الله مـن شـئ بجوفـي اكنـه ** له في فؤادي شبتـه وحتراره
اشبهه فـي شـي واقـول كنـه ** كنه هشيم السمر في جوف ناره
ياالله يا عالـم خفـا كـل ونـه ** يا مدبرن عبدك وتعرف مسـاره
خالق جميع الخلق أنسـه وجنـه ** مجري الفلك والليل مولج نهاره
هذي بيوتـي بختصـارن وفنـه ** مني لمن يفطن لقـول العبـاره
خلك مع العليـا بسيفـك وسنـه ** ولا تبرد عزومك وتسكن خبـاره
اكرم ضيوف الله من غير منـه ** ولا تحسب لنقص الريال وخساره
وليا نصاك الرجل لا تصد عنـه ** قولت هلا وابشر تراها بشـاره
خلك مع النوماس في كـل شنـه ** وعندك على العزوه براسك نعاره
وخلك مع اللي فالشجاعه وظنـه ** يعجبك في حزت نهار القشـاره
ياقف وله صوله وجولـه ورنـه ** وعنده على فعل الشجاعه مهاره
وهذا وقولي مثل نجرن ودنه ** وقال المثل للحر تكف الاشاره
رد مع اقتباس
مواقع النشر