الحارس الشخصي الجزء الثاني
هذه روايتي الحارس الشخصي الجزء الثاني
http://forum.hawahome.com/t304889.html
هذا رابط الجزء الاول للي ماتابع معي الروايه الاولي
,,,,,,,,,,,,
آحببت ان اكتب الجزء الثاني لما لاقاه الجزء الاول من اعجاب ولاني أنهيتها نهايه مفتوحه
,,,
الجزء الثاني من الحارس الشخصي
..
بعد كتابه روايتي الحارس الشخصي وهي اول روايه
اليوم
قررت آن اكمل روايتي الآولي
الحارس الشخصي ,,
,,,
اتمني ان يكون الجزء الثاني من الحارس الشخصي بروعه الآول
,,,,,,,,,,,,,,,,,,,,,,,,,,
آختصار شديد لما حدث بالجزء الآول
,,
ناصر _ شاب تقوده الاقدار ليعمل حارس شخصي لشاب غني وهو يوسف
ومع الايام تقوي علاقتهم ليصبحو من اقرب الاصدقاء
يوسف شاب غريب الاطوار حياته مليئه بالاسرار
تقوي صداقه ناصر ويوسف ولكن هناك ضروف ابعدتهم
واحداث لم يفهمها آحد آدت الي انفصالهم وابتعادهم عن بعض
’’
ناصر يتزوج من رؤي وينجب منها اطفالا
كان لناصر علاقه سابقه مع فتاة اسمها نهاد ولكن بنهايه الجزء الاول انتهت تلك العلاقه
..
يوسف علي علاقه بفتاة ,, تري مامصيرها ؟!
,,
سافر يوسف الي لندن بعد ان باع كل ممتلكاته بالسعوديه وترك بعض المال لناصر ,ومنزله الكبير وسياره
.....
الحارس الشخصي ( آنت من بين الناس! )
,,,,,,,,,,,,,,,,,,,,
السلام عليكم ورحمه الله وبركاته
يا الله اشتقت للكتابه صحيح مريت بحياتي بأمور جميله وغيرها تستحق اني اكتب عنها ولكن كنت اقول خلني اعيشها بدل الكتابه عنها
كبرت يناصر وصرت تتفلسف
صحيح وليش ما اكبر صرت رجال وعندي عائله
خلني اقولكم وش صار فيني قبل ما ابدا حكايتي معكم من جديد
,,
اسمي ناصر ( ياهوه عارفين
عمري الحين ممكن آحم مو شغلكم وكذا يعني
تعرفون ماشاء الله تزوجت وعندي الحين اربع بزران
الحمد الله
اسامه ونهاد بنتي سميتها رشا
وانجبت لي رؤي تؤمين ماشاء الله عليهم
سميتهم جاد ويوسف علي اسم اغلي ناس عرفتهم بحياتي ومانسيتهم ابدا
,,
مرت سنوات من عمري وكل يوم اتذكر يوسف واتمني اني اشوفه ولو مره يحياتي
الفلوس الي عطاني اياها قدرت اسوي فيها مؤسسه صغيره للمقاولات بحسب خبرتي القليله قدرت امشي الشغل
والبيت سكنت فيه وتركت الآجار
يوسف كان له الفضل بعد الله براحتي بالدنيا
وكل يوم ادعي له بالخير وين مراح
ماجلست مكتوف الايدي كنت ادور عليه واسأل عنه لكن آخباره انقطعت عن الجميع
حتي هذا اليوم
,,,,,,,,,,,,,,,,,
الحارس الشخصي ( آنت من بين الناس )
قبل ثلاث سنوات تقريبا او اقل ما اتذكر
تم هدم ثلاث عماير قديمه بوسط البلد كنت اتسأل ليش ؟
وبعد خمس شهور من الهدم تم بناء عماره كبيره مؤلفه من ست ادوار وكل دور فيه
سبع شقق مصممه علي احدث تصميم وسيراميك ورخام وحركتات شئ خياااااال
هذا وصف واحد من الي اشتغلو علي العماره
كنت اقول اكيد انها شقق مفروشه او شقق بس ايجارها غاااااااااالي او شقق تنتهي بالتمليك وكذا يعني
,
بعد مده جاني خالد صاحبي يقول
خالد _ تدري العماره الي بوسط البلد لمين ؟
سألته بلا اهتمام لمين
خالد _ واحد جاني يقول آنه رجل اعمال آجنبي بانيها للفقاره الي عندنا يعني الي ماعنده بيت يعطيه شقه من هذه الشقق
طالعت فيه بأستغراب
وماكنت مصدق سالفته
آنا _ انت تقول الصدق ؟
خالد _ ايه يعني امزح معك توه واحد من الشباب ماخذ شقه وبلااااااااااااش
بس اهم شئ يجيب اثبات ان ماعنده بيت وانه علي قد الحال وبس يستلم شقه
سألته ومين هذا الي آخذ شقه وبلاااش
خالد _ تعرفه حمد الـ
سكت وتذكرته
حمد شاب فقير ويستاهل الخير ابوه متوفي ويشتغل حارس آمن بأحدي المستشفيات وعنده آمه واخوته الثلاث واخ صغير بالابتدائه كان ساكن بالاجار بحارتنا القديمه
ابتسمت وفرحت لحمد وحزنت ان الي سوي هذا العمل واحد من الخارج مو من عندنا
,,,,,,,,,,
مرت السنوات
وصدفه ككل الصدف الي جمعتني بصديق عمري
يوسف
كأول صدفه جمعتني فيه وكا ثاني صدفه جمعتني فيه ووو
شفته وماصدقت آنه قدامي
بلحمه وشحمه
,,,,
<<<
اليوم يوم غريب مو قادر استوعب الي صار
جاني خالد صاحبي
خالد تزوج ماشاء الله وعنده بنتين ويتمني ولد بس الله ماعطاه الله يرزقه
,
خالد _ ناصر حمد عازمنا عنده بالبيت اليوم ملكه وحده من خواته
كنت توني جاي من المؤسسه ومره مالي خلق اروح معه
آنا بملل عشان آحسسه اني تعبان وكذا _ اليوم ملكه آخته علي مين ؟
خالد _ علي ابن حلال ,, ويا الله الولد مسكين خلنا نساعده شوي الملكه في بيتهم واكيد محتاج مساعده وراح تشكرني علي آخذي معاك
قمت وانا اضحك بنفسي اشكرك علي ايش علي التعب
,,
وماكنت ادري اني راح اشكره بآخر السهره من قلبي ,, لآنه جمعني بصديق عمري يوسف
,,
رحنا بيت حمد وهو زي ماقلت ماخذ شقه با العماره الي قلت لكم عنها سابقا ^^^
كان ساكن بالدور الثالث
تصميم العماره جميل جدن وفيه حارس بعد ومصاعد وشئ خيال
يعني الي يدخلها مايصدق ان الي ساكنين هنا ناس علي قد حالهم
لو اني مو عارف حاله حمد الماديه كان ماصدقت
ابد ان السكن هنا بلااااش
>>
المهم طلعت المصعد وفيني احساس غريب عجزت اعرف سببه ذاك الوقت
دخلنا شقه حمد وكان التصميم فخم و لكن سبحان الله الاثاث اثاث عادي جدا ولكن تصميم الشقه غلب علي الاثاث الرخيص
كانت سهره لطيفه جدا والعريس من نفس الطبقه الكادحه هع
( يعنني يناصر صرت ولد عز هههههه )
واحنا نتعشي سمعت واحد من الرجال وهو شيبه
ومدري وش اسمه كان جالس جنبي
الرجال لصديقه الشيبه هو بعد _ سمعت ان صاحب العماره جا البارحه وهو عنده شقه بنفس العماره
الشيبه الثاني _ ايه وانا جاي شفته داخل العماره مع رجال قد الباب شكله من حاشيته والله مدري وش يسمونهم شكله كأنه سعودي علي آجنبي ماعرفت له
الشيبه الآول _ الله يرزقه ويدخله الجنه ماشاء الله عليه فتح بيوت وستر اوادم
الشيبه الثاني لم يتكلم ههههههه
,,
شدني الحديث وجاني فضول اعرف هذا الانسان وابدا لم يدر بخلدي أنه صديق عمري
عاد انا من تعشيت جاتني رغبه اني اروح البيت
مع ان حمد كان جايب اصدقائه الي يحبون الطرب ومسوين سهره قدام البيت بس ماحبيت اتأخر عن ام العيال وخاصه اني ماقلت لها ان عندي سهره علي بالها زياره عالسريع فقط لا غير
خالد حب يجلس ويشكشك مع الشباب عاد هو من محبين الطرب
المهم
,,
طلعت من الشقه وانا ماشي بأتجاه المصعد سمعت صوت صادر من عند الدرج الدور الي فوق يعني الرابع
وكان شخص يتهاوش مع احد ثاني
_ والله ماتستحون انتم ماتخافون الله انا امنتكم علي هذه العماره وطلبت انه مايسكن فيها الا المحتاج يوم اجي الاقي نص الي ساكنين هنا ناس ماتستاهل وعندهم املاك بعد !
الشخص الثاني _ والله ياشيخ انا ما ادري هم اكيد كذبو علينا وزورو بالاوراق الي قدموها للمكتب
_ الحين تطلب منهم واحد واحد انهم يخرجون اسبوع ما اشوف ولا شخص من المذكوره اسمائهم با الورقه بالعماره فاهم
وقفت مكاني جمدت وانا اسمع صوت اقدام تنزل من علي الدرج حسيت انه هو وعرفت وآمنت انه
يووووسف ..
..
الحارس الشخصي ( انت من بين الناس )
توقف الزمن وانا اشوف يوسف نازل من الدرج ومعه حارس شخصي ورجال ثاني شكله الي كان يتهاوش معه
,,
انا _ يوسف هذا آنت ؟
وقف وطالع فيني بأستغراب بنظرات غريبه وكأنه يتفحصني
يوسف _ نعم ؟
آنا _ انا ناصر ماعرفتني
يوسف بكبرياء _ انت جاي تبي شقه حاليا ماعندنا تعال بكره المكتب ونشوف وضعك
وآشر للي معه ونزل من المصعد
وقفت مكاني مستغرب تصرف يوسف المعهود طبعا بس مستغرب انه معي معقوله ماعرفني بس نظراته وكأنه عرفني ؟!!
....
رجعت البيت وانا بالي مشغول بألي صار وكمان مبسوط آني شفت يوسف وعرفت آنه بخير
مع انه شو تغير شكله كبر ماشاء الله وكان لابس ثوب وشماغ وش حليله مربي شنب ومسوي سكسوكه
وشكله هيبه يعني صدق ينقاله شيخ
بس عرفته ,, ومن شفته جا في بالي يوسف القديم الرثعه ههههههههههه
ابد ماحسيت أني واقف قدام شخصيه كبيره ,,
,
نمت وانا افكر بيوسف رؤي حست ان فيني شئ وسألتني بس ماقلت لها وش السالفه ماحبيت اسوي قلق من لا شئ
وبعد الموضوع مو مهم بالنسبه لها عشان اشغلها فيه
.
اليوم التالي
صحيت متأخر طبعا بما آن الموسسه حقنا فأروح وقت ما ابي واطلع وقت ما ابي
لبست ثوبي وطلعت من الغرفه رؤي كانت في الصاله وعندها رشا آسامه ياحليله في المدرسه سنه ثانيه طبعا وشاطر طالع زي ابوه ( ههههههههههههااااي قويه لا استطيع ههههههههه )
جلست عندها شوي صبت لي شاهي
وبدون ماتطالع فيني
رؤي _ ماتبي تقول وش الي كان شاغل بالك البارح ؟
ابتسمت _ شئ مو مهم شغله عاديه
رؤي _ شغله عاديه تخليك تحلم فيها وتتكلم وانت نائم بعد
استغربت _ نعم تكلمت وانا نائم ؟
ضحكت وطالعت فيني بنظرات آحبها _ آيه صحيتني من النوم وصحيتك بعد قمت وطالعت فيني ورجعت نمت بدون ماتكلمني
مو متذكر
حكيت راسي بأستغراب اول مره تحصل لي هالشغله !
احلم ,, واتكلم وانا نائم ياللهووول !!!
,
وقبل ما اتكلم وابرر تصرفي وادور تصريفه
,,
دق جرس الباب
الخارجي للبيت
قمت واطالع بالساعه القاها 10 ونص ياتري مين الي جاي من صباح الله خير
فتحت باب البيت وطلعت الحديقه واشوف سياره سوداء مضلله واقفه عند الباب
ورجال واقف بجنبها ولابس نظاره سوداء
من شفته عرفت أنه بودي قارد
ياعيني )
فأكيد هذا يوسف ..
رحت يمه بخطوات سريعه
وفتحت الباب اشر لي الرجال أني ادخل السياره
وقفت شوي لا يكون هذه عمليه خطف ؟!
مره متأثر بوادي الذئاب هههههههههههه
شوي وفتح الشباك
يوسف _ ايشبك واقف يعني تنتظر مني اني انزلك ؟
ابتسمت ( ماغيرك الزمان يالغالي )
فتح لي الرجال الباب ودخلت ولميته لصدري بقووووووووووه وكأني ما ابيه يتركني ثاني
بسته بكل مكان هع
ومن حقي ماكنت مصدق آن الخبل يوسف قدامي
بشحمه ولحمه
,,
يوسف _ آنا اسف اذا البارح حقرتك بس ماكنت ابغي الي كان معي يعرف اني اعرفك
آنا _ ليش ما اشرفك مــا ,,,
قاطعني _ اقول فكني من الدراما الغبيه حقتك سالفه وبعدين تعرفها
وغير الهرجه وانا كنت ابي اعرف وش السالفه
آخذني لمكان بالمدينه اول مره ازوره
ونزلنا هناك وانا معه تذكرت اني ماقلت لزوجتي انا وين رايح واني من خرجت اشوف من علي الباب مارجعت ايش الغباء ذا يناصر !
اتصلت عليها من جوال يوسف بما أني طلعت من غير جوال وكانت خائفه علي وسمعتني كم كلمه جارحه آكلتها منها ونسيت
من جد عاد انا من شفت يوسف نسيت الدنيا كلها
جلست معه سولفنا عن كل شئ وبدينا السوالف من حيث انتهينا وكأنا تركنا بعض امس
يتكلم معي عن آمور صارت لنا من سنين وسبحان الله كنت اتذكرها معه
حسيت من كلامه وسؤاله عن الماضي آنه مايبي يتكلم معي عن حاضره وايش صار معه كل ماسألته عن حياته وايش صار له وفين راح كان يغير الهرجه ويسألني انا
فرح وحسيته شوي حزن يوم قلت له عن التؤم واني سميتهم
يوسف , وجاد
يوسف _ يعني انت شايف اني استاهل تسمي ولدك علي أسمي
آنا _ اف قويه كيف ماتستاهل الحياة الي آنا عايشها الحين كلها من فضل الله ثم آنت يايوسف
ابتسم دق جواله طالع فيه واعطاه مشغول حركه مايملها يوسف ,,
سألته سؤال حيرني
آنا _ يوسف آنت هنا من زمان ؟
طالع فيني _ آممممم لا بس اجي واروح بس لي الحين شهرين ليش تسأل
عصبت تنهدت _ طيب وليش مازرتني اعطيتني خبر انا كنت ادور عليك من سافرت واهديتني الشريط
مانسيتك ولا يوم وكنت دائما اسأل عنك المعارف بس انا ما اعرف ناس كثير يعرفونك
آبتسم _ ماكنت اتوقع آنك تبيني بحياتك وبعد التهيت بشغلي
دفيته بشويش من كتوفه _ غبي
وقلدت كلامه _ ماكنت اتوقع آنك ....
شوي وجا الحارس الشخصي تبعه وكان شخص ثاني من الي كان معه يوم جاني
اقترب منه وهمس له بكلام
يوسف _ ايه دخله من الباب الثاني ولا تقوله آن عندي آحد
طالع فيني يوسف وقام _ يا الله يناصر صار وقت انك تروح البيت
قمت _ طرده محترمه هاذي
قرب مني وهمس _ لا بس عندي شغل مهم
آنا _ همممم طيب خلي السايق يوصلني بيتي
ضحك _ اكيد , بس تخيل آقولك مع نفسك ودور لك علي آحد يوصلك
ههههههههههاي
سكت شوي وطالع فيني _ والله وحشتني يا نصور ومن جد انت صديق وفي والي يصاحبك هذا محضوظ بالدنيا
آنا انحرجت عاد مره استحي وش حليلي تعرفوني ما آحب آحد يمدحني وكذا ( اقول تلايط بس )
,,,,,,,,,,,,,,
مشيت من عنده وماودي اتركه بس عاد هو رجل اعمال مهم وله علاقات خارجيه ومشغوول 24 ساعه
رجعت البيت وقابلت زوجتي العزيزه الي كانت معصبه مني
هديتها بكلام رومنسي وشويه بوسات بريئه ( آحــم ) وبث
بعد صلاة المغرب اتصلت فيني آمي تقول آنها تبي تزورني هي وجارتها آم آحمد
آنا _ الله يحييكم البيت بيتكم وعاد مايحتاج تتصلون يمه
أمي _ آيه بس كلام خل عنك الهذر وشوف زوجتك اذا فاضيه ولا لا
آنا _ طيب يمه كان اتصلتي فيها
آمي _ ماردت علي أنت شوفها وخلها تكلمني
آنا _ طيب ان شاء الله يالغاليه
,,
قفلت منها ورحت يمها
آنا _ آمي اتصلت و,
رؤي _ ايه شفت اتصالها وبعد سمعت كلامك بتجي اليوم ومين معها ؟
آنا _ آم آحمد جارتنا بالحاره
رؤي _ امك البيت بيتها بس آم أحمد ما احبها
آنا _ ليش المره طيبه وآخلاق
رؤي _ ما احبها وخلاص آحسها تكرهني بنظراتها لي كل ما اروح بيتك وتكون موجوده تجلس تعلق وترمي كلام مدري كيف
آنا ماحبيت اشغل نفسي بسوالف الحريم فلانه تكرهني فلانه ماتحبني( مو كلها زي بعض << )
آنا _ طيب طيب امي بتجي انا ايش اقول لها
ولا احسن انتي اتصلي فيها وكلميها انا مو فاضي للسوالف الي مالها داعي
رؤي _ آنا مالي داعي يناصر
آنا استغربت وووات _ الحين قلت انتي مالك داعي ,, انا اقصد السوالف ! افهمي
رؤي _ سوالفي مالها داعي الحين سوالفي مالها داعي
آنا _ لاحول ولاقوه الا با الله
رؤي _ خلاص كلم آمك وقول لها حياة الله
آنا وانا طالع من الغرفه _ انتي اتصلي عليها
,,
تركتها وخرجت من البيت جلست بالحديقه شوي
غمضت عيوني تنفست بقوه
وحاولت آني ما افكر بأي شئ
,,,
مرت ثلاثه ايام
وماشفت يوسف وانا نسيت آخذ رقمه او اعطيه رقمي
>
وانا بالدوام دخل علي السكرتير وكنت منهمك بمراجعه بعض الاوراق المهمه
السكرتير _ استاذ فيه واحد يبي يقابلك بره
وبدون ما اطالع فيه _ انت مو شايفني مشغول خله يستني شوي
السكرتير وهو شاب توه متخرج من الجامعه جاني اول مافتحت المؤسسه كان يدور وضيفه وشغلته عندي حبيته من يوم ماشفته وحسيته قد المسئوليه وماشاء الله يوم اغيب يمشي الشغل وكأنه موجود
_ بس يا استاذا هو يقول آنه ماخذ منك موعد وانك تنتظره
طالعت فيه وماتكلمت
نزل راسه _آسف
وخرج من عندي وسمعته يقول له آني مشغول
جلست ابعبص بالأوراق وانشغل بالي ببعض الامور الي ماعجبتني
..
شوي وأتصل علي رقم غريب رديت
آنا بدون نفس _ نعم
جاني صوت يوسف وكأنه بسيارة _ هلا بالمهم عجبني تصميم المؤسسه
آستغربت _ هلا والله بيوسف وينك وكيف ...
يوسف ضحك ضحكه آحبها _ كيف عرفت رقمك آنا مايصعب علي شئ يابعدي
آنا _ ايه بس لا يكون انت الي جيت قبل شوي
يوسف _ ايه وانت طردتني
آنا _ كان قلت له ولا كان اتصلت علي
يوسف _ مافيها شئ عادي انا كنت بس بتلقف علي مؤسستك
وبشوف كيف شغلك
آنا _ ايه طيب تعال خلنا نتغدي مع بعض
يوسف _ كأنك قريت افكاري انا كنت بقولك اني عازمك علي مطعم يحبه قلبك
آنا _ لا والله كيف تروح مطعم وبيت آخوك مفتوح عازمك عندي بالبيت وبعدين انت ماتبي تشوف سميك !
سكت يوسف ومارد علي
آنا _ ايشبك
يوسف تنهد _ ايه خلاص ان شاء الله
مره ثانيه اليوم يمكن انشغل
آنا _ يوسف لا اكون زعلتك ؟
يوسف _ لا ابد بس تذكرت ان فيه واحد مواعده اليوم ونسيت الحين طراء علي بالي
آنا _ لا شكلك زعلت من شئ
يوسف بتعصيب حاول مايبينه _ ناصر انت ماتفهم خلاص مره ثانيه
آنا _ طيب طيب لا تعصب
يوسف _ يا الله اكلمك اذا لقيت فرصه والرقم الي طلع عندك امسحه
,,
قفل يوسف الخط استغربت تصرف يوسف ولكن انشغلت بالاوراق الي قدامي
,
رجعت البيت واستقبلوني العيال عند الباب
كنت جوعان كثير تغديت وجلست شوي عند التلفزيون ماكنت ابي انام لآني كنت مقرر ارجع المؤسسه بعد العصر بكمل شغلي
وانا جالس اتابع مسلسل
نسيت اسمه
اتصل علي نفس الرقم الي دق منه يوسف عاد انا تذكرته مع اني مسحته زي مقال لي
رديت بعد ماقمت من عند رؤي
_ هلا يوسف
يوسف _ آنت رحت البيت
آنا _ آيه
يوسف تنهد _ آمممممم طيب علي بالي آنك لسه بالمؤسسه وكذا
آنا _ ليش بغيت شئ يايوسف
سكت شوي
يوسف _ لا بس كنت بمرك
آنا _ يوسف انت فيك شئ انت اليوم مو طبيعي
يوسف_ ليش وش شفت علي
آنا _ تصرفاتك وكلامك مدري آنت تبي تقولي شئ
يوسف _همممممممم ناصر تذكر مأمون
آنا _ آيه وش ذكرك فيه هذا مختفي من زمان عنه
يوسف _ آيه تدري آنه هو سبب فراقنا يوم جا وقالك سوالف كذابه
وانت صدقتها
سكت تذكرت الي صار قبل كم سنه وحسيت وكأنه صار اليوم حسيت بنفس الألم الي حسيت فيه ذاك اليوم
يوسف _ اش فيك ساكت
آنا _ آيه معك وش صار وذكرك فيه
يوسف_ اول ماجيت وانا ادور عليه ابي آنتقم منه علي الي سواه فينا
آنا _ يوسف الي راح راح وانسي الي صار والحين حنا لقينا بعض خلنا ننسي الي راح
يوسف بنبره غريبه _ يعني تبيني انسي الي راح بكل بساطه يناصر انت ماتدري وش صار فيني من بعدك ماتدري وش سويت وكله بسبب مأمون هو الي فرق بيني وبينك وآجبرني اترك حياتي هنا واسافر غصب عني والحين تقول الي راح راح
انت وش عليك كملت حياتك ولا حياتك تحسنت من بعد سفري وماهمك وش صار لي وايش واجهت
آنا استغربت كلامه وحاولت استوعبه شوي ..اعترف آني ضعت وسط كلامه
آنا بهدوء حاولت اني ما ابين له اني انصحه حتي مايعاند زياده وأزيد المشكله
_ يوسف ممكن تجي البيت عندي ونتكلم بالموضوع
يوسف _ لا مافي داعي انا مشغول شوي
آنا _ لا يوسف انت اتصلت علي لسبب وانا ابي اعرفه
يوسف ضحك بأستهزاء _ ناصر مأمون عندي وانا مراح اخرجه من عندي الا يمكن عالمشرحه وليش المشرحه بدفنه بالصحراء زيه زيه الكلب
آنا بخوف ورعب _ يوسف اعقل واستهدي باالله مايصير الي بتسويه و..
قاطعني _ بسويه ههههههه هو صار وانتهي بخليه يندم عاليوم الي كذب فيه عليك
بخليه يتمني آنه ما انولد والله لغير يندم
قفل يوسف مني وقفت مكاني شوي مو عارف وش اسوي
تذكرت المكان الي وداني له قبل كم يوم
وقلت اكيد هو هناك ركبت سيارتي وحاولت اتذكر المكان واتمني اني اوصل بسرعه قبل لايسوي يوسف بمأمون شئ يندم عليه طول عمره
وصلت وشفت سياره يوسف وسياره ثانيه غريبه
نزلت وقربت من البوابه وكان فيه حارس حاول يمنعني من الدخول حاولت اقنعه لكنه رفض اتصلت علي نفس الرقم الي اتصل علي منه يوسف
وما رد وقفت مكاني بحيره رجعت اتصلت عالرقم ورد علي يوسف قلت اني بره رفض يستقبلني
آنا بخوف _ يوسف انت ما اتصلت علي الا لآنك تبيني امنعك لو كنت بتسوي شئ لمأمون كان آذيته بدون ماتعلمني يوسف انت مو شرير لهذه الدرجه هذا مو آنت يايوسف وانت لايمكن انك تأذي شخص بهذه البشاعه
يوسف مارد علي وانا جلست علي اعصابي
,,,,
مرت الثواني مثل الساعات وانا انتظر يوسف يرد علي ويعدل عن رائه
شوي وفتح لي الحارس الباب
دخلت بدون ما افكر وقفت مو عارف وين اروح شوي ونزل يوسف من الدرج ,,
جريت ناحيته
آنا _ وينه وش سويت فيه
يوسف بهدوء وبراءه _ مين ؟
آنا _ اقول لا تستهبل مو فايق لك
وين مأمون
ضحك وجلس عالكنب ومدد رجوله عالطاوله
يوسف _ يستريح فوق
آنا _ وش سويت فيه
طالع فيني وسرح شوي _ آنت الظاهر ماهمك الي صار فينا سمعت كلامه وصدقته وعشت حياتك عادي لكن آنا لا بأخذ حقي منه ومراح تمنعني
آنا_ انت ما اتصلت علي الا لآنك تبيني امنعك
يوسف قام وقرب مني ودفعني بقوه من كتوفي _ لا ما ابيك تمنعني ابيك تشوف وش بسوي فيه ابيك تساعدني ننتقم منه
آنا مسكته احاول اهديه شوي_ لا هذا مو انت لا يايوسف
يوسف _ وانت تعرفني اصلا ماتعرفني
ياناصر
.........
توقف فيني الزمن صحيح حسيت هذاك الوقت اني وقف قدام شخص ما اعرفه
شخص غريب شفت القسوه بعيونه
ماعرفته هذا يوسف الي عشت معه ايام ما انساها
,, بعدت عنه
آنا _ ايه انا جد ما اعرفك بس مراح اسمح لك انك تأذي انسان مو عشانه عشانك يا يوسف
مراح اسمح لك
يوسف _ وش بتسوي مثلا
آنا _ آنت قول وين مأمون الحين خلني اشوفه
واتطمن
يوسف ضحك _ تبي تتطمن عليه خائف علي حظره جنابه
تطمن لسه ماسويت فيه شئ
آنا _ طيب ممكن اشوفه ؟
آشر يوسف بنظره علي الدرج تنهدت
آنا _ هو فوق ؟
يوسف _ لا تحت الدرج ايه فوق تلقاه مرمي بأول غرفه علي يدك اليمين
,
طلعت الدرج وانا خائف ومرتبك
دخلت الغرفه ولقيت مأمون جالس بركن الغرفه ومبين انه خائف ويوم شافني
مأمون _ سامحني ياخوي سامحني
قربت منه وازداد خوفه الظاهر فكر اني بكفخه ولا شئ
آنا _ تطمن مراح اسوي لك شئ
مأمون_ طيب الله يخليك خذني من هنا يوسف متوعدني
آنا _ طيب ممكن تهدئ الحين
مأمون _ انا ندمت علي الي سويته فيكم والله مكان قصدي يحصل كذا كنت حاسدكم وكنت بنتقم منكم
آنا يوم شفته تذكرت الي صار فينا انا ويوسف
من فراق وشوق وحنين
وبدون احساس كمخته كف حااااااااااااااااااار
حسيت سنونه طارت من فمه
....
طاح مأمون عالارض ومسك خده وتألم
بس مانبس ببنت شفه ( حلوه بنت شفه هههه
شوي ودخل علي يوسف
يوسف ضحك _ ماقدرت تنتظرني
خلصت عليه
آنا كنت بخرج من الغرفه ماقدرت اجلس آكثر
يوسف طالع بمأمون وخرج من الغرفه وانا خرجت وراه بسكات
وقف يوسف عند الدرج وبدون مايطالع فيني _ كلامك صحيح ياناصر اتصلت عليك عشان تمنعني من اني أسوي شئ بمأمون
آنا حسين نفسي خطير بذي اللحظه واني افهم يوسف عا الطائر
_ ايه حسيت كذا آنت لا يمكن آنك تآذي انسان
و ...
ضحك بأستهزاء _ ايه انا لا يمكن بس انت تقدر
تفآجئت _ نعم وش تقول انت
قرب مني _ ابيك تساعدني انا ننتقم منه ابي ادمره احرمه من اقرب الناس له انا عرفت انه تزوج و,,,
مسكته من تلابيبه ( تلابيبه هههههه ياربي )
_ لا والله انت مو صاحي لا تكون للحين تشرب ولا رجعت للمخدرات
بعدني عنه _ شوف انت صاحبي وواجبك انك تساعدني أني ارجع لحياتي وارتاح
آنا _ رواحتك انك تأذي شخص انك تنتقم من ناس مالهم ذنب الحين هو اعتذر خلاص ومصار شئ بحياتك و ,,,
ماقدرت اكمل يوم شفت دموعه انسابت كما المطر
( الله اكبر كما المطر )
تركني ونزل بسكات نزلت وراه
آنا _ يوسف تعال كلمني فهمني وش صار
يوسف وهو طالع من البيت _ عندك مأمون اذا تبي تطلعه طلعه
ومصار لس شئ يستاهل علي قولتك وانا حقود وقلبي اسود خلاص حليتها من عندك
قدرت امسكه عند السياره
مسكته من يده _ آنت مو فاهم قصدي ياناصر
يوسف _ ولا انت راح تفهم قصدي
ولا راح تستوعب ايش صار فيني
,,
تركني يوسف وصعد سيارته ومشي من قدامي
وقفت مو عارف وش اسوي كلمت الحارس الي علي الباب انه يطلع مأمون من الغرفه
ويرجعه البيت
,
كن برجع البيت بس تذكرت المؤسسه والاوراق
والهم ورحت المؤسسه بخلص شغلي المتراكم
>>
جلست افكر بالمؤسسه ياتري ايش صار ليوسف با السنين الي راحت الي سواه مأمون شئ ماينغفر ابد لكن انا هذا مو طبعي ابد الانتقام شئ مو معترف فيه آبد
انشغلت بيوسف عن شغلي فكرت اتصل فيه واطلب مقابلته بالحال
واعرف منه وش سالفته
,
اخذت جوالي من وطلبت آخر رقم اتصل فيه علي
مارد قلت اكيد معصب الحين وحاقرني
بس رجعت اتصلت عليه ثاني
شوي ورد _ نعم وش تبي انت الحين
تنهدت _ أنت وينك
يوسف _ بجهنم وش تبي خلصني
آنا_ يوسف اذكر الله واهداء شوي
وخلنا نتفاهم
سكت يوسف ومارد علي
آنا _ يوسف انا الحين با المؤسسه تمرني ولا انت قول مكانك وانا اجيك ونتفاهم
يوسف _ مافي شئ نتفاهم عليه
خلاص اصلا انت ماتفيدني بشئ
مازلت غبي واهبل وانا تغيرت الحين ومو محتاج مجانين حولي
ضحكت _ ايه طيب قلي وين مكانك
يوسف_ وليش تضحك
آنا _ لا نك ماتغيرت مازلت يوسف المجنون يا الله قلي مكانك
يوسف _ اسمع خلاص باكر نتقابل انا الحين مشغول
آنا _ يوسف ..
يوسف _ وكانه شاف شئ
قال بدون مايحس ( آخيرن طلعتي
آيه خلاص ياناصر بكره اكلمك وقفل بوجهي
,
انشغل بالي وش سالفته
..
تركت الي بيدي وخرجت رحت البيت لقيت رؤي عازمه صديقاتها جلست بغرفتي افكر وش سالفه يوسف ومين الي كان يقصدها بكلامه
..
وانا افكر نعست طبعا وذهبت بسبات عميق
( ماعنده وقت )
صحيت علي صوت رؤي واحسني كأني آحلم تقول ان فيه واحد يبغاني بره وشكله مستعجل
قمت واطالع بالساعه مستغرب الساعه4 الفجر التفت لرؤي قلت يمكن تحلم ولا مين الي يبغاني بذا الوقت المريب والمثير للريبه
نزلت وطلعت بره وشفت يوسف واقف ينتظرني
آستغربت وش فيه ومبين شكله خائف ومرعوب
رحت يمه
آنا _ سلامات وش صاير
يوسف وهو يفرك يدينه بتوتر _ ابيك بموضوع بدل ملابسك وتعال بسرعه
وطالع فيني _ ولا اقولك عادي تعال كذا بسرعه عشان مانتأخر
آنا _ نعم وش سالفتك آنت
مراح اتحرك من هنا الا الين تقول وش وراك والظاهر شئ كايد
يوسف سكت وانا عصبت منه حسيت ان فيه مصيبه مسويها
آنا _ يوسف تكلم ولا ادخل البيت انام اكمل نومي احسن لي
يوسف وهو متردد _ انا عارف انك رح تزعل وتكرهني زود ما انت كارهني بس انا اعترف اني يمكن غلطت
آنا _ طيب وش الي سويته
يوسف _ انت تعال الحين ارجوك الله يخليك تعال ونتفاهم بعدين
تنهدت وسلمت امري لله _ طيب بروح ادخل البس واجيك
يوسف _ بسرعه طيب
دخلت البيت ولقيت رؤي محظره لي كم سؤال
وين ومين وش صار وش السالفه ووووو
وانا مكان عندي اجابه مقنعه آسكتها فيها سكت
رؤي وهي نازله وراي الدرج _ انت ايشبك مو عادتك تطلع من البيت بذا الوقت ومين الي جاك وش يبي
انا _ مدري بس ان شاء الله خير
راح اتصل عليك واطمنك لا تخافين
رؤي وحسيتها خائفه _ ايش فيه يناصر انا مو مرتاحه ابد
آنا قربت منها وبستها علي خدها _ مافي شئ يوسف عنده شغله كذا وبس
رؤي _ طيب انتبه علي نفسك واتصل فيني اذا وصلت مقصدكم
ابتسمت وخرجت من البيت ولقيت يوسف ينتظرني
علي آحر من الجمر
يوسف _ هذا كله لبس ليش وين رايح انت
مارديت عليه
طلعت السياره وقفلت الباب بسكات
طلع وشغل السياره _ بنروح العماره
آنا كنت مفهي _ اي عماره ؟
يوسف _ عمارتي بروح الشقه
آنا _ ايه طيب
سكت يوسف وماتكلم طول الطريق كنت حاس ان فيه شئ
وصلنا العماره
نزل يوسف ونزلت بعده
يوسف قرب مني _ ناصر انا ماكنت ابي الامور توصل لهذه الدرجه
آنا _ اي امور ؟
يوسف قرب وهمس _ خطفت زوجه مأمون و
ماخليته يكمل
طراااااااااااخ كف داعس 230 صك بوجهه
خلاه يدور 180 درجه
تمسك بالسياره عشان مايطيح
آنا _ انت من جدك صاحي وش سويت بالحرمه
يوسف وهو ماسك خده الي راح وطي من كفي الحار
يوسف _ مو بيدي كان لازم انتقم من الكلب مأمون
آنا _ انت قلتها مأمون الحرمه وش دخلها
وقبل لا يتكلم طلع رجال كبير من سكان العماره
وطالع فينا بأستغراب الظاهر ماعرف يوسف
قرب منا _ وش تسوون هنا هداكم الله هذه عماره كلها عوائل
يوسف بتعصيب _ وانت ايش دخلك
آنا حاولت ارقع _ آيه ياعم حنا آسفين
يوسف وكأنه ماصدق يلقي احد يحط حرته فيه
يوسف _لا مو آسفين وبطلو لقافه
وش دخلك ليه واقفين
مسوي فيها مدري آيش ( مدري ايش مصطلح ينقال لما ماتلقي شئ تقوله )
الرجال وهو كبير بالسن _ هداك الله ياوليدي الوقت متأخر ويعني مايصير شباب مو سكان العماره يوقفون هني واحنا ناس علي ,,
يوسف حقره وسكته _ آف يا الله يناصر نشوف شغلنا
مافي وقت انا بالدور الرابع شقه 3
ودخل العماره
وقفت ارطب الجو وحاول ارقع ليوسف
آنا _ ياعم هذا صاحب العماره وهو معصب عنده مشكله بس تراه مايقصد الكلام الي قاله
الرجال _ هذا الشيخ يوسف
آنا ضحكت من شيخ مره مو مصدق ههههههه
آنا بأبتسامه _ آيه يقولون آنه شيخ
ابتسم _ الله يهديه
آنا _ استأذن عن آذنك
وتركته ودخلت العماره طلعت الشقه
وطرقت الباب
سمعت صوت يوسف _ آدخل مسوي مؤدب تدق الباب
فتحت الباب بهدوء
كان يوسف جالس بالصاله علي كنب فاخر جدن
الشقه كلها كانت واااااااااااو ( ياعيني وااااو )
آنا _ وين البنت !
يوسف _ مرميه بالغرفه
آنا بخوف _ سويت لها شئ ؟
يوسف طالع فيني _ لا ماقدرت اسوي لها شئ
قام من مكانه _ حاولت آني آذيها بس ماقدرت ضعفت كان نفسي اغتصبها وادمر مأمون
بس ماقدرت
آنا _ هذا مو طبعك يايوسف خلينا نرجع البنت
وننتهي من هذه السالفه
يوسف _ لا ما اقدر آخاف تفضحني
آنا _ انت ماسويت لها شئ يعني مراح تفضحك راح ناخذ منها عهد انها ماتتكلم
يوسف _ لا لا ما اقدر ياناصر
آنا _ خلني اتكلم معها واقنعها واقول ان الي صار سوء تفاهم وينتهي الموضوع علي خير
يوسف وهو يدور بمكانه _ لا لا مراح ينتهي علي خير
مأمون مراح يسكت وزوجته مراح تسكت هي بعد راح تتكلم واحنا لازم نسكتها
آنا _ وش تبي تسوي يايوسف
يوسف _ انت راح تساعدني ابيك تسكتها اسمع راح تغتصبها وانا اصور ونهددها اذا ..
ماخليته يكمل مسكته من رقبته
آنا _ لا والله مو صاحي مو معقول هذا انت يايوسف اتقي الله ياشيخ استغفر ربك
ودفيته عالجدر
يوسف وهو شوي وينفجر من الغضب_ الي بيده با الجنه مو زي الي يده بالنار
ياناصر انت ماشفت الي انا شفته ماجربت الي انا جربته ماعشت الي انا عشته
من بعدي انت عشت ملك وانا من بعدك عشت
....
سكت يوم سمع صوت زوجه مأمون تبكي وتنادي
كان بيروح يمها لكني مسكته ورميته عالكنب
آنا _ انت خلك هنا
وانا اروح اشوف وش تبي وراح اطلعها وارجعها البيت
يوسف _ لا مو بكيفك مراح تطلع من هنا
آنا مارديت عليه ورحت يم الغرفه فتحتها بهدوء
طبلت منها تغطي شعرها
آذا كانت فاتحه الغطاء
ودخلت اول ماشفتني بكت
_ الله يخليكم فكوني انا حامل وهذا اول طفل لي بعد ثلاث سنوات الله يخليكم لا تأذوني
آنا _ مراح نأذيك يأ آختي
والي حصل سوء تفاهم
ماتكلمت وكأنها حست بألم
خفت لا يكون صاير لولدها شئ
ناديت يوسف
وجاء
همست له _ المره حامل اخاف لا يكون صار للطفل شئ
يوسف _ وانت خائف عليها ياحنين
وراح يمها _ انتي تعرفين زوجك وش سوي فيني
_ مدري وانا ايش ذنبي حرام عليكم
يوسف _ وانا ايش كان ذنبي
آنا حاولت اني ما اصعد الموضوع
_ يوسف اذكر الله الموضوع بينك وبينه
خلي المره تروح وايش ذنبها
يوسف _ عمرك مراح تفهم دائم توقف مع الناس ضدي دائم انا غلط وهم صح خلاص خلهم ينفعوك اوقف معهم خذها ودها البيت
واعتذر لمأمون قله حقك علي وبوس يده ورجله بعد
وانا خلني ان شاء الله اموت من حرتي وش عليك مايهمك امري
’’’’’’’’
آنا ارتعبت من كلامه شفت الألم بعينه وحسيت وراه شئ كبير
الي يسويه من حقده علي مأمون والي سواه فيه
وكله عشان يقول وش صار بيعلمني بمدي الرعب والخوف والحرمان الي عاشه بره
بس مو عارف كيف خطفه لزوجه مأمون مكان يبي يأذيها
بس بيبين لي آنه بيسوي اي شئ عشان ينتقم بس مو عارف
عمر الانتقام ما رد حق آحد بالعكس يزيد الطين بله
...
عم الهدوء ارجاء الغرفه
ولا احد فينا تكلم حتي زوجه مأمون التزمت الصمت
تركت المكان وخرجت من الغرفه
طلعت الصاله وجلست علي الكنب
طالعت باالساعه كانت الساعه5 ونص
يوسف طلع وراي
وماتكلم ضل واقف مكانه
آنا _ تدري انا صحيح ما اعرف وش صار فيك لكن ....
قاطعني يوسف _ من غير لكن
راح اتصل علي جاستن هذا حارس كتوم جدا يأخذ هذه المرميه جوه ويقلعها بيتها
آنا _ لا تتوقع اني من بعدك عشت مرتاح صح الحياة استمرت والظاهر اني عشتها براحه بس بالعكس ماعشت مرتاح كنت اتذكرك بكل شئ شوفني سكنت بالبيت الي تركته لي عشان احس اني قريب منك وكل الخير الي انا فيه من فضل الله ثم من عندك
لا تتوقع اني عشت براحه ونسيتك كنت ادور عليك واسئل عنك
يوسف ابتسم وطلع جواله واتصل بجاستن ولا كأني قلت شئ
, وانا ماعلقت قلت الي عندي وكنت اتمني يطلع الي بقلبه
جا جاستن ويوسف طلب من زوجه مأمون انها تسكت ولا تقول ايش الي صار ووين كانت
ووعدتنا انها تتكتم عالموضوع
بس كانت تبي تطلع من عندنا والسلام
,
آذن الفجر وطلبت من يوسف آنه يطلع يصلي معي بالمسجد القريب من العماره
لكنه رفض
آنا _ يوسف الله يهديك يآخي تعال صل مع المسلمين تصلي لحالك والمسجد قريب صلاة الجماعه واجبه
يوسف _ آيه آدري بس مالي خلق اصل بالمسجد اليوم انت روح ومن هناك روح بيتك
آنا _ افا تطردني ماتبيني اجي افطر معك
يوسف لا مالي خلقك
آنا ماحبيت اترك يوسف بذي الحاله وكنت ناوي ارجع له بعد الصلاة
..
وانا خارج قابلت الشايب الي يوسف طار فيه قبل شوي ونزلت في المصعد
..
وحنا نازلين
الرجال بنبره غريبه _ الله يهديكم
آنا _ نعم سم
الرجال _ استغفر الله العظيم حتي لو كان العماره حقته واحنا ناس علي قد حالنا ومسكنا ببلاش يس مايصير يعني يدخل بنات اجانب شقته ويشوه سمعه اهل العماره حنا فقراء ومالنا الا سمعتنا بين الناس مو مثلكم عندكم فلوس تسكتون فيها حلوق الناس عنكم,,
آنا _ انت فاهم غلط الي شفتها مو بنت من اياهم
وبس ويوسف تري مو راعي هذه لحركات ولو تعرفه زين ماكنت قلت عنه هذا الكلام
....
سكت وفتح المصعد ورحت المسجد صليت وانا خارج فكرت اشتري لي فطور انا ويوسف وافطر معه ونرجع شوي من ايام زمان
اتصلت برؤي الي كانت لسه صاحيه وانا نسيت اتصل فيها
وقلت لها ان يوسف كان عنده مشكله وحليتها معه واني بخير الحمد الله ماعلقت ولا شئ
,,
وانا سكرت منها ورحت محل فول وتميز اشتريت منه فطور الشايب وانا راجع طلب يقابل يوسف
لانه حس بالذنب لشكه فيه انا كنت عارف ان نفسيه يوسف غير مهيئا لمقابله احد وراح يكرشه كرشه قويه
بس قلت له
آنا _ ان شاء الله مره ثانيه الحين الوقت مايسمح
ضحك _ تخاف آكل فطوركم
ابتسمت _ لا ولله بس انت شفته كيف رد عليك من ساعه يعني ..
ضحك _ ماعليك بس انت قله فيه ضيف يبيك وخلي الباقي علي
..
دخلت الشقه يوسف كان بالحمام حطيت الاكل عالطاوله بالمطبخ وخرجت يوسف كان خارج
يوسف _ نعم
آنا _ خلي الهرج علي جنب فيه واحد يبي يقابلك
يوسف جلس عالكنبه _ وانا ما ابي اشوف آحد
آنا _ يوسف الرجال كبير ويبي يقابلك يمكن يبي منك شئ
يوسف _ وش يبي هو بعد انا مو فاضي
آنا _ يوسف عشاني قابله عيب هو عند الباب واقف
ماتكلم بس عرفت انه موافق
رحت يم الباب وفتحته له ودخل الصاله حسيت الشايب حاقد شوي علي يوسف وفيه شوي توتر
جلس قبال يوسف
الشايب _ انا ابو فايز
يوسف وبدون مايطالع فيه _ هلا والله
آنا _ جلست بجانب يوسف
وماتكلمت
ابو فايز الع بالشقه ونزل راسه _ يمكن الموضوع الي بكلمك فيه خاص فيك وماتبي صاحبك يعرف بأمره
يوسف _ ناصر صاحبي وما في آخبيه عنه
ابو فايز _ آيه , ’ بنتي ولدت وجابت بنت
يوسف ابتسم بأستهزاء _ مبروك تتربي بعزكم
ابو فايز طالع فيه _ بس الام انتحرت بعد ولادتها بثلاث شهور
يوسف بلا اهتمام _ طيب الله يرحمها
ابو فايز بنبره حزن _ انت ماعرفتني ؟
يوسف _ لا والله ما عرفتك
ابو فايز _ انا ابو مشاعل الاب المغفل الي وثق فيك وسلمك بنته وغلطه بنتي انها حبتك
وانت وش سويت خنتها وتركتها بعد الزواج بكم شهر
ماتذكرتني ! للحين
يوسف قام من مكانه _ انت كذاب ومفترئ انا ماتزوجت آحد ولا تركت احد
عيب عليك شايب وتكذب
ابو فايز _ انا ماكذبت وعقد الزواج عندي وبنتك عندي وانا ما ابيها لانها تذكرني فيك وكل ماشفتها اتذكر بنتي الوحيده الي ماتت بسبتك
انا مو محتاج لشققك بس يوم عرفت انك صاحبها جيت وسكنت بس عشان اكون قريب من الشخص الي دمر حياتي وحياة بنتي واسرتي
.يوسف _ وبعدين وش تبي
قلي كم تبي وانا اعطيك وخلصني انا مو فاضي
آنا _ يوسف انت اشبك الرجال يقول عندك بنت وانت تقول كم تبي
ابو فايز _ خله ياوليدي هذا تفكيره كل شئ ينحل بالفلوس
يوسف _ ايه كل شئ ينحل بالفلوس
ابو فايز خرج صوره من محفضته ومدها ليوسف _ هذه بنتك
يوسف ماطالع بالصوره طنش ابو فايز
آنا قمت واخذت الصوره منه عشان ما اكسفه _ يوسف شوف الصوره والله تشبهك خاصه خشمها زيك
ابو فايز _ البنت سمتها امها ريماس
يوسف طالع با الصوره وكأن قلبه حن شوي عليها
آخذ الصوره من يدي وبعد شوي عنا وادار وجهه
يوسف _ هي عندكم بالبيت الحين
ابو فايز _ آيه لو تبي تعال خذها الحين انا مو متحمل وجودها بينا وحتي جدتها ماتبيها كلنا مانبيها من ماتت البنت وانا ما ابيها
يوسف_ هذه حفيدتك كيف ماتبيها وتقول عن قلبي هو القاسي انا ماكنت ادري انها كانت حامل لو دريت ماتركتها
,,,,,
آنا _ خلاص الي راح راح وخلنا باليوم
ابو فايز _ انا شقتي رقم 7بهذا الدور لو تبي تعال خذ البنت
يوسف _ سجلتوها بأسمي ولا
ابو فايز _ لا كيف نسجلها وانت مو موجود وكنا مشغولين بتعب مشاعل الله يرحمها تعبت نفسيتها بعد الولاده وانتحرت
يوسف _ التفت يمنا . كم عمرها الحين
ابو فايز _ سنتين
يوسف _ البنت عمرها سنتين ومو مسجله ؟
ابو فايز مارد
آنا استغربت الوضع حسيت فيه شئ فاتني ومو فاهمه
.........
وقفت انتظر رد ابو فايز يرد علي سؤال يوسف المنطقي
يوسف _ انت تقول معك عقد الزواج يعني من ايش كنت خائف كان سجلت البنت
وليش جايني الحين وبذا الوقت با الذات ؟
ابو فايز ارتبك _ انا قلت الي عندي البنت عندي بالبيت وتعال خذها وفكني
يوسف _ البنت بأذخها ماعندي مانع بس بعد ماتقول لي آنت لك علاقه بالي صار بتونس قبل سبع شهور صح ؟
ابو فايز _ اي تونس انا مالي علاقه بالحادث
ضحك يوسف _ ومن قال اني كنت اتكلم عن حادث
التفت لي _ ناصر انا جبت سيره حادث لا سمح الله
ابو فايز ارتبك _ اسمع انا مالي علاقه بأي شئ وجيت اخبرك عن بنتك وبس
وانا ماشي
يوسف _ مع السلامه وسلم علي حبايبك
,,
آنا _ يوسف وش صاير واي حادث فيه شئ انا مو فاهمه ؟
يوسف اشر لي آجلس
جلست بجنبه طالع فيني _ تعرف الواحد عشان يمشي حاله با الدنيا وخاصه اذا كان وحيد لابد يتحالف مع الجانب المظلم
طالعت فيه مستغرب ومفهي كعادتي
يوسف _ ومالزلت مفهي ومنسم اقولك يا الله روح جيب الفطور خلنا نفطر
آنا _ والله مو فاهم شئ وانا بعد مستغرب توك عرفت انك صاير آب وتبي تفطر لو اني منك اروح اجيب بنتي و,,
قاطعني _ خلنا نفطر وبعدين نشوف سالفه البنت
...
أفطرت مع يوسف وانا بالي كله مشغول بألي صار وجالس علي اعصابي وهو عادي كان يتكلم معي وكأن مصار شئ ولا كأنه توه مكتشف أنه آب
آنا _ يوسف يعني انت تزوجت ولا فكرت تقول لي
ضحك _ كل شئ جا بسرعه مكان فيه وقت اقولك
آنا _ لا ياشيخ فكرت وقررت وتزوجت وتركت زوجتك ولا فكرت تقول لصاحبك
يوسف _ يا الله نشبت الاكل بحلقي طيب خلني آكل وبعدين اسأل
طالعت بالساعه _ طيب انا بروح البيت تأخرت علي الاهل
وانت متي بتروح تجيب البنت ووين بتجلس وبتجيب لها مربيه ولا ..
يوسف قاطعني _ ايش الهم ذا يناصر خلاص شبعت وانت يا الله روح بيتك البنت هذا مو وقتها الحين
انا مو فاضي آذا تبيها خذها انت
عصبت من كلامه الغير منطقي
آنا _ يوسف هذه طفله مو سياره ولا اثاث صاله اشبك انت
يوسف تنهد _ بس انا ما اعرف للعيال شلون اربيها
بدون آحساس _ كان عندك جاد و...
حسيت اني غلطت وقلت شئ مو وقته الحين
يوسف قام من مكانه _ ومات كان عندي جاد ومات
آنا _ انا اسف يايوسف زله لسان
يوسف _ آيه عادي انا بروح انام وشوي العصر اروح لبيت ابو فايز
آنا _ تبيني اجيك
يوسف _ ليش بتساعدني بشيلها مثلا مو علي قولتك طفله مو سياره
آبتسمت _ لا بس اقصد يعني يمكن تبي آحد يساعدك وعشان تتأقلم معك
يوسف_ يعني لشافتك بتتأقلم
ضحكت وعرفت انو يقصد آني آسود البشره وبتخاف ( ههههههههههههه ياللهووووووول )
آبتسم _ يا الله اقلب وجهك اصلا بأذها وبجيبها عندك وخلها تتأقلم مع عيالك وبالمره اشوف سمي
بعد ماشفته للحين بشوفه واسلم عليه
,,,,,,
كيف راح يكون اللقاء بين يوسف وبنته ..
هل راح يرتاح يوسف بوجودها
,,
وايش قصه ابو فايز ؟؟
..
رد مع اقتباس
مواقع النشر