السلام عليكم
كيف الطلبة والطالبات والمدرسة والمدرسات والجامعة والجامعيات خخخخخخخخخ
كل عام وانتم بنوتاتي
في بيتنا قطوة :
جت في بيتنا قطوة الله يمحا القطوات اللي عندكم واللي تحوم في حواريكم جت واستوطنت في
بيتنا الحبيب واتخذت من الحديقة مقرا لها والله حاله ا
لبيت بيت ابونا والقطاوة اشغلونا وانا اكرة
ماعلي القطاوة واخاف منها بشكل مو طبيعي......
المهم كنت مرة طالعة للمطبخ واذ بي ركزوا على
اذ بي الله يرضى
عليكم واذ بي اتفاجأ بالقطوة معدية من امامي بسرعة الصاروووووخ ودخلت تحت السيارة طبعا انا
ماكنت ادري بوجودها في البيت فعدت ادراجي الى الوراء واخبرت ست الحبايب
فقالت : انك
تتخيلين يام حبلوص
فأقسمت بأغلظ الايمان اني شايفتها
وقلت في نفسي : اوكي مصيركم بتشوفونها فتعلمون
يقينا اني لم اصب بعد
بلوثة في عقلي
وطنقرت عشانها ما صدقتني ....
انا بصراحة اول مرة في حياتي اشوف قطوة بهالكبر ماشاء الله متغذية صح
مرت الايام وشافتها العايلة الكريمة وصدقوني الحمد لله
قالت اختي: ياكبرهاااااااااا شكلها حامل
قلت ماشاء الله المدام حامل بعد
والله انتي ادرى بهالسوالف وش يدريني عن سوالف الحورمات وخرابيطهم
مامر كم يوم الا الحبيبة والده وجابت ثلاثة مدري اربعة...
خلاص الا تعرفون كم ؟!!
ولدت وانتهينا سبحان الله حريم لو مايدققون في السخافات مايصيرون حريم خخخخخ
الولادة كانت في الحديقة اختارت مكان استراتيجي والله زيكم ياحورمات كل وحدة تختار
المستشفى اللي بتولد فيه لا و تزينون الغرفة وحركات وسكنات و مستخسرين على هالقطوة
الضعيفونة هالحديقة
اعوذ بالله وصل بكم الحسد لهالدرجة وبعدين وش دخلكم حديقتنا ولا حديقتكم خخخخخخخخخخخ
المهم ولدت وقامت بالسلامة تسهلت ولادتها اشوفها قامت مثل الجني ياليتها متعسره ولادتها ولا
والدة بعملية
( كيفي قطوتنا وحاقده عليها )
واحد من عيالها لونه غير اخوانه واكتشفنا بالاخير انه طالع على ابوه.. انعم واكرم
شفناه ابو الشباب جاي يتطمن على زوجته
يامال فرقى العين
ماشاء الله والله وتجمعت العايلة الكريمة
باقي الجد والجدة ويلتم الشمل
المهم خلصت نفاسها الاخت وتوقعنا انها بتستحي على دمها وتطلع من البيت قلنا مسكينه تبي
مكان مريح تولد فيه والله ولا على بالها الاخت مبيته النية انها اقامة مطولة لا و امر من جمبها
وهي منسدحة وترضع وتطالعني بعين قوية ماتقول بقوم العرب شافوني بهالوضع
عيب...
والله ولا كن احد مر
قليلة ادب والادهى من ذلك تتمشى في البيت
سرداحي مرداحي وتدخل المطبخ والصالة خلالالاص صارت راعية البيت
اللي مهولني انها مرة داخلة تحت الغسالة وطابة في الحوض والغسالة مغطاه
كيف مدري اتوقع معها بسم الله الرحمن الرحيم
خلاص راحت علينا الغسالة الكبيرة يامال المرض اي والله كيف اغسل بطانيتي
لا وماكفتها وقاحتها اذا مريت من جنب حديقتنا
عفوا حديقتها تكشر عن
انيابها لا احسن عطيني كف قطوات اخر زمن
المهم مرت الايام وكبروا الحلوين وحذوا حذو امهم العايلة بربطة المعلم تحت الغسالة ليش يابعد
تسبدي تضيقين على عمرك وعلى عيالك ارض الله واسعة انا احب انكد عليهم مثل ماحوموا كبدي
اقوم امي عليهم تجي باللعصا ويالله كل شوي تطلع وحدة من تحت الغسالة نفسي اعرف سر
هالغسالة خخخخخخخخخخخخخخخ
مثل ماقلت بعد ماوصلوا الحلوين لسن الرشد دخلتهم امهم التجنيد خلاص عرفوا يطمرون ع
المكيف ثم يتسلقون الجدار نجحوا في
السنة التحضيرية
بإمتياز تبارك الرحمن وكل واحد راح يشوف
رزقه ويحوش للمستقبل ويعرس ويعين من الله خير
وبقت الام وابو الشباب اللي يطل عليها بين الفينة والاخرى والمسكينه شكلها ماخذت موانع
حملت للمرة الثانية ياحياتي رحمتها ماامداها خخخخخخخخخخخخ
ثم اختفت من بيتنا شكلها قالت خلاص يعني بستحي على وجهي وادور لي مكان ثاني اولد فيه
لاصار اهل البيت عسل لا تلحسينه كله
جاء يوم ورحت انا وامي لأبو ريالين مشي الا نشوف عيالها ياحليلهم والله صاروا رجاله
مشوربين ايه يالدنيا امس ترضعون واليوم سبحان الله
ومرة كنت اسولف مع بنت جيرانا وجبنا طاري القطاوة وقلت لها عن معاناتنا قالت لايكون البيجية
قلت الا قالت عندنا
ومعها ثلاث قطوات بعد خخخخخخخخخخخخخخخخ
حنا وحدة ماصبرنا مو عاد اربع
ام حبلوص وقطوتها هع هع
مواقع النشر