جلست مع حريم كبار وشوفوا وش قالوا من نصائح عن الرؤيه الشرعيه+ قصص

[ام سوما]

[frame="7 80"]جلست مع حريم كبار وشوفوا وش قالوا من نصائح عن الرؤيه الشرعيه+ قصص



السلام عليكم ورحمة الله وبركاته



انا دائما ما اجلس مجلس الا يفتحون الحريم الكبار
سواليف الشوفه الشرعيه





وسمعت قصص زواج انتهت بالطلاق
وكم خطبه تفركشت بسبب اشياء خطأ صارت
وبسبب الغش في الشوفه



طبعا جايبه لكم مجموعه من النصائح
وبأكتب تعليقي عليها بالشي اللي تعلمته
من الحريم الكبار [IMG]http://forum-st ]


*كوني هادئة ومرتاحة وخذي حماماً
دافئاً بالزيوت العطرية لتهدئة أعصابك قبل الموعد .



جدا حلوه هالحركه




* لا ترتبكي ولا تتشاءمي وتتوقعي الأسوأ
بل على العكس كوني متفائلة
وتخيلي أن كل شيء على ما يرام بإذن الله .



وهذي مهمه جدا للبنت.
. يعني لاتكونين قلقانه ويبين القلق عليك ويـأثر حتى على شكلك وجلستك ومشيك



خليك ريلاكس وخذي شهيق وزفير قبل لا تدخلين
وياليت بعد لو تشربين كوب عصير ليمون
مع نعناع راح يحسن مزاجك



وقبل كذا اقرأي الأذكار ولاتنسين صلاة الاستخارة





* توكلي على الله وفوضي أمرك إليه ،
، وادعيه أن يوفقك لما فيه خير لك .



وهذي اهم شي .. ااقرأي وردك اليومي قبل دخولك على خطيبك والأذكار بعد
وسمي باسم الله وادعي الله
اذا كان لك فيه خير يوفقك فيه واذا كان لك فيه شر يصرفه عنك.. ضروري جدا الدعاء يابنات.
. ولا يضيق صدرك لو رفض لأنك دعيتي ودعوا لك اهلك
يعني لو ما اعجبتيه ورفضك قولي
اللهم ارزقني خيرا منه وطنشي وعيشي حياتك



يعني بعض البنات الله يهديهم لو مايقبل فيها الخطيب
تتحطم وتقفل على نفسها غرفتها.. ليش طيب..
تتمنين انك تاخذينه ويضربك ولا مايصرف عليك..
ولا يغازل قدامك ويقول وش بتسوين يعني!
![IMG]ر[/IMG] لا تعطون الموضوع اكبر من قيمته وحجمه..
ربك ماصرفه عنك الا لأن مافيه خير لك..


* لا تبالغي في الزينة وكوني طبيعية ،
، حتى ملابسك اختاريها معقولة وبسيطة بلا إسفاف
فالمطلوب أن تعطي انطباعا بشكلك على الطبيعة
ووضع المكياج وتغطية العيوب يعتبر من الغبن والغش
في هذه الحالة فانتبهي .

وهذي النقطه جدا جدا مهمه يعني كل الحريم الكبار الأمهات اللي يدورون بنات لعيالهم مررره منزعجين
من هالحركه

تقول لي وحده ( تزوج لها 3 اولاد وباقي 1 تدور له على بنت) المهم تقول لي انها اذا راحت لبيت ناس بتخطب

ماتعلمهم انها بتخطب منهم تخيلوا..
ووالله زين ماسوت علشان ماينغش الرجال
والله اذا كتب الزواج بيصير

وعلشان البنت بكره اذا شافها على طبيعتها مايقول لها ليش لونك كذا ولا شعرك كذا... ترى صارت كثيرررر

واسمعوا هالقصه .. تقول كل زوجات عيالي اروح لهم كذا على فجأه اقول بزوركم وانها جارتهم وتبي تتعرف وبس

تقول كل زوجات عيالي شفتهم على طبيعتهم وحصل الزواج سبحان الله مع انه زوجات اولادها كانوا جالسات معنا

وعاديات جدا وكانوا يضحكون من كلامها.. قالت وحده منهم وهي تضحك فعلا زارتنا ام زوجي ورحت اسلم

عليها وانا ماحطيت ميك اب بس سشوار خفيف وبلوزه وتنوره عاديه مو كشخه لأني ما ادري انها جايه تخطبني

ووتوقعتها جاره جايه تزورنا وبعد كم يوم جاء الولد يشوفني ..
.وتمت الخطبه والزواج



صدقوني اللي سمينه لا تلبسين مشد وخرابيط
ترى بعض الرجال يحبون السمينه..
واللي نحيفه لا تزعجينا تبين شي يسمن ترى قريبتي كأنها من مجاعة الصومال وتزوجها واحد مدلعها
ويقول احلى شي فيك جسمك ماشاء الله تبارك الله.. واللي شعرها اسود ولا طويل لا تصبغين ولا تقصين.. خالي شاف زوجته قبل وبعد الزواج
( قبل شعرها طويل وبعد قصته لما تحت رقبتها)
صارت تمشي ويفشلها قدام الناس
(انا متزوج رجال وخرابيط) لأن غرامه الشعر الطويل..
الرجال يختلفووووووووووون صدقوني..
واحد يشوفك شينه وواحد نفسه يبوس الارض اللي تمسين عليها.. خليك على طبيعتك لاتغيرين شي. . علشان بكره لو صار ماصار مايقول ليش وليش.. انا ما اقول اهملي نفسك لالا ..
اهتمي بس مو لدرجه انك تغشينه!! وتغشين نفسك!!


لاتتسرعي وتخبري أحداً عن موضوع الخطبة والرؤي
ة حتى تتم الموافقة تماماً
ففي حال لم يكن هناك نصيب فمن الأفضل
ألا يكون أحد قد عرف حفظاً لكرامة الشاب والفتاة .




هذي ماراح نوصيكم فيها (كتومين) خخخخ
* عند دخولك لا ترتبكي وتخافي بل كوني واثقة متماسكة وفي نفس الوقت محافظة على حيائك واحرصي
على النظر إليه فهذا حقك الشرعي وأنت لا تفعلين
شيئاً خاطئاً .


يعني لا تنزلين راسك كأنك نعامه
ولا ترفعين راسك وتناظرينه عيني عينك


يعني شوفيه بنظرات حياء وحاولي يتكلم اخوك معاه
اذا بدا يشوفك علشان انتي تاخذين
راحتك بعد في الشوفه


ونصييييحه لا تطلعين على طول خليه يتمقل زين
يعني مو اقل من 5 دقايق..
زوجة اخوي دخلت وطلعت تركض خجلانه
يقول اخوي ماشفتها زين قال لابوها
ابيها تدخل مره ثانيه بشوفها زين ودخلت مره ثانيه ..


* انتبهي لا يصح لك مصافحة الخاطب
فهو ما يزال أجنبياً عنك .


* الكثير يعتقدن أن الرؤية تكون بشكل خاطف وسريع ،، وهذا خطأ إذ يجب أن تجلس وتراه ويراها
ويكون هناك حديث بسيط منهما يتعرف أن من خلاله على جوانب من شخصياتهما .


الله اعلم في مسالة الخلوة فلست مفتية


* لا ترتدي الكعب العالي فقد يؤدي إلى
سقوطك أو عدم التوازن لا سمح الله .
واحد من قريباتي اخذ وحده قصيره ..
يوم الشوفه لابسه كعب طوله شبر
وقال يمه حلو جسمها ورزه ابيها ..
صحيح رزه بس بالكعب وتضايق كثير لما شاف طولها الحقيقي
بعد الزواج




* يفضل أن لا تحملي في يدك صينية عصير أو غيره
ا لأنها قد تسقط منك كما حصل مع الكثيرات
، ادخلي بهدوء وألقي السلام و أجلسي في مكان يسمح لك برؤيته .


انا طار المنديل اللي بجمب كاس العصير وورحت الاحقه وحطيته مكانه ورتبت الصينيه مره ثانيه طلع اخوي علي
يقول وشفيك يالله يقول وينها.
.( وانا اللي طاح قلبي)
يمون يقول وينها خخخخخخخخخ

الخلاصه حبيباتي


اقري الأذكار.. سوي لجسمك ووجهك خلطات وماسك لشعرك... ولبس محتشم كم طويل مايجوز
تتعرين وانتي داخله عليه لأنه رجل غريب...
ويمكن مايحصل زواج ويصير الرجال شايفك من وإلى..
.لا تغيرن لون يدينك ورجولك..
حتى لو كنتي سمرا مررره


اسلم لك واسلم له .. مايقول غشتني.
. لا تروحين مشغل وتسوين زحمه وتسريحه.
. بكره تتروشين ولا تقومين من نومك
وانتي نايمه بجمبه ويشوفك بدون ميك اب ولا تسريحه...


ومبروك مقدما:


منقول لعيونكم ][/frame]

[أم ريما]

الله يعطيكِ العافيه
موضوع جداً مفيد ومهم
لكن عندنا مافيه شوفه

[ام سليم]

السلام عليكم ورحمة الله وبركاته
النظرة الشرعية انتشرت كثيرا بين الناس هذة الايام أكثر من السابق لتفتح المجتمع ومعرفتهم لضرورتها
النظرة الشرعية لها ضوابط وشروط لتكون ضمن الشرع المصرح بها
القرار الذي يتخذه كلا من الطرفين بعد النظرة خاصة الرفض وعدم القبول ليس مصريا ولا يعني نهاية الحياة بل هي مما استخاره الله لكلا الطرفين* توكلي على الله وفوضي أمرك إليه ،
، وادعيه أن يوفقك لما فيه خير لك .

التوكل على الله والرضا بالقدر وما قسم الله خير معين للجميع على تقبل اى قرار يتخذ
بارك الله فيك ابنتي وارشدك الى طريق الخير والصواب
اعجبتني عبارتك

[همس الغيوم]

جزاك الله خيرر ,,
يارب متى يجي هذا اليوووووووووووم واجــــــــهزله !!!
يارب ترزقني الزوج الصالح الي يعيني على ديني ودنيتي عاجلا ,,
ادعولي