كنا على قلب واحد دخل بينا شنب وفرقنا تعالو حلو المشكلة

[Miss.Reem]

في يوم من الأيام وانا بنت صغيرونه ومسوية ضفيرتين ومرات اسوي نافوره<<برآآ
وكنت اشوف الدنيا لونها بمبي وعندى صديقاتى بالدنيا
وما اظن في شي يفرقنا
وكبرت <<<مو كثير لسه صغيرة أنا
واتغيرت علاقاتى وصداقاتى من مرحلة لمرحلة
ولما وصلت الثانوي وبدئت أفهم انه البنت تنخطب تملك ثمن تتزوج
بديت ألاحظ أشياء غريبه في صقيقاتى الصدوقات
اول وحدة طارت من صقيقاتى
اول ماخلصنا ثاني ثانوي
تفاجئت تقولى عرسي بعد شهر
خييير متى كيف شلون
ما ادرى
وتزوجت والحين ماشالله عندها بنت و وللدين
الله يحفظها لهم
صقيقتى هذى الى الآن العلاقة مستمرة
وتسئل عني رغم انشغالاتها الجديدة
الله لايحرمنى منها الشنب مافرق بينا ولاغيرها
لما صرت ثالث ثانوي صقيقتى الثانيه انخطبت
وفرحت لها من قلبي
وبدينا نخطط للملكة
وبنسوى وبنعمل وانا كل همي
انى برقص خخخخخخ
اهم شي الرقص والفله هع
وملكت على خير
بعدين الشنب عفس حياتها فوق تحت
وش ذا كل كلامها عنه
وكأن الكرة الأرضية أصبحت تتمحور عنه
والى يبط التسبد ويرفع الضغط
انتى مايحق لك تفتحى مواضيع
هى بس الى تتكلم وانتى اسمعى
مو صابحتها اجل كووولى هوا واسمعى
ولما اكون قرفانه من اختبار متضايقه من شي
ما تسمعك
لان مواضيعي فى نظرها صارت سخيفه
تدرون عاد وحدة عزباية فاضيه ماعندها مسؤليات
وطبعاً انتى لازم تكونى فاضية فى اى وقت يزعلها فيه الشنب
يعنى ابو الشباب زوج المستقبل
ولو تبغى مسج ترسله له لازم تجيبيلها
ولو تبغى تجيبله هدية لازم تفكرى معاها
ولين ما جا وقت العرس واعرست وحلقت للقفص الذهبي
وصارت من اخوات كان خخخخخخخخخ
ماتسئل ماتتصل ولا كأنها تعرفك
لييييش؟؟؟؟؟
بموت واعرف وليش
قلت يابنت لاتصيري نحيسه يمكن أبو الشباب
فارد عضلاته ومسوي عليها حضر تجوال
لكن اشوفها تتواصل مع اى وحدة تمتلك شنب
مو قصدى عندها بوجهها شنب لا يعنى متزوجة خخخخخخخخ
طيب أنا ليش صرت من الماضي؟
طنشت الموضوع وقلت يابنت كل حي يروح لحاله هع
ودخلت الجامعة واتعرفت على وحدة
صارت اعز انسانه في حياتى
وعلاقتنا كانت الكل يحسدنا عليها
لغاية ما وصل الشنب خخخخخخخخخخخ
والبنت صارت مو هي البنت الى اعرفها
بس النواصل استمر بسبب الجامعة
تخرجنا وكل وحدة اشتغلت فى مكان
انا كنت دايماً اتصل وأسئل
بس بعدين مريت بحاله قحط هع
ما عندي رصيد اتصل
لقيتها هى ماتتصل
ليش
لانه رصيدها محتاجته تكلم فيه شنبها
وانا ماعندي شنب فراح أحتاج الرصيد في إيش؟
منطق صح؟خخخخخخخخ
وطبعاً صارت مكالمتنا كلها تتمحور عن الشنب
طيب يابنت الحلال الدنيا فيها شي غير الشنبات
لا لازم تستمعى بكل جوارحك لها
وتحلى مشاكلها
وتتواصلي معاها لانك فاضية خخخخخخخخخخخ
ولو جيت اكلمها بالشغل والمواقف الى تصير
لازم الموضوع ينقفل بأسرع وقت ممكن
ونرجع نحكى عن شنبها المبجل
قال فعل ترك
قام جلس
نام انسدح
طيب وبعدين؟
وين مكانى أنا بحياتك؟
والى يقهر اكثر لو دقت الصدر
لأبو الشباب وقالت له بوسيلك الشغل الفلانيه
وهى عندها ماعند جدتى بهالشلغه
لكن انتى تفهمى فيها
ويلا بنت ابوكي ارفضي طلبهاخخخخ
تصيري ماتفهمى شي فى الصداقة خخخخخ
احس انى طولت فى كلامي صح؟
السؤال اى ابغا اقوله
ليش البنت اول مايدخل الشنب في حياتها تتغير
والمفروض من صديقتها العزباء ماتتغير
والى يقهر اكثر
لما تكونى جالسه مع وحدة مخطوبة ووحدة متزوجة
يصير كلامهم لكى كأنك محرومة
ويدعونلك تتزوجي كأنك لو ما اتزوجتى راح تخرب الدنيا
يااابشر ياهووو
احد اشتكالكم؟
طيب أنا فرحانه انى قاعده في بيتنا انتو ليش زعلانيين؟
مممم
تعرفوعندى وحدة من صديقاتى متزوجة
قبل لاتتزوج ماكانت من النوع الى يتصل ويسئل
فماعتبت عليها بعد ما اتزوجت لانها ما اتغيرت هودا طبعها
بعد ما اتزوجت صارت كل اسبوع تتصل
وتتصل تشتكى

اذكر مره اتصلت فينى بالليل متأخر وحدها متضايقه وتبكي
وخلص رصيدها وفصل وانا ماعندي رصيد أتصل
وانا المسكينة مايجينى نوم ليليتها وافكر فيها
واحاول احل المشكلة واقوم الصبح اشحن الجوال
واتصل عليها الصبح ماترد
الظهر ماترد
وانا اعصابي بتنحرق
العصر اتصل عليها ردت وانا مقهورة
اقولها قلقتنى وين ماتردى
والاخت ترد علي و روحها بخشمها
وهى تقول يعنى مارديت عليكي من الصبح اكيد
مشغوله
وانا الى اعصب ودى اكفخها
ولسه ببدء موشح أندلسي الا هى تصدمنى
تقولى اقفلي الحين انا طالعه مع زوجى نتمشي
طووط طوووط>>>الخط فصل >>ماحد قام يلقط وجهه
ياساتر
ليش طيب كذا؟
يابنات وش يصير فيكم او مايدخل الرجال حياتكم؟
ليش الوحدة اول ما تصير حرم فلآن
أخلاقها تنقلب 180 درجة
تتغير على صديقاتها على قريباتها على العالم كله
ليش يعنى؟ لما اتزوجتى صارت السعادة كلها بيدك؟
ليش لما يدخل الرجال بحياتكم تصيرو كذابات؟
تحكى عكس مشاعرها تخاف احد يسحدها
تحكى عن زوجها أشياء عمره ماسواها اما عشان ماتبغى احد يحسدها
واما لانها نفسها يسويها
ليش الوحدة اول ماتتزوج تبدء تطالع للعزباء بعين الشفقة؟
أحد قالك انه ناقصها شي؟
ترى من جد قاهرنى الموضوع و باط تسبدي
كرهتونى الشنبات وسنينهم
شوي و امسك اخوانى الشنبات واغتالهم بسببكم
سببتولى عقدة نفسية
كانت معكم ريم
من برنامج فضفضة
فى امان الله

[^^DALA3^^]

شوفي ميس ريم مو عشان الشنب
الحياة بتتغير و ما بعرف شو النفسية بتضطرب بتصير الاحلام خيالات
و بتصير الصديقة عبارة عن رفاهية في بعض الاوقات
بالنسبة للحياة الزوجية الروتينيه في الغالب
و عند هيجانها تستدعي اطراف لهم خبرة فيها
مو عشانك انتي عزابية لا بكره ان شاء الله بس تتزوجي بتفهميني
و لو انه كلامي مخربط لاني فايته وسط عجقة اهلي و الدنيا حولي فوووووضى
الله ييسر لك كل خير يا رب و يوفقك في الدارين يا غالية

[قلب راض]

اللي تتكلمي عنه يا ريم هو الواقع المعاش في كل مكان
وصحيح اللي تتزوج كثيرا ما تنسحب من عالم كوكبة الصديقات
واهم سببين لهذا غالبا:
الأول هو اختلاف الإهتمامات وتغيرها بالنسبة للمتزوجة
والثاني مزيج من الإنشغال بالبيت وبالزوج ويليه الحمل وتوابعه

وقد يكون لصاحب الشنب سلطة مانعة
كما يمكن أن المتزوجة تعتبر البنوته غير قادرة على مشاركتها همومها لقلة تجربيها
وهذا الذي يجعل علاقتها تستمر مع المتزوجات أكثر

وكل حالة ترجع لاسباب خاصة بها

ثم انت مالك ووجع راس المتزوجات!!!
يمكن الإبتعاد عنهم أحسن بدل ما يعقدوك من الزواج...

[ام حبيليص]

انا مع مس ريم بكل ماقالت

فعلا الوحدة اذا تزوجت تنهبل بس انا امشي على قاعدة التسفيه

والله قد سفهت وحدة دخل في حياتها شنب على قولتك خخخخخخخخخخخ سنه كاملة وزيادة لا ارسلت ولا كلمت واذ بها ترسل وتقول وينك يابنت لاترسلين ولا تكلميين ياما ارسلت وياما كلمت .........
هو يرجع للبنت نفسها طبعا مو كل المتزوجات ينهبلون خواتي ماشاء الله عليهم للحين مع صديقاتهم حتى بعد

ماتزوجوا

عقبال مايجيك ابو شنب بس ياويلك لو تتغيرين

مشكورة ع الموضوع الحلو

ام حبلوص