ماهكيت ان البراقع يفتنني ........... لين شفت ضبى النفود مبرقعاتي
اييييييه ياحزم الضامي
ام حبيليص كانت جالسة في خيمتها تمشط بنت جيرانهم ولابسة البرقع وممده سيقانها باين سروال خط البلدة
احمر ومخطط بابيض وتقول في نفسها
( الله يحوم كبد امك ياذا البنت متى سبحتك اخر مرة ريحة شعرك تصرع البعارين)
واثناء ماهي تمشط شوشتها جاء حبيليص وقام ينادي يمه ... يمه
ردت ام حبيليص : ياعونك ياولدي
قال : عندك احد قالت لا روح جاي ....... روح جاي
دخل حبيليص وشاف بنت جيرانه
قال : انا ماقلت هالقذرة لاعاد اشوفها عندنا اعمتنا بريحتها يايمه الله يعميها علي الطلاق لو اشوفها مرة ثانية
لأثور فيها
البنت سمعته وحطت رجلها وجهه مجدله والجهه الثانية تطير في الهواء العليل ( اترك العنان لخيالكم الموقر)
قالت : ياولدي ريلاكس الله يهديك لايجيك شي وانا امك
قام حبيليص وطلع من الخيمة قالت امه وين رايح
قال : دقايق واجي
رجع مرة ثانية وهو شايل ومحمل
رشاشات على قنابل مسيلة للدموع على بازوكا وصواريخ باتريوت وسكود
شافتها ام حبيليص وقالت : اقسم بالله ياولدي ماني ارهابية ولا حتي شاركت في ثورة 25 يناير
قال : مااحلاك يايمه تشاركين انتي وسروالك ذا
قالت : اجل وش له هالاسلحه
قال : هذي بفجر بها بنات المعتدى اللي مسجلتن فيه
ردت : ليه وانا امك
قال : ازعجوني البنيت كل ما قريت مواضيعك يسألونك وش معنى اسمي هن وش دخلهن ابي افهم ؟؟؟؟؟؟
ام حبيليص : تعوذ من الشاطان وانا امك ..... تعوذ من الشاطان
حبيليص : مانيب ياانك تقولين لهم ان معنى اسم ولدي زين ولا تغيرون اسمي
مهند
ام حبيليص : اما مهند فكثر منها ..
حبيليص : اجل والله لاروح اسطر بنت جيرانا واقطع شعرها ( حط حرته فيها الضعيفة )
ام حبيليص : لاتهور والله ليقومون عليك شيوخ القبايل ويمخشون وجهك ويخلونك راعي لغنمهم
اجل تفاهمي مع البنات لا اجي اتفاهم معهم بطريقتي الخاصة
يابنات الله يرضى عليكم عقدتوا ولدي من كثر ماتسألوني عن معنى اسمه
اول شي انتن ماتستحن تسألن عن واحد غريب
ثانيا وش يضيف لرصيك معلوماتكم هالشي
ثالثا بقول معناه واللي بتسألني ثاني مرة ماتلوم الا خشتها
انا سويت بحث وتحري واخذت اصول واجول في عمنا الله يطول بعمره قوقل وطلع معناه
خفيف الوزن كثير الحركة فهمتن ( الحمد لله)
يلا ضفن خششكن
ام حبلوص
مواقع النشر