حمام مغربى هيخليكى واحدة تانية (مسابقة عروس بيت حواء) 3
بسم الله الرحمن الرحيم
فى البداية خلينا نحتسب النوايا عشان ناخد ثواب على كل حاجة بنعملها ان شاء الله
----------------------------------
: لقد ذكر النبي صلى الله عليه وسلم ثلاث صفات للمرأة الصالحة ، وأول صفة من هذه الصفات ، وأول الخصال قوله صلى الله عليه وسلم : (( إذا نظر إليها سرته ))
طريقة عمل الحمام المغربى فى البيت بالتفصيل وسهل ومع الاستمرار عليه بيفرق جدا
وهيخليكى واحدة تانية خالص ان شاء الله
(الحمام المغربى جميل جدا فى تنظيف الجسم وبتتخلصى من الجلد الميت المتراكم على الجسم ولما بتستمرى عليه بيفتح ويوحد لون البشرة.. نتيجته بتبان من اول مرة )
الادوات اللى هتحتاجيها
(طين مغربى )شكله بيبقى رصاصى كده بتجيبى عليه نقط ماية بيبقى عامل زى الكريم وجهز للاستخدام بيتجاب من العطارين الكبار
(صابون بلدى)
بيتجاب من محلات العطارة الكبيرة
(الليفة المغربية)
بتجيبى الليفة الاصلية من اماكن بيع مستحضرات التجميل الكبيرة بتبقى خشنة
(بيبى اويل Baby oil)
ده حلو اوى للترطيب بعد ما الجلد يتعرض لاى ماء سواء استحمام او وضوء او غسيل مواعين
(ماء ورد)
بيخلى البشرة اكثر نضارة وبيفتح البشرة بيستخدم بعد كل استحمام
(مرطب )
]
اى لوشن او زيت زيتون او لوز او جنين القمح
الخطوات
اول حاجة هنفتح مسام الجسم كله ( ساونا او نملى البانيو بماية سخنه وتنزلى فيه تلت ساعة او نفتح الدش وتنزلى الماء الساخن عليكى تلت ساعة )
2- بعديها هنعمل سكرب عبارة عن عصير ليمون هتفركى بيه الجسم كله بلطف
3- هنجيب الصابون البلدى هتدهنى بيه جسمك كله وتسيبيه 10 دقائق وبعد كدة تغسليه
4- نيجى بقى للخطوة المهمه جدا (الليفة المغربية) دى اللى بتطلع الجلد الميت المتراكم
ومتتخضيش من الحاجات اللى هتطلع اول مرة .. هتبدأى تفركى الجسم كله جامد بس خللى بالك من المناطق الحساسة ومنطقة الرقبه الفرك فيهم يكون بالراحة ..هتلاقى حاجات سودا بتطلع عادى كملى لحد ما تخلصى جسمك كله
5-بعد كدة هتغسلى جسمك كويس وبكدة نكون جاهزين للمسكات اللى الجسم هيستفاد منها
6-هتعملى ماسكات للجسم زى مانتى عايزة
طين مغربى (حجر طين مذاب بماء ورد )
او (علبتين زبادى + 5 معالق لبن نيدو كبار +نصف ليمونة )
او( ترمس مطحون + زبادى +عسل+ماء ورد )
ممكن تعملى ماسك واحد وممكن اتنين بس بين كل واحد 10 دقائق
6- هتغسلى جسمك بصابون مخصص للجسم ..مش اى صابون
7- اشطفى جسمك بماء فاتر
8- نشفى وامسحى وشك وجسمك كله بماء الورد
9- (الترطيب) ودى خطوة مهمة جدا لو متعملتش ممكن تضيع كل اللى عملتيه
اتمنى انكم تكونوا استفدتم والى اللقاء فى موضوع جديد ان شاء الله
رد مع اقتباس
المشاركة الأصلية كتبت بواسطة قلب راض
مواقع النشر