## وفـــاءً لقـلبــــه ##

[الريتــــاج]

مااصعب الحياة عندما تكون قسوتها من اقرب الناس اليك ..مؤلمه حد الموت عندما يكون الطعن بالظهر ..قاسيه عندما تكون الجراح من يد من يملك الدواء ..

بداية رائعه



كملي ننتظرج


//

\\


ريتـــــــــــــــــــاج

[كتمــان]

انا مالقيت تفاعل مع القصة

بس عشانك راح اكمل
ويمكن احطها كلها مرة وحدة

[كتمــان]

تكملة الجزء الثالث


بمكان ثاني كان في مكالمه بين شخصين بدت عاديه وانتهت بعصبيه بين بدر وعبدالله

بدر..خلاص يااخي وسع صدرك
عبدالله..المهم انا بروح انام
بدر مستغرب..والدوام
عبدالله يتنهد..بطنش مابحضر
بدر بعصبيه..هذا ثالث يوم تغيب شسالفتك
عبدالله..شرايك اوقع حضور عندك
بدر وعصب..تستخف دمك والله انك ماتستهل من يخاف عليك وخل الي تضيع وقتك معهم ينفعونك
عبدالله ..بدر ماني رايق فيني النوم
بدر..سلام ياولد خالي

قفل بدر وهو بحاله عصبيه من ولد خاله الي تغير مابين يوم وليله اما عبدالله دخل غرفته وحط راسه ونام ..




عالمغرب نزلت نوره وجلست مع امها ودلال وريم..حيا الله العاطلات
دلال..لاتفرحين بتلحقينا قريب
نوره..لا انا بحمل مواد مابتخرج بدري
ريم..شخبار البنات
نوره..الا صح بكرا الجمعه ببيت خالي
دلال..ملينا من البيوت خالتي
ام فارس..اطلعوا للمزرعه
نوره..لا المزرعه لازم احمد معنا
ام فارس ومستغربه ..طيب يجي احمد
نوره بحزن ..وفارس
ريم..عادي فارس يسأل عنه ويجيب سيرته
نوره..مابيجي احمد وفارس هناك
ام فارس..يجي ماعليك انتي
نوره بفرح ..اجل بكلم خالي واقول لهم نطلع هناك احسن
دلال..حلو ونطلع احنا الصبح انا وريم وخالتي
ام فارس تغير وجهها..لا انا مابطلع الصبح عندي مشوار ضروري
ريم بااستغراب..وين يمه
ام فارس..بروح لحرمه تعبانه خذوا الخدامات انتم ورواحوا وانا بجي مع فارس
نوره..يمه وشفيك فارس مايطلع الا بعد صلاة العشاء
ام فارس وترمي المخده على نوره ..لا حول ولاقوة الا بالله وشفيكم اليوم خلاص بيجيبني
نوره وتضحك ..طيب يمه لاتعصبين
ام فارس ...اشوف اتصلي على بيت خالك وعلميني عشان اقول لفارس هالعومه بعد
ضحكوا البنات وراحت ام فارس لغرفتها

نوره ..هههههههههه والله امي الحين ليه تعصب
دلال ..منك احد يشوف وجهك ولايعصب
نوره بدلع..من القهر لاني طالبه لي هدف بالحياة
دلال ..مالت عليك انتي وهدفك هدك كان هدفي
ريم..نوير خلاص كفايه تحطيم
نوره تبتسم..دلال ليه ماجبتي جود
ريم ..ههههههههههه حرام اتركي البنت بحالها
دلال..مااقدر تستفزني جود تجلس مستمعه وبعدين تروح تقول كل شئ لفهد
ريم..ههههههههههه تستاهلين
نوره..يالله بروح اعمل اتصالاتي تبون شئ يااخواتي العزيزات
دلال..قولي لخالتي الجوهره تسوي لنا بكرا حلى طبخها حلو
ريم ..هههه والله انك ماتستحين خالتك وتطلبين منها
دلال وتبتسم..خالتي الجوهره عادي حبيبه
نوره..وهي بتطلع ..اطبخي انتي يالعاطله هي عندها بيت ومسؤليه
انحاشت نوره لان دلال قامت لها ..


مشوار لام فيصل ..واجتماع لاحمد وفيصل ..وصفحة وفاءُ ..
وقلوب بين فتيات يجمعهم الحب ...
وقلوب بين فتيات يجمعهم الحب ...

كل هذا بالجزء الرابع من وفاءً لقلبه ..

** القصيده لشاعر غازي القصيبي

[كتمــان]

الجزء الرابع








اتصلت نوره على بيت خالها وفعلاً اتفقوا انههم يطلعون للمزرعه بدل بيت خالها ..ورجعت للبنات تقول لهم ..

نوره..خلاص وافقوا انا بطلع انام تصبحون على خير يالعاطلات
دلال..اقول مع السلامه لاتجيك المخده
فارس وتوه راجع للبيت ..احم
دلال حطت رجلها وطلعت فوق مع نوره
ريم..ادخل فارس مافيه احد
فارس..السلام عليكم
ريم..وعليكم السلام
فارس مستغرب ..كان عندك احد..؟؟
ريم باابتسامه ..نوره ودلال وطلعوا فوق
فارس.. زين اجل وين امي
ريم..بغرفتها
فارس..خليني امر اشوفها

راح فارس لامه ودخل عندها وحب راسها
فارس..مساء الخير ام فارس
ام فارس باابتسامه..الله يمسيك بالنور والسرور
فارس يبتسم..شكلك مبسوطه
ام فارس..وليه مستكثرها علي
فارس..افا لو بيدي اهديك سعادتي
ام فارس..الله يخليك لي ترى اهلي بيجتمعون بالاستراحه بكرا وبيطلعون البنات الصبح مع الخدامات وانت بتوديني الظهر
فارس بعد تفكير..لا يمه انا بكرا بمشي العصر لشرقيه
ام فارس مستغربه..وش عندك
فارس..ابد ودي اغير جو وبيروح معي فهد
ام فارس..فهد يدري عن بنت عمك
فارس..ايه بيكون شاهد
ام فارس وفجأه تذكرت من طرى فارس الشهود ..طلبتك ولاتردني
فارس..ابشري يمه
ام فارس..الشاهد الثاني ابيه احمد اخوك
وقف فارس ..ماراح اكلمه يمه
ام فارس..انا بكلمه
فارس سكت شوي ..كيفك انا كنت ناوي اجيب واحد من العيال بس خلاص اذا بيجي احمد ماعندي مشكله
ام فارس ..وخواتك
فارس وعصب..يمه احنا اتفقنا مااحد يعرف عن الموضوع وبتظل عند ابوها
ام فارس..الله يهديك
فارس..تصبحين على خير بكرا الساعه 11 بنكون عندهم
ام فارس..ان شاء الله

بغرفة البنات طلعت ريم..بسم الله شفيكم انحشتوا
دلال..تعرفيني مااحب اسلم
نوره..اقول ودي اطنش الجامعه واروح معكم الصبح وناسه
ريم..اذا عندك رصيد بمحاضرات بكرا غيبي
نوره..لابروح اكلم البنات اذا بيغيبون اوكي
ريم..بيذبحك فارس اذا شافك تكلمين هالوقت
نوره..اف بكلم من جوالي بيخسرني
دلال..جوالي تحت امرك بس الله يسعدك اشحنيه
نوره..هههههه مالت عليك وانتي دايما يستقبل مايرسل
دلال..ماعندي فلوس
ريم..هههههههه الله من الكذب بعد
نوره..باي
دلال..وين بتروحين
نوره..اف ماتفهمين شفيك اليوم مخك قافل
دلال ..ههههههههههه والمفتاح ضايع على قولة فهد
طلعت نوره وتركت البنات



في بيت ابو محمد كان ابو محمد وام محمد ولدهم محمد وهند جالسين يسولفون
ابومحمد..والله اشتقت لام بدر من زمان ماشفتها
محمد..والله خالتي مافيه مثلها انسانه مميزه بكل شئ
هند..خالتي الجوهره لانها تعبت بحياتها تلاقيها تثمن أي شئ حتى الكلام دائما تقول الاستماع فن ولازم تتعلمونه
محمد..وهي صادقه يابخت الي يعرف لهالفن لانه فن رائع
ام محمد..الجوهره ماقصرت بعيالها الله يخليها لهم
هند وتبتسم ..الا يمه من اطيب عماتي وعادي لاتنحرجين من ابوي قولي هههههه
ام محمد وتناظر رجلها ..هم خواتي قبل مايكونون خواته اطيبهم ام فارس واقواهم ام بدر
محمد..صح عمتي ام فارس طيبه حييييييل
هند بعفويه ..ماتشوف فارس ممشي كلمته
ابو محمد والتفت لها ..افا ماهقيتها منك ياهند
هند خافت..ليه يبه قلت شئ غلط
ابو محمد بهدوء ..فارس ماهو مشي كلمته على امه لا امه الي عطته ثقتها ورمت الحمل عليه وهو رجال وقدها
هند حست انها زعلت ابوها حبت راسه..اسفه يبه مو قصدي
محمد..الا يبه خالتي حصه من زمان ماجت عندنا
ام محمد وتذكرت ..الحين وراء ماتخلينا نخطب لك دلال
محمد..يمه دلال ماتبيني
ابو محمد..وانت وش عرفك
محمد..هي مره قالت ماتبي اقارب
هند..دلال خبله ترمي كلام وبس
محمد مبتسم..وبتزوجوني خبله
ام محمد تناظر هند..هالخبله ذا جاء وقت الجد شالت البيت على راسها تقول بالعزايم لحالها
محمد..بس يمه وقتنا تغير مو بس بيت وطبخ
ام محمد ..اف منكم
ابو محمد..خلو الولد على راحته بس انت يامحمد تبيها
محمد.. دلال احسن من أي وحده مااعرفها بصراحه افضلها عن غيرها المهم يالله تصبحون على خير بجيكم للمزرعه بعد المغرب
هند..لاتتأخر
محمد..ان شاء الله




الكل نام هالليله ومن بكرا الصباح الي راح لشغله والى راح لجامعته وريم ودلال راحوا للمزرعه وام فارس تنتظر فارس عشان يروحون يملكون له على بنت عمه الي كانت عند ابوها ودموعها على خدها
ابو غاليه بحزن ..سامحيني ياغاليه
غاليه وتمسح دموعها ..مسامحتك يبه
ابو غاليه..الله يوفقك فارس رجال وبيحافظ عليك
غاليه بنفسها تقول ..انت ماتعرفه انسان قلبه حجر كيف يحافظ علي تنهدت وراحت تفتح الباب وحصلته فارس ودخلت ودخل هو ومعه امه الي سلمت عليها
فارس من غير نفس ..عمي صاحي
غاليه..ايه بغرفته
رن الجرس وراح فارس يشوف وفتح الباب ووقف ثواني عينه على الي واقف مانزلها.. اما احمد حس انه مشتاق لاخوه وده يحضنه وده يتأسف له بس نظرة فارس منعته نظرة العصبيه والزعل خوفته من أي مبادره كان وده يقول له ان الكلام طلع غصب عنه ..كان وده يعتذر منه كان وده يقول له انت اخوي ولااقدر على زعلك تنمى يشوف ابتسامة فارس النادرره بس المليانه حب للاهله تمنى يضحك بس قوة فارس وجموده خوفت احمد خاف يصده خاف يجرحه او حتى مايرد عليها ماقدر الا يمد يده وصافحه
احمد..السلام عليكم
فارس ..وعليكم السلام وصل فهد والشيخ وقطع كلامهم دخلوا كلهم وتم الموضوع وباركوا لفارس ولما بارك له احمد حظنه ماقدر يمنع نفسه من اشتياقه لاخوه ..سامحني يااخوي انت كبير والكبير يظل دايم كبير
ربت فارس على كتف احمد وابتسم وطلع احمد مرتاح وراح للبيت ينتظر امه حتى يروحون للمزرعه اما فارس وقف قبال عمه الي انصدم من كلام فارس
فارس بقوه ..خلاص ياعمي ملكه وملكنا لكن ماابي احد يعرف عن الموضوع غير الي كانوا حاظرين والكلام لك يابنت العم
غاليه وهي ميته قهر ..لاتخاف مابشوه سمعتك واقول اني صرت زوجتك
فارس والتفت عليها وحصلها نفس ماهي مازالت متغطيه..حلو الكلام يالله فمان الله
طلع فارس وطلعت معه امه ودخلت غاليه غرفتها وغرقت بدموعها والمها ونهاية احلامها دخلت الغرفه وظلت تصيح بشكل متعب اخر شئ كانت تتخيله ان ولد عمها يستحي منها اخر شئ توقته ان احلامها ببساطه تنتهي تخيلت كل شئ الا هالحلم الانسان الي يرتبط فيه كل عمره عمرها ماتوقت قلبه حجر مثل فارس لايمكن يتأثر بأي شئ انسان انمسحت الرحمه من قلبه لكنها بالاخير استسلمت للامر الواقع ورضت بقدرهاا وهذا طبع غاليه ترضى بأي شئ وتكمل حياتها



الظهر الكل اجتمع بالمزرعه وهالمزرعه هي ثنتين مفتوحه على بعض والي يدقق فيها يحصل جزء منها يأخذ الشكل التراثي القديم وهو ملك الخال ابو محمد والجزء الثاني المميز بكل ديكوراته وكأنه قصر هو ملك لفارس لكن فضلوا يفتحونها على بعض وتكون مزرعه للعايله كلها وكان اقتراح من احمد والكل شجعه عليه..وحاليا مزرعة فهد مازالت تبى وبتنضم لهم قريب


عالغداء ..
دانا..يمه وانتم ياخالتي اسمعوا كل اسبوعين بنجي هنا ملينا من البيوت
ديما..صادقه دانا
ام بدر..لا والله عالاقل كل شهر
غاده..الجوهره ياخالتي خليك معنا مو ضدنا
الجوهره..ههههههه انا مااقدر عيالي مابيجون كل اسبوعين
ساره..يمه عيالك رجال خلاص
ام بدر..حتى لو رجال مااخليهم لحالهم
ام فارس..الا ياالجوهره وين راكان من زمان عنه
ام بدر..ابد فيه ياعند بندر يالبيت مجتمعين
ام سامي ..قاطعين عيالنا كلها اذا ماجمعنهم مايجون ويسلمون نسينا ملامحهم
ام فهد..بذي صدقتي واولهم ولدي
غاده..يممممممه
ام سامي..مصمه وشتبين
غاده..ابي اسافر
ام سامي ..كان رحتي مع عيال خالتك
كل البنات ..مين
ضحكوا عليهم لانهم فعلا كانوا متفاجئين
ام فارس..فارس وفهد راحوا لشرقيه
نوره..اشو هذول مستحيل اسافر معهم ليه رايحه عزاء
ام فهد..والله مافيه مثلهم رجال
دانا..من يشهد للعروسه
استمرت السوالف والضحك الى العصر بين البنات وامهاتهم

حول المغرب ..
عند الخيول ماكان فيه الا جود مع الخدامه الي من شافت العيال قربوا رجعت للفله

احمد..حيا الله جود وشلونك
جود..الحمد لله
سامي..جود ليه زعلانه
جود..ماعندي احد يلعب معي
احمد..افا واحنا وين رحنا
جود..تضحك علي
احمد ويلتفت ويصوت لراكان وبندر الي جوا عندهم
بندر..خير وشفيكم
سامي ..بنلعب مع جود
راكان..وش تلعبون معها
وصل بدر وعبدالله
عبدالله..سلام وش عندكم مجتمعين
راكان..نفكر بلعبه نلعبها مع جود
بندر..اسمعي بلعبك الي تبين بس بشرط
جود بحماس..وشو
بندر ويضحك..ابيك تدخلين خمس ارانب عالبنات وتنحاشين ..
الكل ضحك
راكان..حلو بس بتعصب علينا امي
سامي..صح خالتي اخر مره لما عملتها يابندر عصبت
بندر..ماعليكم اراضيها
جود..ههههههه طيب يالله خلوني انتقم
احمد من مين..
جود..منهم بس يتكلون كلام ماافهمه ولااحبه
راكان بحماس..وش يقولون
ضربه سامي..عيب عليك
راكان..يااخي انا مشروع مذيع لازم اصير ملقوف
محمد ..خير وش هالاجتماع
راكان..ارجوك محمد لاتخرب علينا
محمد..بسم الله وش اخرب
وعلموه السالفه وسكت ماعلق وتركهم ينفذون المقلب بالبنات وفعلا اخذت جود كرتون فيه خمس ارانب وراحت للبنات وفتحت الباب ورمتهم وسكرت الباب ومسكته بقوه بس بالاخير ضعفت وتركته ..


عند البنات كانوا منسجمين بالسوالف وفجأه انفتح الباب التفتوا يشوفون الا جود وعلى طول رمت الارانب عليهم وصرخوا كلهم بوقت واحد

ديما وتطمر على هند..ابعديه عني بسرعه
هند...هههههههههه شلون اقوم
ريم جلسه فوق الكنب ..يمممممممممممممممممه الحقيني يمه بموووت
نوره بمكانها ماقامت..هههههههههههههههههه اشكالكم تضحك بطني يعورني ماتخوف ارانب يالمهبل

دانا وتطمر الارنب ةتفتح الباب وتطلع الارانب وتلحق اختها وتطلع برا عند العيال ولاحسوا الا بالشبشب وراء جود اما دانا وقفت لان العيال برا راكان من الضحك جلس عاارض

راكان..ههههههههههه جود هذا اول شبشب
جود..ههههههههه لو تشوفهم يضحكون هههههههههه
سامي..ياويلك ياجود
طلعت ام بدر..ياعيباه عليكم هذا كبركم تسوون كذا
راكان ومازال يضحك لحد ماضحكت امه على ضحكه ..اضحك غرفت عقولهم حسبي الله على عدوك
بندر..ياعمتي خلينا نضحك من زمان ماضحكنا
ام بدر..حرام مايجوز كذا اولا هذي حيوانات ليه ترمونها باهشكل بعدين انتم قدوه كبار
احمد. سامحينا ياخاله بس .بشري ياخاله كم الاصابات
ام بدر وتضحك..مافيه اصابات بس خوفتوهم
دق جوال احمد ورد
احمد..ههههههههههههه
ريم..اضحك حرام احمد
احمد..هذي فكرة راكان وبندر
راكان ويضحك..هذا اول شئ انتظروا المزيد
ريم..قوله بدل مايكون مذيع يكون معد لبرنامج الكميرا الخفيه
وقال احمد لراكان الي ضحك من الخاطر
ريم..قبل مااسكر بقول لك شئ اسمع نوره وديما ودانا وساره ومها يخططون عليكم
احمد..والباقي
ريم..الباقي استسخفوا الحركه منكم
احمد تضايق..صدق
ريم بتقهره..بصراحه هند تقول هذي حركات بزران
احمد..اوكي خلاص انا بقفل
ريم..هههههههههه خذيت حقي اكذب عليك اولنا هند تخطط عليكم
احمد..طيب ياريموه تشوفين
ريم..وحده بوحده
احمد..مقبوله منك
ريم..فمان الله
احمد الله معك
قفل منها والتفتت عالشباب ..استعدوا فيه مقلب يخطط ضدكم
راكان..وش بيسون بيرمون علينا شبشب
بندر..هههههههههه حلوه لا يمكن علبة مناديل اذا ارانب خافوا منها وش بيسوون
محمد ..لاتحقرهم
سامي ..لاتخوفنا منهم
احمد..توقعوا أي شئ بس البنات ناعمات ان شاء الله ماتشوف شئ كايد
عبدالله ..الله يستر



على طريق الدمام كان فارس وفهد يسولفون

فهد..وبعدين وش بتسوي بالشيك
فارس..بصرفه واعطيه لبنته
فهد..بتأخذ الخمسين
فارس معقد حواجبه..مجنون اخذ خمسين الف منه وش ابي فيها
فهد..ماانت مزعجه تبي فلوسه
فارس..كنت احاول اشفي غليلي منه
فهد..وبنت عمك
فارس..عادي مابيتغير شئ
فهد..يعني مااحد بيعرف بالزواج
فارس..لا خليها عند ابوها
فهد..طيب عمليته متى
فارس..بنهاية الاسبوع
فهد..الله يشفيه
فهد التفت لفارس ولاسمعه قال امين ..قل امين
فارس يبتسم..قلتها بنفسي
فهد..اشك
فارس..ليه يااخوي مافي قلبي رحمه الله يشفيه ويخليه لبنته ويفكني منها
فهد..هههههههههه ماني متخيل انك تزوجت
فارس وعصب..قفل الموضوع
فهد..ابشر يالمعرس
طنشه فارس ولارد عليه
فهد ..فارس ماشفت بنت عمك
فارس بلا اهتمام..لا
فهد..يمكن تعجبك
فارس ..انا ماراح اتزوج
فهد وانقهر..يعني ماتبي عيال
فارس..لا
فهد..استغفر ربك يااخي المال والبنون زينة الحياة الدنيا وانت عندك المال وناقص البنين
فارس....علم نفسك
فهد..انا مارفضت المبدأ اجل الخطوه
فارس..خلاص فهد انا مسافر اريح فكني الله يخليك
فهد..احسن
فارس..هههههههه غصب
فهد..اقول مو لو اني رايح للزرعه مع راكان وبندر احسن
فارس ..انزل وشف لك أي سياره ترجعك
فهد..المشكله اني متعود على اشكال كثيره بس مثلك يااخي ماشفت
فارس..طبعا مابتشوف
فهد..ثقتك احيانا تكون غرور
فارس وبيستفز فهد..اذا الغرور على سنع يحق لي
فهد وفهم عليه..اجل انا يحق لي مليون مره اذا انت يحق لك
فارس..ههههههههههههههه قويه يافهود
فهد..يالله بس وقف خلنا نصلي
فارس..اوكي




زواج عالورق ..وغموض من احمد تجاه هند..ومقلب يجهز ..وعمليه ترتقبها غاليه ..