صديقة زوجي
بسم الله الرحمن الرحيم
السلام عليكم و رحمة الله و بركاتة
اليوم بحكي لكم عن شي حصل معاي و قولو لي رايكم (( بس لا ترفعون ضغطي ))
أنا فيني عادة مب حلوة ،، أحب أفتش ورا زوجي و طبعاً زوجي يدري عني و حنا أثنينا
نعرف الباسوورد (( كلمة المرور)) حق ايميلات بعض و نقدر نفتحهم في أي وقت
المهم أني شفت نك نيم حق بنت في ايميل زوجي و سألته عنها و قال لي انها أخت
صديقه ،، و يعرفهم من ايام المدرسة و كان يروح بيت صديقه و من هالقبيل
و قال لي انه يعتبرها مثل أخته لا اكثر و لا أقل
قلت أن الموضوع عادي و ما فيه اي مشكلة ،، بس مع الايام
لاحظت بعض الايميلات اللي ازعجتني ،، ايميلات خواطر و للا شعر
فيها رومنسية و كلمات غرام و ما أدري ايش
كنت أطنش و أقول عادي مجرد خواطر و يمكن حتى مب هي اللي كاتبتها ،، بس ترسلها عادي
و ما فيها كلام شخصي و أهم شي ان زوجي ما يرد عليهم و هو اساسا ما يعرف يكتب كلام كذه
و كل ايميلاته لها تكون عادية جداً و ما فيها شي
بس امس لما فتحت الايميل لقيت ايميل كله حب و قلوب و شعر
أتوقع بمناسبة عيد الحب يعني ،، و مع انها ما ذكرت اسم زوجي
بس انا تضايقت من هالايميل و قلت هاذي البنت رايحة ملح
لازم افهمها ان الرجال متزوج و عشام تحترم نفسها
قمت أضفت ايميلها على ايميلي و ارسلت لها
(( لو سمحتي لا ترسلين ايميلات فيها حب لزوجي ،، هذا تصرف غير لائق ))
الا ترد علي تقول لي : عفوا من انتي
قلت لها : انا زوجة فلان
و ترد : ما عرفتك ،، نعم يالغالية آمري
قلت لها : حبيبتي أنا أدري عن علاقتكم مع زوجي و أحترم هذا الشي
بس حبيت الفت نظرك أنو بعض الايميلات كلماتها غير لائقة بالصداقة
الا تقول لي : أنا ايميلاتي بريئة و ما عمري نويت شي و اذا ايميلاتي
تسبب مشاكل بينكم أنا آسفة (( و من هالقبيل
أنا عاد ما عطيتها فرصة و قلت لها : ابداً
ما فيه مشاكل و لا شي ......... عادي عادي
أنا و زوجي صريحين مع بعض و ما فيه بيننا اسرار
المهم خلاصة الكلام اني كان ودي أوصل لها رسالة و اتوقع انها وصلت
صحيح أنا ما أدري عن اللي بقلبها ،، بس مدامها بنت يعني لازم احطها
قدام الامر الواقع عشان لا تسرح بخيالها و تتعلق في زوجي
(( الله أعلم يمكن تكون تحلم فيه كل ليلة بعد)) تعرفون عاد حركات البنات و مشاعرهم
و مع أني سويت اللي في بالي بس احس اني ما كان لازم أسوي كذه
وش رايكم أنتو ؟؟؟؟؟؟؟؟؟؟؟؟
رد مع اقتباس
مواقع النشر