السلام عليكم
رح ادخل بموضوعي ع طول انا وحدة تزوجت من واحد متزوج وعنده 3 اطفال ولدين وبنت*
البنت اولى متوسط طبعا لمن دخلت حياة زوجي من سنتين ونص كانت تجي مع اخوانها يزورن اخوهم انا الحين صار غندي ولدين الصغير عمره 5 اشهر واخوانه ماجو الا مرة وحدة بحكم ان البيت قريب من بعض يعني في نفس الحي المويهم البنت ماقد جت وانا عارفة ان البنت تميل لامها ورح تكون تحت تاثيرها اكيييييد هالشي مايعني لي لان امها اللي بتربيها لاحترام الناس ومو شرط انا بس زوجي انتهى دوره وماعاد صار يتدخل حتى باحترامهم لي صار موقف قبل بزياره لابو زوجي وكلنا رحنا بسيارة وحدة بنته ماعبرت وجودي ولا قالت لي سلام حتى اخوها الصغير اللي الحين عمره 5 شهور ماسلمت عليه ولا باركت لي ولا ولا ولا ولا شي طبعا براحتها وصلنا عند اهل زوجي وتشميق وتنطيش من البنات طيب ليش يعلم الله يعلم الله كل مازوجي جابهم عندي اني ارفعها من الارض اوصلها للسماء بمعامله بطيب بكل شي ماتطلب شي الا واقوله تم حتى سويت حفله نجاح لها ولاخوانها وجبت لهم هدايا بفلوسي كل هذا يعرفه زوجي المويهم طنت الموضوع ولمن رجعت قلت لزوجي قلت له صار وصار وصار وبنتك ماجاها مني شي حتى وان كنت زوجه ابوه انا ماربيتها ولا حرمتها بشي هيا مع امها انت واجبك تفهمهم يحترموني ويحترمون اخوانهم زوجي دق ع صدره وقال مالك الا اللي يرضيك وهيا مالها حق تسوي كذا معك لكن انا بتفاهم معها قلت له خلاص فهمها بطريقتك والله اني قفلت ع الموضوع ولا قلت له وش سويت وش ماسويت دايم اعتمد ع كلامه مرررررررت الايام وصار موقف قبل اسبوع طلعنا انا وهو من البيت وشاف اولاده وقف لهم وقفنا معهم سلم اخوها اللي اصغر منها وصافح حتى والبنت ولاكانها شايفه احد والله تنميت اني ماطلعت ذاك اليوم انا انسانه ماتعودت اكون مكروه من احد كيف ناس احبهم واتودد لهم لاجل يحترموني اقل شي مايعبروني المويهم طلعنا ولمن رجعنا وقهويت زوجي قال انتي وشفيك زعلانه قلت له الموضوع قال بنتي ماغلطت قلت كيف ماغلطت وهيا تكرر نفس الحركة الاولى اللي انت اعترفت انها غلط قال تستحي قلت اوك انا معك تستحي تقول السلام ومو شرط تصافح او تبوسسسسس انا ابغى منهم يحترمونك ويخافون منك قبل كل شي عشان يحترموني قال مو مجبروين يحبونك قلت صح انا معك محد مجبور يحب احد بس لو كانت لك هيبه ماكان همشوني كان سلمو علي خوف منك اقل حاجة بس انت تاركهم ولا معلمهم احترامهم لي حتى طبعا انا متنرفزة بس ماطلع مني شي غلط متنرفزة ومحروقه من جوووو قام زوجي وضربني انا انقهررررررت مرة انه ضربني واتصلت ع اخوي يجي ياخذني طلعت كل الشنط ولميت فيها كل الملابس عشان يعرف ان موقفي صارم وماعاد يمد يده ع كل شي (طبعا مو غرضي الطلاق) بس كنت اقول وانا معصبه والمس الملابس مارح ارجع للبيت جاني وقالي تعوذي من الشيطان لاتشوفين نفسك قهررررًني اكثر هو يكاااابًر كثير اول مرة ماقال تعوذي من الشيطان كان يقول روحي مارح اموت من بعدك ولا هميتيني طلع من البيت وجلس يرسلي كلام انه العرق دساس ومدري وش ينرفزني هو لمن طلع كلم اخوي بس مدري وش كان يقوله المويهم اخوي جاء وتكلمو هما طبعا وانا كنت بالغرفه ولمن خلصو جاني اخويه واخذني وطلعنا من البيت وانا عند اهلي حاليا لا اتصل ولا اتصلت انا اقسم بالله اني ما ابغى اهدم بيتي واني ماقدر اتخيل حياتي مع غيره بس صعب اني اتصل ولا ارسل وانا شلت كل عفشي مارح تبقى لي كرامة وطول حياتي بكةن مذلولة ومارح يعترف بغلطه ابددددد ودايم ينتظرني انا وانا دلعته بكل شي الحين انا مو عارفة مصيري تعبت وتعبت نفسيتي ابي رايكم بالموضوع وابيكم تقولون لي وش لازم اسوي وهل بيرجع هو من نفسه يتصل ويعتذر او لا ماتعشم طبعا*
اعذروني ع الاطاله حبيت تعرفون بالتفصيل اللي صار وبعتبرها جزء من الفضفضه بما ان اهلي مايدرون عن شي غير اخوي
رد مع اقتباس
مواقع النشر