..
مرت ايام التهيت فيها بمؤسستي بدت الشكوك بعمر تزيد جاتني بعض الاوراق با الغلط
وشفت توقيع عمر عليها والظاهر آنها جاتني بدون قصد او متعمد
من قبل السكرتير
مابينت اني عرفت السالفه
مشيت الوضع عادي مع عمر وماتكلمت حتي اتبين الوضع زين
يوسف كان منشغل بحياته كنت اتصل فيه آحيانا اتطمن بس كنت مشغول البال وهو كان منشغل بأمور وكان يصرفني آحيانا
بنته كانت عندنا وماكنت احس آنه فيه شخص غريب بيننا كانت مع العيال زيها زيهم تاكل وتلعب وتنام معهم
آستغربت ان يوسف مكان يسأل عنها
بس قلت يمكن من انشغاله با الحياة ومشاكله الكثيره وقلت آكيد آنه متطمن آنها عندي
,,,
اليوم خرجت من المؤسسه
وشفت يوسف واقف قدام الباب كان لحاله ومامعه سياره يعني واقف علي قارعه الطريق
فرحت يوم شفته ورحت يمه سلمت عليه
آنا _ هلا يوسف علامك واقف هني ليش مادخلت المؤسسه ؟
يوسف ابتسم ببرود _ ماحبيت ازعجك بشغلك بس قلت انتظرك الين تخلص دوامك ؟
آنا _ آيه آنت من زمان هني ؟
يوسف مارد علي طالع بجواله شوي
تنهد بطفش _ آيه عندك وقت فراغ !
آنا _ آيه توني مخلص الدوام وماعندي شئ
يوسف _ طيب ابيك تجي معي مشوار
آنا _ وين آن شاء الله
يوسف _بروح بيت هذاك الرجال ابو سعود عرفت وين ساكن
آنا _ ايه يعني بترجعه العماره
يوسف _ ما اضن يرجع بساعده
آنا ابتسمت وضميت يوسف لصدري
آنا _ يوسف آنت آنسان عظيم والله لو شخص غيرك ما اهتم
يوسف آبتسم ومارد علي
اتصلت برؤي وخبرتها آني راح آتأخر عن البيت شوي !
,,,
يوسف مشي معي بسيارتي دلني علي المكان حاره قديمه شوي قريبه من المطار
اتصل علي واحد وسأله عن البيت ووين مكانه بالضبط
وقال له فين البيت
بيت متواضع جدا بناء قديم جدا
الحاره قديمه اقدم من حارتي الي عشت فيها
وقفت عن البيت تسألت ليش يوسف ماجاء بسيارته بس ماسألته
يوسف تردد قبل لا ينزل
آنا _ يوسف منت نازل
تنهد _ انت شوف فيه آحد
مارديت عليه نزلت وطرقت الباب عده طرقات
شوي وفتح لي شاب مبين آنه سعود
ابتسمت بوجهه وهو رد لي ابتسامه آجمل ارتحت نفسيا
سألته عن آبوه
آبتسم وطلب مني الدخول ورحب بي
بحفاوه وحب
التفت ليوسف وطلبت منه النزول
تردد قبل لا ينزل من السياره
سعود وكأنه عرف يوسف
سعود _ هلا
يوسف مد يده للسلام علي سعود سلم عليه سعود من باب الانسانيه يعني
آنا _ نبي نشوف الوالد
دخلنا البيت وكان متواضع جدا ولكن تشعر براحه نفسيه
دخلنا المجلس واجلسنا شوي وجا ابوه وكان التعب مبين عليه
قام يوسف للسلام عليه سلم وجلس
مر وقت حتي تكلم يوسف
يوسف _ آنا جاي اعتذر عن الخطاء الي صار
ابو سعود _ آي خطاء ياولدي ؟
قرصني يوسف حتي اتكلم عنه
آنا _ الي يقصده يوسف هو آنه مكان يقصد طردكم من البيت و,,
قاطعني سعود _ آيه الي صار صار ومانبي شئ منكم
ابو سعود نهره وطلب منه آحترام الضيوف الي هم آحنا
يوسف _ آنا عارف آن الي صار جرح كرامتكم وحقكم علي والموضف المسئول هو الغلطان وانا طردته طلبت منه انه يخرج الناس الغير محتاجه لكنه محتال وضحك علي عرفت با الصدفه ونال جزائه وانا جيت اعتذر
واعرف آنكم مراح ترجعون العماره وعشان كذا انا استحدثت وضيفه عندي لولدك سعود اذا حاب يشتغل معي براتب 5 الاف ريال قابل للزياده
تصرف يوسف آثر با العم وقام من مكانه وضم يوسف لصدره ودعي له وحسيت دعائه صادر من قلب
سعود بعد اعتذر له
عن تصرفه يوسف ماتكلم واستئذن منهم لكن ابو سعود حلف علينا الا انه يغدينا عنده
انا حسيت آن يوسف مايبي يكلف عليهم لكنه اصر وآنا ماحبيت اكسر بخاطره
,,,,
تغدينا عند ابو سعود احلي غداء
وحسيت يوسف عجبه الطعام لآول مره يأكل اكل متواضع هع
خرجنا من عندهم علي صلاة العصر تقريبا صلينا في مسجد في البلد في الطريق
سألني يوسف عن بنته
وكأنها توها طرت علي باله
ضحكت _ اي بنت ؟
يوسف _ بنتي الي عندك تصدق نسيت اسجلها التهيت بشغلي
و,,
قاطعته _ صدق اي بنت ؟ مالك عندي بنات اشبك انت
يوسف وهو يلعب بالجوال يدور رقم معين _ ايه طيب
آنا _ شكلك مضيع
يوسف _ لو ماكنت مشغول كان رديت عليك
شوي ورد عليه الي كان يتصل عليه
سمعته يطلب منه انه يحظر مكتب لموضف جديد راح يجي الاسبوع الجاي عرفت انه سعود
’
يوسف _ والله مدري وش الوضيفه الي بسلمها الولد والراتب خبطته من راسي
ضحكت _ من جدك آنت ؟
يوسف _ ايه عندي اكتفاء من الموضفين
آنا _ طيب يجي عندي وانت تدفع له الراتب
يوسف _ والله
آنا _ ايه بطرد كم شخص حقير
يوسف _ وش سويت بموضوع التلاعب ؟
آنا _ ايه عرفت الحيوان الي يضحك علي بس ساكت بمسكه متلبس ويكون عندي دليل عليه
والله لا اطلع فلوسي من عيونه
يوسف _ هم كذا فيه كلاب تعض اليد الي تنمد لها
,,,,,,
مواقع النشر