يكفي يايمه

[الاسيييره]

والله يمكن يكون مو هنا المكان المناسب للموضوع لكن ابطرح مشكلتي
وابي منكم حل
حنا قبل مانتزوج كنا ملعات امي حييييييل وجاء النصيب وتزوجت انا واختي بنفس الاسبوع
تقول اختي اللي متزوجه قبلنا كنت اجيها القاها تبكي تقول انا ناسيه كل شي
في مطبخي نسني كل شي وراحن وتركني طبعا فيه شغاله لكن ماتطبخ انا اللي
كنت اطبخ
المشكله الحين صرنا لما نجي للبيت امي وابوي يعاملونا اننا غريبات
لدرجة امي تنتقد طبخنا وطبعنا قدام زوجات اخواني
غير ان امي ماتهتم فينا حتى لو نمرض ونحتاج لها وكلمتها المعتاده
الله يخليكن لبعض ولا انا مابي خير
الحين حنا مو مثل اول صرنا نحتاج لها ونتمنى لو توقف معنا وقت اللازمه يعني الحين
انا ابخلص التاسع واخوتي يواحمن والله اني اطبخ لهن وانا حدي منتهيه وامي ماجابت خبر
لكل هالوضع
مره سويت غدا لزوجي وبعد ماخلصت لقيت رساله من اختي ضربت الانسولين
ومالي نفس اكل قمت وسويت لها غدا محاشي جتني امي وقلت لها السالفه
قالت الله يخليكن لبعض
والله شغالتي ملت من الجلوس مي لاقيه شغل طبعا انا ولعت قلت قلت لها ليه
ماتقولينلها تسوي مفرزنات لولادتي مابقى وقت عنها طبعا انا ماعندي شغاله
قالت وقتها خواتك يسون لك قلت خواتي تعبانات من الوحم قالت وقتها يكنن طااابن
والمشكله انا ابي اولدببيتي وهي زعلت ورفضت تقول ابيك عندي ماتطمن الا وانتي
تحت عيني وانا ادري اني رح اتوهق
بس وش اسوي مابي ازعلها
احيانا افكر ان دلعنا لها خلاها ماتقدر ضروفنا مهما كانت لان اخوات زوجي مطنشات
امهن وهي اللي تهتم فيهن وفي عيالهن
واحيانا افكر ان امي تربت يتيمه وشافت من الدنيا الويل وتنظر لوضعنا اننا في قمة الدلع
مع اننا في قمة الحاجه لها
توقعن في وسيله نقولها يكفي يايمه بدون مانجرحها

[حنان حنو]

صباح الخير

اولا الله يخليلك امك ويحفضها ويقومك بالسلامه ان شاء الله انتي وخواتك

تانيا والاهم امك يا اختي بتمر بحاله نفسيه صعبه شوي وياريت تفهمي كلامي للاخر
امك هلا حست انها فقدت جزئين من ورحها بنفس الوقت لهيك تقوقعت داخل نفسها وصارت تعطي تبريرات لنفسها بانها مش محتاجه لكن
او محتاجين الها

لهيك اولا شي تعمليه انك لما تزوريها دايما حسسيها بانك محتاجه لها بكل زغيره وكبيره واتصالاتك كتريها شوي
من سؤال عليها من قصه سمعتيها علي الاقل بس تحس انك ما تركتيها وبعدتي

تاني شي لما تروحي عليها قليلها انا بدي اولد عندك لاني مش هقدر لحالي علي التعب
وبس تولدي بالسلامه خليها تهتم بالبيبي اول الايام شوي يعني انتي اعملي نفسك مش عارفه اي شئ بتاتا حتي التغير للبيبي
علي الاقل بس ترجع امك تفهم الواقع شوي

انتي وخواتك اجتمعو بيوم عندها ووطدو العلاقه مع امك وابوكي شوي اكتر يعني كل شوي اعطيها حضن وتبويس
هي وابوكي لانو الحضن لحالو بعالج كل المشاكل
وضلي اعملي نفسك مش قادره علي حياتك قدامها علشان هي نفسها تبدا تعطيكي نصايح للحياه الجديده تعتك وتخاف عليكي


الله يخليك امك ويحفظها من كل شر
امك حنونه كتير بس بداري هدا كلو حاولي تفهميها......

[التفاحة الخضراء]

مااقدر اساعدك بس بارفع لك الموضوع

[رضاك يازوجي]

والله يا اختي لي منظور اخر
اني ما كنتي مدلعه امك..انتي كنتي تسوين اللي المفروض يسوونه كل البات العاقلات والمتربيات على تعاليم الدين
واتني عارفه انك مهما سويتي ماراح تجزيها جزء من حقها
أمك ... ثم أمك ... ثم أمك
نصيحتي لك يأختي ... تقربين من أمك أكثر .. ولا تخلين كل شي على حريم اخوانك
انا عارفه ان امك كل قصدها من كلامها وتصرفاتها ان ما راح ينفعها أخر عمرها الا أولادها وحريم عيالها عشان كذا هي زينه معهم
وتقولك ولأخواتك الله يخليكم لبعض

تدرين .. انا متأكده انكم بعد زواجكم قلت زياراتكم للوالده و تواصلكم معها ولاحظت ان علاقتكم يالبنات ببعض زادت و صارة قويه عشان كذا حز في نفسها شوي .. وخلاها تقول هالجمله وتسوي هالتصرفات

اذا تبين أمك وقت حاجتك ... تكون جنبك ... كوني اول وحده عندها قبل ما تكون محتاجتك ...

من واقع تجربه
حمواتي اخوات زوجي ما يجون عند امهم وقت مرضها ولا يسألون عنها وبس يتعذرون بأزواجهم ... ويطلبون ازواجنا نكون قريبات من امهم
و وقت عافيتها .. تعالي شوفيهم متحاشرين عندها ......
بالله عليك وحده مثل هالأم وش تبينها تقول ؟؟؟
والله انها مسكينه تقول انتو يا حريم عيالي الداخلات وبناتي هذولا الخارجات

تجربه اخرى
انا بمنطقه بعيده عن امي واختي عنده والله اني اذا عند امي مجرد حراره اني اسافر الى عنده واترك زوجي وانا طول الطريق ابكي
الين اتطمن عليها بنفسي ةاجلس معها فترة الين ترتاح وبعدين اروح
ما قلت اختي عندها وما بتقصر ... لا ... هي امي مثل ماهي امها وغاليه عليه وتسوى عيوني

.................................................. .....................

حبيبتي ما ودي ادوش راسك بالحكي بس والله امهاتنا كانوا حنونات ورعونا وحبونا علينا وألحين هم محتاجين الحب والحنان والرعايه

وع الشغاله ... كان ماقلتي خليها تسوي محاشي عشان ولادتي
كان دخلتي مطبخ امك ومسكتي الشغاله وعلمتيها وجلستي تراقبينها الين خلصت شغل وبعدين فرزنتيها معها
والله ما كانت امك بتقولك لا


الله يخليلك امك .. باب من ابواب الجنه لا تضيعينه لأسباب تافهه .... والله يخلي لي امي نور عيني