كنت بربيك بس بدون ماادري حبيتك

[دمعه حزن 22]

البارت السادس

دواك عندي .. والأظلم دايم البادي
والله لأوريك شي ٍ مابعد شفته ..
ماهو في صالحك .. يوم تجرب عنادي
الله من ريق ماينشف ونشفّته !

بداء يقراه سطر سطر وفجاءه وقف وعقد حواجبه


رائد : محمد
محمد : هلا
رائد : امها متوفيه من كان عمرها ست سنوات
محمد : اتوقع ترا انا ما قريت الملف زين يعني اقراء بصوت عالي ومسمعني
رائد هز راسه بمعنى طيب :لاتين محمد ال ., عمرها 18 تدرس بالكليه قسم ادارة اعمال امها توفت من عمرها 6 سنوات وابوها بعد وفات امها بسنتين تزوج من وحده
سوريه اسمها نادين
محمد بسخريه : هلا هلا
عطاه رائد نظره بمعنى خلني اكمل :تربة تحت يد مربيتها اللبنانيه وفاء الين صار عمرها 16 وتركتها كان لها ولد خاله اكبر منها بسنه ما يفارقها ابدا

سكت رائد شوي بعدي: محمد ليش ماكتبتوا اسم هذا ولد خالتها
محمد :والله مدري هذا اللي لقيته عنها وعلى فكره ترا اللي جبنا منها كل ذا المعلومات شغاله كانت عندهم وبعدها استقالت لانها بتتزوج
رائد : طيب بكمل علاقتها بابوها سطحيه جدا ما يشوفون بعض الا نادرا مع انهم في بيت واحد ابوها يعش الفلوس بشكل يبيع كل شي عشان الفلوس
وله شركة ال .. اللي بدبي وشركة ال... اللي بسوريا وشركة ال ...واللي هي هنا بالرياض

بس هذا هي المعلومات اللي جمعتوها
محمد بمرح :يب يب وايه صح
طلع ورقه من جيبه :خذ
رائد عقد حواجبه : وش ذي
محمد :عنوان القصر حقهم وكل ارقامهم من رقم البيت وارقام ابوها ومرت ابوها بعد ورقم لاتين اول واحد
رائد ابتسم بشر وهو يناظر الورقه وبعدها ناظر محمد :اقول بس ياجعلني ما اخلى من خدماتك الحلوه عازمك على احسن مطعم على حسابي
محمد وهو يبتسم : والله انك عارف ان الاكل اكثر شي احبه
رائد وهو يضحك: ههههههه ولا يبين فيك خخخخ
محمد :اذكر الله يا رجال
رائد : ههههههههههه اقول قم بس قم خلنا نتمشى





صحت على صوت طق الباب قامت بكل كسل وفتحت الباب شافت خدامة ابوها اللبنانيه

تمارا : انسه لاتين حبيت خبرك ابوك راح يوصل بكرا ع الساعه 7 المساء يعني ازا بدك تشوفيه راح يتعشى هون
لاتين ابتسمة باستهزاء :هه غريبه راجع بدري ابو خلاص اشوفه بكرا

هزة راسها تمارا وراحت
توجهت لم غرفة الملابس حقتها طلعت منه لبس بيت لانها اليوم ساحبه على الجامعه مالها خلق تروح
طلعت لبست
بس بدون الشنطه

راحت تتسبح ولبس لبسها ونشفة شعرها ورفعته كله على فوق وتركة خصل من شعرها تنساب باهمال طلع شكلها كيوت
اخذت جوالها ولقت في 7 مس كول من سمر ورساله من رقم غريب اخذت جوالها بدون ماتفتح الرساله ونزلت تحت
طلبت من الخدامه تسوي لها كوفي وتطلعه لها بالحديق راحت وجلست على وحده من الكراسي الموجوده بحديقتهم وفتحت الرساله اللي بجوالها
شافت الرساله وعقدت حواجبها مستغربه



عند سمر
هي الثانيه ما راحت للجامعه فقررت تكلم لاتين

سمر :الو
لاتين:هلا سمور
سمر :صباح الخيرااات
لاتين:صباح النور
سمر:وش فيه صوتك احسك مستغربه لا يكون مستغربه اني اكلمك الحين
لاتين : لا يحوطيه انتي تكلميني الساعه 3 الليل يعني جت على الحين
سمر :عندك اسلوب مدري من وين مستوردته وانا اختك
لاتين تستهبل: منتس يا بعد حيي
سمر تضحك على اسلوب لاتين: ههههههههههههههه وراك تكلمين كذا
لاتين :هع مدري
سمر:طيب انا عازمه نفسي عندك على الفطور
لاتين: حياك الله يا بعد حيي
سمر : لالالا اليوم فيك شي وش ذا الذرابه اللي نزلت عليك فجائه
لاتين : تدرين شلون الشرهه علي اللي اكلمك بذرابه ولا انتي ما ينفع معك الا السب بكل انواعه
سمر : لالا ههههههههه خلينا حبايب
لاتين : ههههه يله انا انتظرك
سمر : اوك دقايق وجايه باي
لاتين :بايات



كانت تفكر بالرساله من صاحبها ياترا اصلن ليه يتكلم كذا رجعت فتحت الرساله
(صصباحك عسل الاخبار يا عروس المستقبل استعدي كلها كم شهر واوريك التعذيب بانواعه باي ياحلو)

عقدت حواجبها :يمكن غلطان حطة جوالها على الطاوله وجلسة تشرب من الكوفي



عند محمد ورائد

وقف منصدم :وش تقول انت
يتكلم ببرود:اللي سمعته
...:رائد انجنيت انت
رائد :عشاني قلت بترك شغلي واروح اشتغل بدال ابوي بشركاته انجنيت
محمد جلس مستغرب:رائد انا عارف انك ماتركت شغلك ورحت تستلم شركات ابوك الا ان براسك شي صديقي واعرفك زين
ابتسم رائد بخبث :اصبر قريب تعرف كل شي قريب
ناظره محمد بتمعن : لا يكون السالفه فيها لاتين
ابتسم رائد : والله لا اخلها تبكي من كل قلبها كل يوم واندمها على انها تطاولت على انا حلفت وبنفذ حلفي
محمد :وكيف بتاصل لها
رائد : انت ليش مستعجل كلها كم يوم وتعرف
محمد :رائد لا تسوي شي يخليك تندم طول عمرك
رائد ضحك باستهزاء: ههههههه الاشكال ذي ما تستاهل احد يندم عليها
محمد : على العموم انا بروح وراي شغل مع السلامه
رائد :مع السلامه




عند سمر

سيحت شعرها كله وسوت بف صفير من قدام وحطت كحل ومسكره وقلوس وردي فاتح
ولبست

وراحت طقت على غرفة راكان تبيه يوديها فتح الباب ووجهه كان ذبلان وواصح عليه انه مانام
سمر خافت لا يكون اخوها تعبان :راكان فيك شي
هز راسه بمعنى لا
سمر وهي خايفه من ردة فعله من بعد امس : طيب ممكن توديني لم لاتين حرام جالسه لوحدها
هنا راكان دق قلبه بقوه لما سمع اسمها يحبها اي للحين يحبها وهو عارف طبعها انه كذا وبيظل يحبها
ابتسم لم اخته :عشانها بس راح اوديك خمس دقايق ونازل
رحمت سمر حال اخوها وقالت بنفسها :مالك امل ياخوي انت حبيت وحده مستحيل تحب احد
ونزلت تحت تنتظره



عند لاتين

جالسه بهدوء وسمعت صوت نغمة رساله

عقدت حواجبها يوم شافت نفس الرقم الغريب

فتحت الرساله فتحت عيونها على وسعهم من زود الصدمه

[دلوعة الحضارم]

مو حررااام وين باقي القصة ؟؟؟؟؟؟؟؟

[دمعه حزن 22]

البارت السابع


فرس فرس من حسنها الحسن انخرس
تتزاحم قلوب البشر بقبالها
وقفت فرس مشيت فرس لفتت فرس
من حقها تغتر حيل بحالها ..
كم ساحرا في عيونها النجلا درس
وكم شاعرا من حسنها غنى لها
واحلى الغواني بقربها كلن حرس
كل الحلى مغلوب فيها لحالها ..
كم قلب في درب مشت فيه انغرس
يحلم تمره لو بظل ظلالها
ما تلتفت حتى القوي لين المرس
مترفعه ما كل من جا طالها ..
ياما احترست من الغرام وما حترس
قلب تعلق في طرف سلسالها
واللي غرس فيها المحبه بي غرس
حب يفوق اللي في بالي وبالها ..
ياما احترست من الغرام وما حترس


(مرحبا لاتين سمعت ابوك راح يجي من السفر بكرا حلو هذا يقرب موعد زواجنا هههههههوالله وطحتي ومحد سما عليك )

عصبت مين هذا اللي يعرفها ويعرف ابوها متى بيرجع حتى سمر ماتعرف
اتصلت على الرقم نفسه بس كان مقفل رمت الجوال بقوه
على الارض :الحقير الجبان انا اوريه
دخلت سمر : هاي لاتين وش السالفه
اللتفت لها لاتين وهي معصبه : مافيه شي
سمر بشك :اكيد
لاتين :ايه اكيد
سمر كانها تذكرت شي :اي صح راكان برا يبي يكلمك
لاتين : وش يبي
سمر رقعت كتوفها بمعنى ماتعرف:مادري ماقلي بس قال ابها ضروري
راحت لاتين ولبست عباتها ولفت طرحتها وطلعت شافته واقف عند سيارته وما انتبه انها جت
لاتين: راكان
فز قلبه يوم سمع اسمه على لسانها قال بقلبه يازين اسمي على لسانك انا بحلم ولا بعلم اللي احبها واقفه قبالي لا ما اصدق
قطع تفكيره صوتها اللي كنها ملت من الوقفه :هيه راكان
انتبه لها : ه هلا لاتين كيفك
لاتين وهي متكتفه :بخير
راكان ارتبك : ا ا لاتين مدري وش اقولك بس ا انا انا اسف
عقدت حواجبها :على وش
راكان : على سالفة امس
لاتين بعدم مباله :الحين مطلعني وموضوع مهم اخرتها هذا اللي عندك اصلن الموضوع كله على بعضه ما همني
يله باي
وراحت وخلته متحطم توقع انها بتقبل اسفه وترر موقفها من كلمتها اللي قالتها له كان يتمنى منها بس ابتسامه تجبر خاطره
راح وهو يجر اذيال الخيبه وراه >>>متعوب على الجمله ترى خخخخخخخخ


على الساعه 11 رجعت سمر لبيتهم بعد ما اتفقوا انهم يروحون العصر للسوق لان لاتين تبي تشتري فستان يناسب العشاء مع ابوها ومرة ابوها بكرا
>>>شفتوا قلت العلاقه بينهم رسميه بقوه

الساعه 5 كانوا بالمجمع
سمر: لقيتي شي
لاتين :لا
سمر:طيب في محل هنا فاتح جديد تعالي نشوفه
لاتين:يله

دخلوا المحل وكان فيه ازياء حلوه بس وكان اللي يبيع بالمحل سعودي
سمر بصوت واطي:لاتين شوفي اللي يبيع مرا يخقق
التفت لمه لاتين تبي تشوفه وبعدين ناظرت سمر بقرف :وع من وجه قرد موب ادمي
سمر:اوص وطي صوتك لا يسمعك التفت لمه شافته يطالعهم هو منقهر
اخذت لاتين فستان ناعم مرا :سمور شوفي هذا حلو
...:بيطلع عليك توووحفه طبعا انتي تحليه اكثر
التفت لم صاحب الصوت لاتين وهي رافعه حاجب ومنزله الثاني

سمر هنا عرفت ان بتصير مشكله :لاتين هدي لاتين
لاتين رمت الفستان على الارض وتوجهة لم صاحب الصوت :عد وش قلت كني كني سمعت كلام ماعجبني ولا انا من زود شين وجهك
سمعي ضرب ولا وش القصه
سمر بخوف : لاتين خلاص انا بكلم مدير المحل نخليه يطرده بس خلاص بلاش مشاكل
فكت يد سمر بقوه وراحت لمه معبه مدت يدها

وطراااااااااااااااااااااااخ


كلهم كانوا بحالة ذهول حتى لاتين بنفسها اللتفت لم اللي يبيع بالمحل وشافته طايح بالارض من قو الضربه عرفة انها بعلم مو حلم

...:انا ابفهم انتي وين ماتروحين تسحبين المشاكل وراك سحب
لاتين بصدمه: ا ا انت و وش جابك
....: جابني اللي جابك
لاتين عصبت :انت قلي وش تبي ابفهم
....: امممم كل اللي ابيه ادمر حياتك اندمك على انك انولدتي وبس
لاتين :ماتخسي الا انت
رفع يده بيعطيها كف بس يد مسكته : يا رائد هد اعاصبك وتعوذ من ابليس
رائد : فكني خل اربيها الحيوانه
لاتين : فكه فكه خلني اشوف وش بيسوي اذا بايع العافيه مد يدك علي
محمد سحب رائد اللين طلعه من المحل رائد تكلم بصوت عالي: هين يابنت ابوك ان ما ربيتك والله لا اوريك
لاتين: يله روح بس

طلعت لاتين من المحل كله وصلت سمر حتى بدون ما ترد على اسائلة سمر عن رائد
وبعدها راحت للبيت



عند رائد ومحمد

محمد : مجنون انت عاجبك اللي سويته
رائد وهو مقهور : اااخ يالقهر انت بس لو خليتني اعطيها كفين ابرد حرتي فيها
محمد :خلك انت اللي تجيب العناء لنفسك انت اللي قلت خل نلحقها من بغا الدح ماقال اح
رائد :انت بتسكت ولا شلون
محمد : ايه هذا انت الكلام الصدق ما يعجبك
رائد وكنه تذكر شي وابتسم : بسيطه الوعد جاي يا لاتينوه ان ما خليتك تبكين دم ماكون ولد ابوي
محمد هز راسه بيأس : عنيد مامنك فايده






الساعه 4ونص الفجر
ومثل كل ليله

قامت وعيونها تغارق من الدموع : وليييييييييييييييد ولييييييييييييييييييييد لالا خلووووووووووووووووووووووووووه لا تشيلووونه ولييييييييييييييييد
وانسدحت على فراشها وضمة مخدتها وقامت تبكي بحرقه :اااااااااااااااه يا وليييييييد ليش تروح وتخليني والله حياتي ماتسوى بدونك
قامت متوجهه لم نفس الصندوق فتحته واخذت صورته كانت تكلمها كالعاده مثل الطفله وكانه يسمعها : وليد تدري ان بابا راح يرجع من السفر اليوم
تتوقع راح يضمني ويقول لاتين اشتقت لك يا بنتي ويسألني اذا انا بخير ولا لا
هنا قامت دموعه تنزل بغزاره >>>>متعوب على بغزاره خخخخخخخخخخخ
لاتين :او يجيب لي هديه مثل باقي اباء البنات تبي الصراحه ما اتوقع اي شي من اللي قلته
وضمة صورت وجلست تبكي بقوه لحد ما غلبها النوم



الساعه 12ونص الظهر

صحت وهي مستغربه هي ليش نايمه على الارض وبعدها تذكرت اللي صار لمت الصور وحطتها بالصندوق بكل حزن وحطته بالدولاب وسكرته اللتفت لم الساعه
شافتها 12 ونص اسغربت انها طولت بالنومه كان اليوم عندها اوف
راحت تسبحت ولبست كذا

وحطة كحل وقلوس ومسكرا وصلت صلاة الظهر والفجر اللي فاتت
واخذت جوالها ونزلت كالعاده بالحديقه تغير جو



عند بيت رائد


اعرفكم على ام رائد وابو رائد
ام رائد /انسانه طيبه مررا ومتفهمه لابعد حد عمرها 40 سنه امنية حياتها تشوف رائد متزوج ومبسوط مع زوجته
ابو رائد /رجل اعمال كبير له شركاته الخاصه وطيب مرررا ولهم مزرعه كبيره يجتمعون فيها كل عطله


ام رائد :ماودك ياوليدي تتزوج وتفرحني فيك
رائد ماعجبه الموضوع بس جامل:قريب يمه قريب
ام رائد :متى قريب دايم تقول قريب ولا شفت شي يا ولدي
رائد قام وحب راس امه :لك مني يالغاليه ما تدرين الا وانا جاي وجايب زوجتي معي هاه وش رايك
ام رائد ابتسمت:الله يوفقك ياوليدي
طلع رائد متوجه لم الشكره شغله الجديد وعلى شفايف ابتسامه على اول خطوه بداها من خطته



الساعه 6 ونص
موعد وصول ابوها قريب راحت وطلعت لها لبس وراحت تسبحت وطلعت
لبست لبسها


وسوت شعرها


وحطة كحل ومسكره وقلوس رودي فاتح ورش عطرها المفضل ونزلت تنتظرهم يوصلون


كانت جالسه سمعة صوت نغمة رساله جوالها فتحت الرساله
(احم احم حبيت اقولك مقدما مبروك انصحك وافقي بكرامتك ولا بسحبك غصب )
لاتين بقهر:وش قصده الحقير هذا
اتصلت على الرقم تتشوف مين وعطاها بيزي واتصلت ثاني مره ولقت الجوال مقفل :حقيير تافه اوريك
شافت الشغالات داخلين ومعهم شناط سفر عرفت ان ابوها وصل وقفت وراحت لم جهة الباب شافتهم دخلوا ووقفوا قدامها
...:شلونك لاتونه




عند سمر


سمر بصدمه :نعم نعم اخ راكان عد ايش قلت
راكان وقف وكتف ايدينه :اللي سمعتيه انا ابي اخطب لاتين مو انتي تقولين ان ابوها رجع اليوم من السفر انا بستغل الفرصه وبخطبها
سمر :روح كيفك انت اللي بتنطرد مو انا
راكان :اصلن كلمته خلاص
سمر طيرت عيونها :مستحيل اللي تقوله لا انا راح انجن

[دمعه حزن 22]

وعطاك وجه بلاه
راكان : ايه وقال بشاور البنت واشوف
سمر كانت بحالت صدمه : انا اروح لم غرفتي اذاكر للاختبارات اللي جايه ابرك لي
راكان كان بقمة وناسته ان ابو لاتين قال بياخذ راي بنته يعني في امل توافق لاتين عليه في امل حب قلبه تصير ملك لمه هو هو وبس
طلع من بيتهم وهو يغني من الوناسه








عند لاتين

لاتين :بخير ياندين من دون شوفتك اكيد
ابو لاتين :عيب يا بنت هذي حسبت امك
لاتين اشرت على نادين بقرف :هاذي تصير مقام امي تكرم امي عنها
نادين:حبيبي شوفها شو عم تحي يرضيك هيك
لاتين تناظرها بقرف:ياربي يالمساخه ما يليق الدلع عليك ياعجوز قريح
ابو لاتين:يا بنت بس خلاص
سكتت لاتين بعدها بخمس دقايق جت الخدامه تخبرهم ان العشاء جاهز
كانوا ياكلون بصمت اللين كسر هذا الصمت ابو لاتين : اقول لاتين انتي تدرين انا ليه رجعت بدري من سفرتي
هزت لاتين راسها بمعنى لا وهي تناظر بكل برود
ابو لاتين : لان في واحد متقدم لك
طيحة ملعقتها :نعم

ابو لاتين :اللي سمعتيه
لاتين :بس انا مابي اتزوج
ابو لاتين:اسمعي انتي بتزوجين يعني بتزوجين معك اللين بكرا وبجي اتفاهم معك يا تختارين هذا اللي متقدم لك او ولد عمك تركي
لاتين وقفت معصبه :انا قلت غريبه جاي اثاريك جاي تزيد حياتي نكد زواج ماراح اتزوج
وراحت بخطوات سريعه وهي تسمع ابوها
قول بصوت عالي :والله ثم والله انك لا تتزوجين وترا ملكتك الخميس الجاي واليوم الاحد معك ثلاث ايام اختاري

راحت لم غرفتها وصكت باب غرفتها اخذت جوالها تقول لم سمر تشوف لها حل

لاتين :الو سمر
سمر بارتباك من صوت لاتين: ه هلا لاتين
لاتين :سمر اللحقيني ابوي جايب لي عريس ويقول يا تتزوجينه او بزوجك ولد عمك تركي
سمر خافت:وما تعرفين اسم هذا اللي خاطبك
لاتين بقهر:لا ولا ابي اعرف قلعته المهم مابي اتزوج
سمر بلعة ريقها بخوف:لاتين بقولك شي
لاتين : وش
سمر: الصراحه انا اعرف من الخطيب اللي جايبه ابوك



انتهى البارت توقاعتكم يا حلواات
اشوفكم بكرا













نشر - <UL class=vbseo_share_body><LI class=share_header>مشاركة هذا الطرح في <LI class=right>Digg<LI class=left>Del.icio.us<LI class=right>Technorati<LI class=left>Twitter<LI class=right>add to facebook</UL>
ملامح خ ـجوله معجب بهذا .

اضف هذا الموضوع بملفك في الفيسبوك