قصــة لاتفووووتكم صراحه نكته كما وصلتني مضحكة وطويلة لكن فيها فائدة مره من المرات اخلفتني االدورة الشهريه وانا ب المتوسطه احسب ان الي تتاخر عنها الدورة تصير حامل
والله اني صادقه بكل كلمه مادري وش السالفه ....
راحووو الطيبيييين
اعترف فعلت المستحيل عشان اسقطه ...!!
يالله خلوني انطلق وأمسك خط في السوالف واخبركن عن حملي الذي حاولت تسقيطه
هذا الله يسلمكن
قبل أتزوج يمكن وأنا أولى متوسط
ماكنت اعرف حركات الدوره وانها تستهبل بعض الاحيان
مره تتأخر ومره تتقدم ومن هاالعلوم
المهم في شهر من الشهور تأخرت علي كم يوم
وكان عندي فكره انها لازم تجي في نفس يوم وتاريخ الشهر الماضي
المهم ماجتني في اليوم المحدد تأخرت
والله لايوريكم حكمت اني حامل على طول بدون مقدمات
طيب كيف حامل وانا ماني متزوجه
مدري
المهم حامل حامل الله لايعوق بشر
وأروح للشغاله
...
قلت : أنا حامل
قالت : ايش كلام هذا أنتي مخ فيه سيء >>>> طبعا بعد مابحلقت عيونها وطاح الصحن الي بيدها
قالت : كيف حامل ومافيه رزال
قلت حامل مو لازم رجال
>>> والله يابنات وقتها كنت افكر هاالتفكير
وقلت مريم عليها السلام حملت بدون رجال
قالت مين مريم قلت بنت جيراننا مين يعني
بعدين أنتبهت أنها صدز ماتعرف مريم
المهم
قلت لها وش الحل الحين ....
قالت لازم كلم ماما
قلت لا كل شيء الا ماما
المهم وأروح للمدرسه
وأجمع صديقاتي
بعلمهم باالخبر الصاعق عشان يشاركوني همي ويبحثون لي عن مخرج
قلت أسمعن العلم
قالن هاتيه
قلت أنا حامل
قالن تنكتين أنتي ووجهك
قلت لا صدق جاكم العلم
قالن ليه متى تزوجتي ؟؟
المهم علمتهن باالسالفه قلت الدوره ماجتني !!!
وطبعا هن بريئات مثلي ويازين براءتنا وأيامنا راحوووو الطيبييين 😔😔
قالت وحده روحي حللي بالمستشفى >>> تحليل حمل ياكبرها عند ربي يامجرمه
قالت الثانية : أمي حللت امس وطلعت حامل وورقتها صفراء وحاطين عند كلمة حامل دويره حمراء >>
يعني يقالها تمهد لي عشان ماانصدم
وقامن يبربرن على راسي وارتعت وجلست ابكي وش تحليل ودويرته
المهم وتجيك العربجيه من شلتنا وتمسكني من يدي قالت امشي بلا مستشفى بلا تحليل
قلت يابنت الحلال وين توديني
قالت تعالي وانتي ساكته
قلت طيب نتفاهم يامعوده
ماش ماعطتني مجال
المهم وتوديني للدرج حق مدرستنا
قالت يالله اطلعي اول الدرج همن انقزي الين الأخير الين يطيح النونو..
مدري كيف طرت عليها هاالفكره مع انا بريئات قسم
المهم وانقز وانقز وانقز الين تعبت
المهم قالوا صديقاتي بشرينا اذا طلع معك دم معناها طاح واذا مانزل شيء كرري الخطه في درج البيت
وارجع للبيت وانا منهد حيلي ومتكسره >>>
المهم ماشفت شيء واكرر الخطه في البيت >>> اجرمت في نفسي
اطلع اول الدرج وانقز نقزه وحده اليني في الارض >>>
اليوم الثالث اجلس مع امي .... وتسولف علي ميمتي وانا حزينه وخايفه ...
قالت تراني معزومه على زواج وبتروحين معي
بس هداني ربي وسكتت وقلت لا يمه ماابي اروح....
قالت بتروحين معي انا ابغاك تروحين
سكتت بعدين قلت يمه
قالت : لبيه
قلت : وش يصير لو تأخرت الدوره
قالت مايصير شيء
قلت الا يصير حمل
قالت مهوب شرط يمكن يصير ويمكن لا
قلت يمه انا متاخره الدوره وحاسه اني حامل
والله لايوريكم انا قلتها منا وامي تنتابها نوبة ضحك مو طبيعيه منا .... الين دمعت
قلت ليكون انا قايله نكته
صدق يمه احس اني حامل وخايفه
وامي تضحك قالت
كيف حامل
قلت طيب ليش تاخرت الدوره
قالت عادي تتأخر عادي
بس اهم شيء ماتتأخر اكثر من اسبوع
>>>> واجلس احسب لها الحمد لله مامر اسبوع
من بعد كلام امي وانا متطمنه ومنشرح خويطري
واقوم أرص أمي واحبها
وبعدها جلست مدري كم يوم وتجيني ست الهانم
وتوته خلصت الحتوته
وتنتهي قصة حملي الكاذب ومحاولتي في تسقيطه
وكل مااتذكرها انا ورفيقاتي نضحك ضحك مو طبيعي
وحده من بنات أخواتي
تقول ياخاله انا تفكيري مثل تفكيرك
وتفكر بعد ان الي يجي عمرها ثلاثين تحمل سواء تزوجت او ماتزوجت >>>
أبوك ياالتفكير
مايستفاد من القصه :
نصيحه لكن ياامهات وياامهات المستقبل علمن بناتكن كل كبيره وصغيره تفيدهن ...
ووعنهن بامورهن الخاصه ....ترى في خواطرهن اسئله خاصه ومهمه بس يستحن ويكتمن
واحرصن على مصادقتهن والتقرب منهن وأفتحن قلوبكن لهن وشاركنهن هموهن ومشاكلهن
كوني ( صديقه ) لبنتك اكثر من ان تكوني ( أم )
( .😂😂😂😂😂😂😂😂😂😂😂😂..)
وسلامتكن
واسترن ماواجهتن
من جد حلوه هههههههههههه
رد مع اقتباس
مواقع النشر