الله يخليكم ساعدوووني

**سكووبه** · 02-06-2013, 04:12 PM

اخواتي الغاليات هادي رساله من صديقه ليا محتاجتكم ومحتاجه نصايحكم وانا قلتلها تكتب الكلام وانا حكتبه في المنتدى

السلام عليكم

اخواتي في الله

لي رجا عندكم انكم تساعدوني واللي مايقدر على توجيهي ما ابى منو غير دعوة خير لاحد يتشمت ويقول تستاهل انا ما استاهل بس قدر الله

انا متزوجه وعندي بنتين ولله الحمد

بس للاسف صارت معايا مشكله ممكن اخسرهم بسببها انا كنت اكلم واحد عالواتس مدري ايش اللي خلاني اسوي كدا او اتصرف كدا لين دحين مو مستوعبه

الموهم في يوم طاح الجوال في يد زوجي وشاف كل شي ولكم ان تتخيلو الموقف

ماقدرت حتى اني ابكي من الخوف قلي لمي عفشك وعلى بيت اهلك اترجيتو واترجيتو بس مافي فايده يعلم الله اني احبه مو بس احبه والله اني اموووت فيه بس بجد مدري ايش صارلي المووهم جاب اهلي عالبيت وقلهم بنتكم كدا كدا اطلقها ؟؟ طبعا انتو عارفين الاهل الا الطلاق اترجو وكدا قال لا خدوها معاكم وتترك البنات

وبعد محاولات وافق انو يعطيني فرصه اخيره

بس مافي جوال ولاخرجات ولا شوفة اهلي ولااكلمهم حتى

والله العظيم انو اسبوع كان الوضع كويس بيننا ولله الحمد بس فجأه جاني من العمل معصب ومو طايقني ولايبى يتكلم معايا حتى حاولت اكلمو اسألو اشبك كان يرد ولاشي ولاشي بس بعدين صار يهزأ ليش ماسويتي وليش ماعملتي ولاتكثري كلام واهتمي ببيتك وبناتك

انا قلبي

محروق مني عارفه اجلس او اسوي شي احبو وما اباه يكون زعلان مني بس هوا معاه حق بس انا مو قادره اتحمل كيف ارجعلو الثقه فيا ؟؟كيف اصلح حياتي معاه ؟كيف اخليه يرجع يحبني ؟؟ اللله يخليكم الله يخليكم لاتحرموني دعوه الله يفرج همي اذا ماقدرتو عالنصيحه

اخواتي انا قلتلها عالدكتوره ناعمه الهاشمي ودوراتها ونصايحها بس انتو شايفين هيا دحين ماتقدر تسوي شي او تسجل في شي وانا والله ظروفي ماتسمح اني اسجل في الدورات حقتها لانو اسعارها غاليه عليا

**أم الب1نات** · 02-06-2013, 05:40 PM

لااسمعي كلامه وقولي يارب ،، لاموضوع محتاج وقت ،،
خليني اسالك عن طبيعة الكلام الي دار بينك وبين الواحد اللي تكلميه ؟؟
يعني علاقة عاطفية ؟؟ ولا كلام معرفة وصداقة ولا فضفضة ولا علاقة غرامية ؟؟؟

**TASNIME** · 02-06-2013, 09:16 PM

الله يصلح الحال .. ربنا يفرج همك يا رب يا حي يا قيوم
ويهديكي لزوجك ويهديه ليكي ويحفظلك اولادك

**sandy123** · 03-06-2013, 01:40 AM

الله يصلح الحال .. ربنا يفرج همك يا رب يا حي يا قيوم

توكلي على الله اهتمي بصلاتك وقرائة القران وشوي شوي ان شاء الله الأمور تتحسن
عليك بالدعاء والاستغفار
ورمضان جاي وكل عام وانتي بخير
خلي يشوف التغيير بأفعالك
الموضوع بدو وقت