فيه اذى للمسلمييين اعتقد ما بيرضى بيه رب العالميييين الا اذا التزمنا بمبادنا وكل واحد ربا نفسه صح بدووون عنطزه على عباد الله

واذا كااان هناك حريم مستعجلين على السواقة اعتقد فيه رجال الى الان يخافون من السواقه لانهم عارفييين البعض متهور والله يستر بس

واكرررررررررررررررررر شكري لكِ