ممكن ألقى حل؟

[الأمــــــــــل]

ياأخواتي الله يحفظكم ممكن ألقى حل لمشكلتي ؟
جدتي لأمي مازالت عايشه وعمرها تقريبا حدود ال 100 سنه وساكنه مع خالي وزوجته وعياله تعودت أمي إنها تزورها وأغلب الأحيان أروح معها مع إنها أحيانا ما تعرفني لكن طلب الأجر من الله ومنذ تقريبا 8أشهر أحس إني إذا دخلت بيت خالي تجيني ضيقه شديده عمرها في حياتي ماجاتني لدرجة إني أحس إني ماأقدر أتنفس زي المخنوقه وقلت في البدايه يمكن إني أتخيل وجيت عندهم مره ثانيه وحسيت بنفس الشعور وأشد لدرجة إن العبره أحس إنها بتقطع حلقي وبعدين كتمت الأمر وكل ماتقول أمي وأبوي يالله إمشي معنا أتعذر بأي شيء ودائما يقولون تجلسين في البيت الحالك أقول عادي وأفضل أي أجلس ولاأروح حتى إنها أنتهت كل الأعذار فأصروا إنهم يعرفون السبب وبعدين قلت لهم وصاروا معاد يكلموني في زيارتهم يعني إعذروني وصرت أختصر زيارة جدتي يعني صارت مره كل 3أشهر وأحس إني بأموت وماأنسى ليلة عيد الفطر وذيك الحاله اللي جاتني لدرجة إني قلت لأخوي طلعني برى لف لف لو في الشوارع حتى يرجع نفسي وقلت لأخوي الأكبر عن اللي يصيرلي في بيتهم فرد علي إنه حتى هو يحس بنفس الشيء ذا وأكثر وحتى أخوي صار إذازار جدتي وهوحتى واقف مايجلس يسلم ويمشي ويتعذربأي شغل وأنا في حيره من أمري ودي أزور جدتي قبل فوات الاوان لكن ما قدرت مع العلم إنهم ناس عادين يعني مايتوقع منهم شر وأنابعد أحافظ على الأذكار والأورادالشرعيه ......دلوني جوزيتم الجنه

[أم أصيل]

يمكن ماتحبين تشوفين جدتك في حالتها هذي.. خصوصا إذا كنتي تحبينها وتحبك من قبل...

[[الفجر البعيد]]

حبيبتي عادي يمكن البيت اللي فيه يعكس حياة الناس اللي فيها اذا كانو سعداء يسير البيت مشرح واذا كانو تعيسين يسير البيت مكتئب

انا عندي نفس المشكله لما اروح بيت عمتي اتضايق وما اصدق متى اطلع من عندهم