يا أخوات أبغى ردكم ضروري لاني ماني عارفه ايش اعمل ... أنا عندي صديقة تبيني أكون لها وبس لدرجة لو شافتني احكي أو أجلس مع أحد غيرها بتزعل مني واحيانا تحاول تبعد عني ولما اجبرها عالجلسة مع أحد تتضايق واحيانا من كثر ما تكتم تتعب وتدخل للمستشفى .. تحاول تبعدني عن زميلاتي وابعدتني عن كثير وتقول أنا وحده أمشي باحساسي واحساسي دايماً صح هذي البنت بيجيك من وراها مشاكل وفعلا يكون كلامها صحيح .. لما نجلس نغني أونتكلم عن المغنين والأفلام والممثلين تزعل وتتضايق واحيانا تجلس بطرف بعيد عنا ، وإذا قلت ليش تبيني اتركهم تقول لو شفت فيهم خير ما منعتك عنهم ، وهم زميلاتي احيانا يحرضوني عليها ويحاولون يسببون بينا مشاكل ويقولوا عمرنا ماشفنا حب صديقة واهتمامها مثل صديقتك
مواصفات صديقتي
ملتزمة جداً وخلوقة ، تحب لي الخير كثيراً وكثيرة النصح والأرشاد لي ، تحاول جذبي إلى أماكن الخير ، لها أفضال ووقفات كثيرة لا تنسى ولا توجد في مثل هذا الزمن ، وهي أقرب أنسانة لي وكاتمت اسراري ، ما تحب الحكي عن الناس اطلاقاً ، سواء صالح أو فاجر وتقول نستر عليهم عشان ربي يستر علينا .. تحب العلم والدروس والمحاضرات..
أما أنا فماني مثلها حريصة جداً أو ملتزمة .. لكن احبها ولا احب زعلها
ايش رايكم كيف اتعامل معاها .. اتركها وإلا اترك غيرها ..
اسمع كلامها وإلا لا ..
لو جاتك رسالة مثل هذي كيف بتردين عليها .. أو كنت بنفس الموقف ايش تعملين ..
أنا جتني رسالة مثل هذي ..
بس أبي اسمع ارائكم ايش تقول البنت تنتظر رد
أنا في انتظااااااااااااااااااركم
مواقع النشر