غدائي قبل يومين مع شرح مفصل :)
السلام عليكم جميعا...
ان شاء الله انكم بأتم صحه وعافيه وسعاده يارب...
انا كانت عندي مشكله برز الكبسه مستحيل مستحيل تضبط معي يا انها تنقص وتحترق او تزود وتسبح خخخ
المهم جارتي الله يوفقها ويخليلها ولدها ويرزقها بكل الي تتمناه علمتني على طريقتها...
ومن بعدها ولله الحمد كبستي ميه ميه تف تف تف ما شاء الله لا احسد نفسي
المهم اول شي وقبل المقادير واي شي راح اقولكم على طريقة المويه:-
انا صورتلكم كوبي الي اقيس فيه الرز والمويه,
وطبعا انا مقياسي الي دايما احطه للرز كوب واحد..وعليه كوبين مويه من نفس كوب الرز.
وللدجاجه كوب مويه.وانا احط نص دجاجه.
يعني كذا طلعت معي 3 اكواب مويه احطها كلها مع الدجاج الثلاثه الاكواب كلها
ان شاء الله انكم فهمتو علي.
والحين نجي للمقادير:-
كوب رز.
نص دجاجه.
بهارات كبسه(اذا وجد)
كمون مطحون+فلفل اسود مطحون+ملح.
حبة ليمون لومي(اخرميها بسكينه عشان يطلع طعمها)
حبة ورق غار+حبة هيل+
كسرة قرفه+ماجي.
طماطمه وحده معصوره.
ملعقه ك معجون طماطم.
فلفل رومي مقطع حلقات.
بصله وفصتين ثوم مطحونين مع بعض(او مقطع تقطيع صغير)
وبالاخير لا تنسي اكواب المويه الثلاثه الحاره.
الطريقه:-
نحط بقدر الضغط زيت عافيه ونشوح البصل والثوم والهيل واللومي والقرفه مع بعض.
بعدين نحط الدجاجه ونقلبها مع البصل شوي عشان تاخذ طعم وريحة البصل والثوم.
وبعدين نحط البهارات.
بعدين نحط معجون الطماطم والطماطم المطحونه ونحركها مع الدجاج تقريبا دقيقتين لما تتشرب الدجاجه.
بعدين نحط الفلفل الرومي والماجي ونحرك شوي لما تحسي ريحة الفلفل طلعت.
وبعدين نحط اكواب المويه الثلاثه واول مانشوفها غلت المويه نقفل على قدر الضغط ولما يلف صمام القدر ننقص على النار للنص مو مره بس شوي ونخليه 15 دقيقه.
وبعد مايخلص وقت الدجاج يكون كذا شكله.
راح تحسي المويه نقصت بس عادي راح يكفي لكاسة الرز.
المهم نشيل الدجاج ونحطها بصينية ع الفرن عشان نحمرها من فوق.
وبعد ماحطينا الدجاجه بالفرن وشعلنا العين العلويه.
نحط الرز بقدر الضغط ونشوف اذا يحتاج ملح ولا لا.
ونقفل ع الرز بقدر الضغط لما الصمام يبدا يدور نحط العين على اقل شي نوطي فيه ع اخر شي لمدة 10 دقايق.
وانتبهي لا تنحرق الدجاجه شيكي عليها انا احمب اقمرها مره وفيه ناس تحبها مقمره على خفيف.
المهم وهذي كبستي الحلوا بالاخير
رد مع اقتباس
مواقع النشر