يارب يسر اموري واصلح احوالي
واكتب لي الخير بالدنيا ووفقني

ماغيرك اعلم بعثراتي وغربالي
ولاغيرك اشكي عليه اشيا تضايقني

اسنيني اللي مضت ماجت على فالي
كم كان حضي عن الغربي مشرقني

صحيح قصرت في نفسي وبعمالي
واشغلت بالي (بشي) ماكان يقلقني

لكن مايعني ،، اني ،، داله وسالي
اتنفس الهم والحسرات تخنقني

الامس الاول يشابه يومي التالي
واللي سبقته قبل سنتين ،، سابقني

ياكثر همي وقل البخت واموالي
وياقل نومي وكثر احلام ترهقني

وياقرب دمعي وبعد اللي على بالي
حتى اقرب الناس من عيني مفارقني

حاولت اواجه مشاكل عمري الحالي
ويدّين ( خيره ) من ( التوفيق ) تسرقني

صحيح كل ماكتب لي خير ،، واشوالي
لو كانت النار تكويني وتحرقني

عموماً اللي حدث نتيجة اهمالي
سفينة(ن) ما اداريها ،، تغرقني