السلام عليكم ورحمة الله وبركاته
مساء الفل والورد والياسمين
على أحلى بنات ....إزيكم يا عسولات المنتدى يا رب تكونوا بخير
أنا مش هطول عليكم وهدخل في الموضوع على طول...أنا عملت كيكة بقدرة قادر انبارح والصراحة طلعت تحفة بجد ألف ألف شكر للأخت bidoshiko
اللي أنا اتعلمت منها الطريقة ده بس أنا شلت من مقادير الكيكة بتاعتها ربع كوب دقيق وحطيت ربع كوب كاكاو وهنشوف ده في الطريقة دلوقتي
أولا هحطلكم صورتها علشان تتشجعوا وتعملوها
صورة للتجوييييييييييييع
ندخل بأة في المقادير والطريقة خطوة خطوة
مقادير الكراميل
ثلثين كوب سكر
مقادير الكريمة
2بيضة
كوب لبن
نصف كوب سكر
كيس فانيليا
مقادير الكيكة
2بيضة
ثلاث اربع كوب زيت ذرة او عباد الشمس
ثلاث اربع كوب لبن
نصف كوب سكر
كوب دقيق
ربع كوب كاكاو
2ملعقة كبيرة بيكنج بودر
طريقة التحضير:-
اولا الكراميل
نحط تلتين كوب سكر في حلة على النار ونسيبهم لحد ما يبأة لونهم كده ...وخدوا بالكم أحسن يتحرق
ونصبهم في صينية متوسطة ونحرك الصينية لحد ما الكراميل يملاها كلها...بس خدوا بالكم لازم تمسكوا الصينية بحاجة علشان ما تلسعكوش ...ونسيب السكر على جنب لحد ما يبرد خالص
ونبدأ نعمل في الكريمة
ثانيا الكريمة
نخلط 2بيضة مع كوب اللبن في الخلاط (بتاع الطماطم)
ثم نضيف السكر والفانيليا ويتم خلطهم فى الخلاط جيدا ويضاف على الكراميل السابق تحضيره
ثالثا الكيكة
نضع 2 بيضة مع ثلاث اربع كوب الزيت (يعني كوب إلا ربع) مع ثلاث اربع كوب اللبن ونصف كوب سكر فى الخلاط(برضه خلاط الطماطم)
ويوضع هذا الخليط فى طبق عميق ونقوم بنخل كوب دقيق وربع كوب كاكاو و2 ملعقة كبيرة بيكنج بودر على هذا الخليط
هنا حطيت الخليط في طبق عميق
وهنا أضفت عليه الدقيق والكاكاو والبيكنج بودر..أوعوا تنسوا البيكنج بودر
ويقلب بخفة بمعلقة بلاستيك أو خشب ...(قلبوه من تحت لفوق على شكل حرف 8)
ونصبه في الصينية اللي فيها الكراميل والكريمة وما تخافوش هما هيتفصلوا لوحدهم..أمال هما سموها قدرة قادر ليه؟؟؟؟؟؟؟
نحط الصينية ده اللي فيها الكراميل والكريمة والكيكة في صينية تانية أكبر منها فيها ماء مغلي بارتفاع 2 سنتيمتر تقريبا...
توضع فى درجة حرارة 190درجة وبتاخد ساعة
وده شكلها بعد ما طلعت
وبعد ما تخرج من الفرن نتركها ربع ساعه تهدأ ثم نضع على الصينيه طبق التقديم ونقلبها
يا رب تكون الكيكة عجبتكم
مررره روووعه الله يديكي العافيه
مواقع النشر