تجمع الامــــــــــل للغاليات المتأخرات عن الحمـــل ‏

[ام-ليان]

الله يجعل هذا التجمع فال خير عليكم

اختكم ام ليان

[انسى همومك]

[

الله يجعل هذا التجمع فال خير عليكم

اختكم ام ليان

ياااااااااااااااارب

والله يرزقني ويرزقكم الذريه الصالحه

والحمل السليم قريبا ياااااارب

[واحة احزاني]

هلا وغلا بالتجمع الجديد
وكل عام وانتم بالف خير بمناسبة عيد الفطر السعيد والله يتقبل صيامكم ...

وفالبداية ..اشكرج اختي ام ليان على افتتاح الملف الجديد وان شاء الله هالمرة يكون فال حلووو
لجميع البنات ...
والحمدلله يلي اتسكر التجمع الماضي بامل كبير وكان فيه ولادة مون ياسر.. جوررري المتفائلة ... فتاة المراعي...
وحمل بعض البنات...اسال الله يحفظلهم اطفالهم ويعافيهم من كل سوء...
وفرحتنا لهم والله شرات فرحتنا بانفسنا والعالم الله...
وان شاء الله البنات اللي حملوا يسلملهم اجنتهم ويفرحهم بشوفة ضنائهم...والفـــــال اللنا ان شاء الله
ما راح نفقد الامل وراح نظل نقاووووم الالم الى النهاية السعيدة ان شاء الله...

[منيره السعوديه]

كنت متفائله وفرحانه بهالعيد وطلعت مبسوطه لابسه للعيد ومعي هدايا للاطفال ابي افرحهم الله يرزقني واياكم من فضله

ورجعت دمعتي على خدي ومازالت
والله العظيم اني اكتب لكم الحين ودموعي تحرقني
حسبي الله على من خرب فرحتي


ام زوجي اليوم تلمح وكان عندها خبر
قالت اني مستغربه ليش ماباركتي لفلانه(زوجه ولدهم الثانيه) بقدوم بنتها هي بتقولي بس موعارفه كيف ؟؟ لانها والده من زمان..

قلت مادريت <<<اصلا هي تدري انهم مخبين خبر حملها وولادتها بس عذر
قالت ان زوجها ارسل رساله لزوجي اخوه وانها والده في رمضان
تخيلوا حملت وولدت من شهر وانا اخر من يعلم وقبلها بنتهم حملت وولدت وماقالوا لي <<<لهالدرجه اخوف

وقال زوجي ماجاني شي
وهو رد عليهم بقوووه وقال ترانا نتمنى لهم الخير وماراح نحسدهم وماله داعي هالحركات
كنت بسألها واقول دائم اكلمك واسلم عليك ليش ماقلتي لو تبين تقولين لنا ؟؟
مو رساله من واحد للثاني وعلى فكره شيك زوجي جواله ماحصل شي ...

بس الضيقه كتمت صدري واحسني اختنقت وجتني غصه ولفت الدنيا بعيني لدرجه اخرست لساني...ليتها سكتت وخبوا خبر ولادتها الى الابد ...


تماسكت والدمعه بتنزل ووقفت مابيهم يشوفونها وسلمت عليهم وودعتهم

حسبي الله ونعم الوكيييييييييل الا يفسدون علي العيد مالي حق افرح مع الناس
حاسديننا حتى من الفرحه مستكثرين علينا البسمه




يارب ارزقني واخواتي المتاخرات بالذريه الطيبه الصالحه
التي تقر بها اعيننا وتبرنا بحياتنا وبعد مماتنا
اللهم سلي خواطرنا ولاتسلط علينا من لايخافك فينا ولايرحمنا ..اللهم من ارادنا بسؤ فاشغله بنفسه ورد كيده لنحره اللهم انت حسبنا فيهم ونعم الوكييييييييييل
اللهم ارزقنا الصبر والاحتساب وابعد الحزن عنا واسعدنا بالدنيا والاخره

...اللهم اااااامين.