اقوى خلطة لتطويل الشعر...صح تلوع الجبد لكن توصل الشعر للركبه
الوصفة هاي مضمونة و مجربة شخصيا و جدا بيتية.... و انا لي ولله الحمد براءة اختراعها ..مجربتنها بنفسي و فعلا تفيد وايد
.والحمد نتايجه مضمونه
بس المشكلة انها تلوع الجبد عدل ما عدل............ لان ريحتها فايحه
الوصفه الغوالي انج تاخذين كل الاشياء التاليه بنسب متساوية ..
عسل+خل+زيت زيتون+زيت الخروع +زيت جوز الهند او النارجيل+زيت سمج او كبد الحوت +صفار بيض +ماء او عصير البصل +جلسرين
تخلطينها ويا بعض زين وتحطينها على الشعر لين الجذور عدل ..وتسوين مساج كمن دقيقه ..
وتخلينها على الشعر تقريبا من نص لين ساعه كامله
وعدها تغسلين الشعر بالشامبو عادي ..
تستخدمونها من ثلاث لاربع مرات في الاسبوع والحامل لا تستخدمه لخطر زيادة لوعة الجبد عندها خخخخخخخخخ
الحين تفاصيل المواد
الخل عادي الابيض الي ينباع في الدكان عدال البيت
العسل هم عادي ..
زيت السمج او كبد الحوت تحصاينه في الصيدليات او اعند العطارين ..في منه لونه اصفر او شوي محمر او احمر بالمرة ..في الحين بنكهة البرتقال بعد >>>تطور ..
ع فكرة هاي اصلا خلتين بس انا دمجتهم ويا بعض لان شفت نتايجهم جي اقوى واااااااااااايد
و بالتوفيق حق الي تبا تجربه..... الله يعطيج الصبر الطويل عليه....قصدي على ريحتها ..
و اتمنى انها تنفع الكل ...
و اتمنى في نفس الوقت انكم تشاركونا في النتايج .... علشان الخوات الباقيات يتشجعون
لو تبين النتيجة السريعة جدا فعدلي نظام الاكل مالج شوي.... يعني زودي الخضار شوي و الفواكه خاصة على الريج والحليب .........
مع التحيه
ملاحظة ::اذا تبون تعرفون راي غيركم فيها حطو بس نص اسم الوصفة ( وصفة تلوع الجبد ) في القوقل وبتعرفون بنفسكم شكثر هي ممتازة!!!!
مواقع النشر