تبغين تتوظفي ؟ تبغين تتزوجي ؟ عندك أمنيات ودك تتحقق ؟ أنزين ابيكي بكلمة رأس ...

[احساس الليل]

مااعظمك ياربي صادقه ربي جل شانه الوحيد بقدرته يحقق امنياتنا يارب سامحني على كل ذنب اذنبته غصب عني من جد والله قريت قصتك من البدايه للنهايه ودي ابكي الله عظيم الله وعدنا باشياء كثيره بس يبغانا نحسن العباده له ونعبده بقلوبنا ماهو بلسانا باذن الله يكون رمضان هذا غير والايام الجايه كلها خير وطاعه الله يبلغنا واياكم هذا الشهر الكريم ويغفر ذنوبنا ويحقق امنياتنا ياحي ياقيوم.

[معاً لله]

أختي ياليل ما طولك
والله حمستيني وشجعتيني والله لي 8 سنوات مريضة ولا سويت زيك كان أسمع عن فضل سورة البقرة بس حسيتها طويلة أقرها في ركعتين بس من كلامك الحلو من اليوم إن شاء الله أطبقها وإذا كان على الصدقة الحمدلله بس عمري ما فكرت إن أأكل حيوانات والله إني أبغا أتعلم منك كثير أرجوك خلي يدك بيدي أرجوك والله إني محتاجة إنسانه زيك توقف معاياه ترغبني وتيسرلي كل هذي الأشاء
جزاااااااااااااااااااااااك الله ألف ألف ألف خير على الموضوع الأكثر من رائع وجاري التطبيق ( لن أحمل هم الإجابة لكن أحمل هم الدعاء)

[يا ليل مآطولكـ]

والله يابنات أني فرحت كثير لتجاوبكن معي وما نقلت لكم تجربتي الا لأني شفت الشفاء والفرج والرزق من دعيت ربي وألتجأت له ووكلت كل أموري للحي الذي لايموت .
وكنت حاطه ببالي أني ربي بيسمعني ويستجيب لي ..

يابنات والله ثم والله ثم والله أني أحب لكم الخير . فيه حاجات كثيرة صارت بحياتي حلوة عقب ما كنت أشوف الدنيا لونها أسود والله كنت أقول بنفسي شلون الناس تضحك من قلب أشلون متونسين أشوووووف الدنيا سووووووووووووداء وربي
لاكن اللحين صرت غير وغير وغير ( اللهم لك الحمد والشكر كما ينبغي لجلال وجهك الكريم )
ربي قال (( ولئن شكرتم لأزيدنكم )) بنات دققوا بالآية عدل اقروها مرة وثنتين وثلاث راح يطلع لكم المعني وراح تعملون فيه وربي صرت أشكر ربي على كلللللل شي حتى على المصيبه اذا جتني كنت أشكره لأن ربي ما أبتلاني الا ليسمعني وانا اناااااااجيه واتضرع له شوفوا رحمة ربي فينا يبتلينا عشان نتضرع له لأنه ناوي لنا تغير حال للأفضل ..

كما ما أنسى (( بر الوالدين )) يابنات راح تفتح لك دروب مسدودة بالطاعه واللين والكلام اللي يحبونه

بنات كل يوم راح ندخل بذا الموضوع تراه لنا كلنننننا مو لي أنا فقط انتم اللي راح تملونه غيري وماراح ينزل من الصفحه الأولى بأذن الله وراح نكتب القصص اللي مرينا فيها وكيف أقتربنا من رب العباد أكثر وأكثر



لحظة صفا .. كل الشكر نورتي موضوعي وردة نقيه .. أحبك الله الذي أحبتني فيه ^_^ كل الشكر والأحترام لكلماتك النابعه من نقاء روحك الطيبه أحساس الليل .. نورتي الموضوع وربي يثبتنا آميين معا لله .. حبيبتي المرض نقدر نتغلب عليه بالدعاااااااااء وحسن ظننا بالله انا يوم تعبت كنت وااااثقه ان ربي بيشافيني بس كنت أبكي لله وصياحي يملأ غرفتي بس ماهمني من يسمعه كنت ناسيه وجود الخلق بس انا ورب السماء والأرض كنت أستغل لك لحظه فيها دعاااااء ما أفوتها أبدا الجمعه من صلاة العصر وانا اقرأ سورة الكهف وبعدها دعااااااااااااااااااااااااء لين آذان المغرب .. تخيلي .. شفتي وش طول الوقت كان عندي كله مثل خمس دقايق لأني أنسى الدنيا ومافيها بس وجهي للقبله وابكي وادعي بكل شي لو حاجه انا احسها تافه ادعي فيها
بس ربي فرج كربتي ورزقي فوووووووووووووووق ما أستحق ..
حبيبتي كوني واثقه بالله ولا تحطي واسطه بينك وبينه ابدا ابدا .. مرات من كثر ما كنت ادعي ربي اول ما أبدا بالدعاااااء ما ادري وش اقول من العظمه اللي كنت احسها لما ارفع يدي كنت اقول اللحين ربي يشوفني وانا ادعيه وكنت اتم اصييييييييييييييييييح لين عشر دقايق من غير ولا أتكلم كلمه وحدة تخيلي ..
انتي تخيلي لو جاكي احد يبغى منك شي وانتي تقدرين انك تجيبين له الشي هذا وقبل لأيطلبه منك يقعد يصييييييييييييييييح ويبكي بتضرع وبضعف وبفقر لك .. بالله ما ترحمينه ما تعطينه فوق اللي يبيه .. فكيف بملك الملوك اللي هو أرحم من أمي وامك علينا اللي عندة خزااااااااااااائن السماء والأرض ..

اشكرك معا لله على كلامك الطيب واللي يكشف روحك الطيبه .. لك الشكر لكل من مر هنا ولو كان زائر ... ^_^

راح ندخل كل يوم ونقوي بعضنا بلا مسلسلات بس ذنوب زيادة


ناطرتكم ... أحبكم حيييييييييييييل

[وردة نقية]

جزاك الله خير يا الغاليه

تدرين انه قصتك عطيت اختي تقراها و اختي تأثرت منها و قلنا بنسوي كل شي من اليوم نبغي نبدا نصلي اليل و نقرا القران

و انا ناويه ان شاء الله بأول يوم في رمضان اقرا بعد كل صلاه جزئين من القران
و بكذا راح اختمه في ثلاث ايام ان شاء الله

و يالله هاذي احسن طريقه بس بالبدايه اكيد بيكون صعب و بنتعب بس راح نحصل اجر كبير ان شاء الله

لا تضيعون و لا وقت و انتو فاضين اخذي القران معك و اقري في كل وقت على الاقل سطر او سطرين اوصفحه
و اذا ماخلصتي جزئين بعد كل صلاه كملي في اي وقت ثاني المهم نختمه في 3 ايام بسس


يالله يا بنااات والله الدييين حلووو و الي يحصل الذه فيه نعمه من رب العالمين

أسال الله ان يشرح صدورنا بطاعته و يبلغنا رمضان و نحن بأحسن حااال يااارب العالمين