بسم الله الرحمن الرحيم
اصدقائي الغاليييييييييييييييين
السلام عليكم و رحمة الله و بركاته
على اللعلعي على اللعلعي ....
ويا صبايا تجمعي ....
ويا ليل طول طول ...
ويا شمس لا تطلعي ...
وليليليييييييش ....
أوهاااااااا
وطبخنا فتوش
أوهاااااااا
وعملنا الخيار ئروش ئروش
أوهاااااااا
ويلي ما بيصلي على النبي
أوهااااااا
يصير متل ياسين بئوش
وليليليليشششششششش
اهلا و سهلا نورتوني و مليون اهلا بضيوفي
صدر البيت الكم و العتبة الي يا رمش عيوني
اي مليون هلا و غلا فيكم ببيتي المتواضع كتير
و بتمنى انو تعجبكم هل السهرة الحلوة
و يلي رح يكون فيها دق و غنى و رقص و حكى
و ضحكة و فائدة و كل شي حلو و بتحبوه
من هلء كل وحدة تعتبر البيت بيتها و كل شي
بدها ياه تعملو ما بدها خجل او حرج
و يالله يا صبايا تفضلو و مليون هلا فيكم
البيت متل مو شايفين بيت عربي قديم
فيه كل العراقة و الاصالة الشرقية
من حيطانو بتطلع صور الشهداء
و من عريشتو بتشمو ريحة الشام و حنيتها
بيطل هل البيت على حارا ايام زمان
ايام النسوان بالملايات السوداء و الملفلفة
و ايام شوارب جدي و جدك و الحلف عليهم
يعني البيت متل مو شايفين كلو على بعضو
رح يذكركم بايام زمان
ايام شامية
مواقع النشر