ياظالمه زينـك بشيـن السوايـا
من وين لك قلب على طول جاير
ماابغى الدوا لاصار جرحك دوايـا
باكر على الظالم تدور الدوايـر
اخر علاجي الكي وانتي الكوايا
للحب عبره وانتي قربك عبايـر
لو هو على زينك بنلقى صبايـا
المشكله في الحب تعمى البصاير
الصبح واضح والخطايا خطايـا
والربح من بعض الاوادم خساير
يانفس قومي عن غـرام البقايـا
وياقلب قبل الحب شاور وخايـر
اولاد ناس ولا نحـب الوصايـا
كلن يرى نفسه يعـادل عشايـر
ماكـل قلـبٍ ينشـرى بالهدايـا
ولا كل كسر تفيد فيـه الجبايـر
المعطـي الله مالخلقـه عطايـا
لو هي على خلقه سقتنا المراير
عزاي ربٍ يعطي حسب النوايـا
يرحم عزيزين الذمم والضماير
ناس تـدس الهـم بيـن الحنايـا
وناس وربي مادرت وش صاير
هذاك حظه مثل بيـض الثنايـا
وهذاك حظه مثل سود الضفايـر
رد مع اقتباس
والربح من بعض الاوادم خساير
مواقع النشر