مقليه حجازيه بسلطة الحمر ( التمر هندى ) * بالصور *

[*حبيبة ابوها*]

السلام عليكم ورحمة الله وبركاته
كيفكم جميعا
وكل عام وانتم بخير


سويت امس المقليه المشهوره عندنا في الحجاز ولا نستغنى عنها وجودها في السفره مهمه
وهي مثل اللقيمات المعروفه عندكم ولكن بدون شيره او عسل

وطريقتي في العجينه :
كاستين دقيق كويتي
ربع الكاسه نشا
3 ملاعق حليب بودره
ملعقه ونص خميره
قليل من الملح
مويه للعجن...
ولازم تكون العجينه وسط
وهذه صورة العجينه قبل التخمير



شوفو كيف لما تمسكيها



وهنا بعد التخمير



وهذا بعد ماقليتها




وطريقة السلطه
تأخذي حمر ( التمر هندى ) وكراث




تحطي الحمر ( التمر هندى ) في مويه حتى يذوب



الحمر ( التمر هندى ) جااهز



وتطحني الكراث



وبعدها حطيه في الثلاجه



وعند التقديم
حطي الحمر ( التمر هندى ) في زبديه صغيره حقت التقديم



وحطي عليه ملعقه او ملعقتين كراث وفلفل اسود وشوية كمون وملح
انا مااحط الملح لأني اثقل الحمر



وهذا عند التقديم



والأن ابدئي في التغميس
واااااااااااو لذيذ




هاااااااااا ايش رايكم

جربوها واعطوني رأيكم

انتظركم
اختكم *حبيبة ابوها*

[اسفيره]

تسلم يدك

[*حبيبة ابوها*]

الله يسلمك ياعمري من كل شر

[إسوارة ناعمة]

احسن احسن ياحقنا طبعا هذا الطبق شبة يومي عند العائلة ومدري ايش اقلك يوم اشوفة انقض علية صراحة

طعمة يهبل مع سلطة الحمر ولا اروع ...

مشكورة حبيبتي وسلمتي اناملك المبدعة الله يعطيكي العافية يارب