أشعار حزينة عراقية


شلت همك شلت همك عمر ليل
بأثر ليل كسر ظهري
التعب
وهمومك ثكال واول ماطحت
راسا صحت حيل
وضحكه ع الدمع بخدودي من سال
كمت بجفوفي اصيحك وين جفيك
ولاتعرفني جنك ماادرت بال
حسبالك خلص؟!ماارجع انوب!!
واظل تعبان بعدك وابجي موال
عود انت ادفعتني..؟!هواي
بطران
ترى اجفوف البشر ماتدفع اجبال
واذا كاع انت طبعك هم امر بيك
واشك صدرك واجيك بحيل
زلزال
شلت حسنك عنب وبحضني اخليك
كضيت سنين اشيلك مثل السلال
جنت بأول عطش اعصرلك العين
واكت دموعي لجلك ماي شلال
ماتستاهل اسهر واحسب نجوم
وابوس ايد الكمر وعيون الهلاك
اتوسل اضل بلكت يروحون
وعله ظهر الصبح تلكاني
خيال
واجيك وبيدي ورده وكلبي
متعوب
واكابر واني بيه جروح اشكال
عال العال صحتي وكلش
انسيت
مامجبور احب انسان تمتال
لاتتوسل ولاتحجي وياي
كرهتك
روح…مايحتاج تحتال ولك بيك
امنت ماجنت اظن هيج على جروحي
تسوي جروحك انزال
هدمت الشوك بيدك واني مليت
دروح وراضه مثلي….بواقع الحال*


شعر عراقي حزين
كلش دخت بيك منين مخلوق
إذا من طين اشكن كلش بهاي
كلها بماي تسبح تنضف الناس
ومن ايلوح جسمك ينضف الماي
—————————————————————–
بگلبي بروحي بعيوني اخليك
حرت ما گمت اميز وين اضمك
ومن گد ما احبك گمت اشك بيك
يمكن انت ابني واني امك ..~



منقول