الكديرة للتسمين الجسم تعمليها فالبيت لوحدك | هنا بالتفصيل الممل تفضلي
طريقة عمل الكديرة بنفسك بالبيت
( الكديرة ) عملية لتسمين المناطق المراد تسمينها في الجسم
يسمونها في الخليج بـ ( كاسات الهوى ) ..
معروفة عند النساء الصحراويات المغربيات
وبها يسمنن أنفسهن وبناتهن العازبات استعدادا للوقت الزواج
طريقة الكديرة كما يلي :
تجيبي شمعة لا يتعدى طولها 3 سنتيمتر باش ما توصلش لقاع الغرشة وتطفى .. أو تطرطق ليك القرعة بالسخونية القريبة للزّاج
تشدي غطاء قرعة حليب أو لبن أو كوكا .. المهم تلقاي غطاء صغير تلصقي فيه الشمعة كقاعدة باش فاش تحطيها على فخذك أو الهونش تثبت ليك وما تطيحش
تجيبي قرعة ( قنينة ) د الكومفتور ( المربى أو نوتيلا ) أو غرشة يكون فمها شوية عريض
باش غير تقدري تاخذي أكثر مساحة في جلدك .. مثلا القرعة تاع ( الجام ) الكومفتور صغيور فمها خاصك تكثري من عدد العملية
لما يكون فمها عريض يسهل عليك التحراك والماسّاج بيها
وايضا زيت للدهن .. زيت الزيتون أو زيت الطبيخ أو غيرها أهم شي زيت للدهن
العملية وتطبيقها :
توقفي مثلا في المطبخ أو حدا الكوافوز ( التسريحة )
وتوقفي على شي قماش أو زربية أو فوطة باش إذا طاح الزيت فالأرض ومع الحركات ما تزلقيش وتطيحي وتقومي تدعي عليّ
توقفي تحطي ركبتك بشكل مائل على الكوافوز ( التسريحة ) أو بوطاجير .. وتدهني مكان الهونش بالزيت ونزلي بالدهين للفخوذ وكل المنطقة
ورجلك من الركبة مسندة على الكوافوز .. أميلي شوية على جنب باش تحطي الشمعة شاعلة للي ثابتة فالغطا حطيها على مكان الهونش
خذي القرعة و ( ضعيها على فمها ) فوق الشمعة الشاعلة وضغطي شوية انتظري لما تطفى الشمعة ويمتص الأوكسجين المكان للي محطوطة فيه الغرشة على فمها
اعدلي نفسك وهو أن تقفي عادية على رجليك
وهنا وريني الشطارة تاعك .. بداي تحركي القنينة كأنك تعملي المسّاج ..
حركيها في كل الأماكن للي دهنتي وركزي على الهونش ( جوانب الخلفية ) وغمّازات الخلفية للي كيكونو فارغين
وبقاي تمسدي وتمساجي .. وأي وقت فلتت منك القرعة وخرج منها الجزء عاودي شعلي الشمعة وعاودي من الأول
عنداكي تطيح ليك القرعة على الأرض لأنها ستنكسر لأن يديك فيهم الزيت غتزلق منك القرعة مرة مرة ..
فرشي شي بطانبة أو زربية تفاديا لتهراس القرعة ..
ستحسي بألم في البداية ولكن تستحمليه .. ويبدا جلدك يصير أحمر ومورّد .. استمري حتى تحسي بالحرارة في جلدك
هذا معناه أن المكان أخذ العملية والدم مشى فيه وجاهز لإمتصاص الدهون للي غتاكلي بعد أن تنتهي
العملية هاذي : هو أنكي كتفصلي الجلد على العظم وتعطي مكان باش يدخل الأكل فهاذ المكان بسهولة جدا
هاكا غتكوني اليوم عملتي العملية الكديرة لكل الأرداف والفخوذ وإلا بغيتي حتى السيقان
وكرري العملية يوميا مرة واحدة وانتي ختاري الوقت سواء قبل وجبة الغذاء أو بالليل إلا عندك أكل دسم
لازم العملية تستمر يوميا لمدة نص ساعة ماساج أو أكثر ولمدة 20 يوم على الأقل ..
وغادي تلاحظي الفرق من خامس أو سابع يوم
وإلا كملتي 20 يوم خذي لك راحة باش ما تمليش .. وكلما استمريتي بين الفترة والفترة راه ستزيدي فإمتلاء ذيك المنطقة
يعني مع كل عملية زيادة .. لأنو سيكون الجلد أخذ حيّز وتفرق على العظم وبدا ياخذ الأكل بسرعة
الأكلات الدسمة منها :
خبز الشحمة - الكرعين كثري فيهم الدسم - التردة بالشحمة والعدس وإلا بغيتي راس الحانوت
البغرير مدهون بالزيت العود والزبدة - ملوي بالزيت والزبدة - الحلويات الكريمية
- المكارونة بأنواعها بالفروماج أو البيشاميل - الآيس كريمات .. المكسراات بكثرة .. ووووو أي شي دهني ..
وإلا لقيتي العشوب تاوع الكيرة تاكليهم مع الأكل يكون تاني أفضل بكثيير .. سولو عليهم العطار
ما لقيتيش غير الماكلة وصافي
ملاحظة : فالأول تحسو ما تقدروش تعملوها وحتى الوضعية غتحسو صعيبة
ولكن مع المدة تصيرو متدربين وتصيرو تقدرو تعملوها حتى للظهر وبسهوولة وبدون مساعة أحد
لأنك لما تزلقي الغرشة بطريقة الماساج راه ممكن تمشي بيها حتى لظهرك من تحت مع الدهين كل مرة باش تمشي الغرشة بسهولة
لأن الغرشة لاصقة وكتمشي انتي بيها لأي مكان بغيتيه يمتليء
الفائدة المهمة للكديرة فـ قاعدة الظهر هي :
تنظيم الدورة الشهرية
نزولها بشكل طبيعي إلا كان فيها عسر النزول والأوجاع
وبعض النساء كتحمل بسرعة إلا داومت اعلى لكيرة للظهر
حيت كتخرّج البرد من الظهر وتفكّ عروق الظهر للي لهم علاقة بالوالدة
وأغلب موانع الحمل كـ البرودة وغيرها راه كتكون الكديرة سبب في علاجها بإذن الله
هذا للي كنعرفو على الكديرة بنصيحة من صداقتي لعائلة صحراوية
ولأنني أهتم بجمع مثل هذه المعلومات لأستفيد وأفيد بحول الله
ملاحظة مهمة جدا :
حذااااري من عمل الكديرة للخدود أو البطن أو الصدر
لأنها تصيبهما بالترهل .. الخذوذ والبطن والصدر حساسة ورهيفة بسرعة تترهل
أما الباقي يبقى مزيان ومكيصيبوش الترهّل ابدا
همسة :
فاش تتوقفو عن العملية نهائيا
ستبقى الفورمة ( المكان ) كما هي عااامرة ومقادة
يعني ما ترجعوش للضعف ولا واااالو غير تهناو ألبنات
وأي سؤال يا البنات أنا حاضرة تفضلو سألو
مني هدية هاذ الموضوع كتبتو بيدي الآن لعيونكم | فطيمة المراكشية
,
رد مع اقتباس
مواقع النشر