مابعرف شو اعمل سامحها ولا لاء؟

[الياسمينة الدمشقية]

السلام عليكم ورحمة الله وبركاته

كيفكن حبيباتي
بدي استشيركن بموضوع والله كتير تعبانة نفسيتي منو
من كم يوم سلفتي عصبت من بنتي يلي عمرها 4 سنين لأنها ضربت ابنها بالشحاطو واجت على توم وسال دمو على درج البيناية
وراحت سلفتي مسكت بنتي ومسكت شحاطة كعب عالي ونزلت فيها على تمها ضرب
أنا كنت بالمطبخ وبناتي بغرفة قدام باب البيت فيها ألعاب كانو هنن وألاد عمهن التاني
مابسمع غير صوت صريخ ولادي وبكا ومبين خااااايفين كتير رحت فتحت الباب لاقيتهن عم يبكو ويركضو فوتهن عالبيت وبعدين رجعت فتحت الباب وسألت بيت سلفي شبهن البنات ردت سلفتي التانية أنا ضربتهن قلتلها شكرا كتير الله ياخدني أنا وولادي لترتاحو
وفوتت ابني وسكرت الباب
انتبهت انو بنتي في دم على وجهها رحت غسللها وجهها ولا بلاقي شفتها منتفخة ولونها أزرق وأنفها كتير منتفخ والله صاير لون كحلي وخدودها أحمر وأزرق وخطوط الشحاطة مبينة على وجه بنتي
بصراحة فار دمي ولبست ونزلت ما لحقتها لاقيت حماتي وسلفتي التانية
وقلتلها شوفي شو عملت ببنتي هيك بتضربها قالت حماتي اي بنتك ضربت ابنها ونزلتلو الدم قلتلها والله لاشتكي عليها وحماتي عصبت وصارت تصرخ علي وأنا عصبت أكتر ولاقيت سلفي زوج سلفتي التانية قلتلو تعى شوف بالله مامعي حق اشتكي وصرخت كتير أنا وحماتي رحت لعند سلفتي يلي ضربتها قلتلها هيك بتعملي ببنتي قالت اي هي ضربت ابني والله دمو لوت كل الدرج قلتلها هاتي لشوف ما في شي مو متل بنتي هيك عاملة فيها لك أنا اعتبرتك اختي وبقلك ولادي متل ولادك ولو ضربتيهن ما بزعل بس مو هيك تكسريلها أنفها وهي تقول متل ما عملت بابني
قلتلها أنا رح اشتكي عليكي قالت روحي اشتكي مو فارقة
وجنيت منها ورحت اتصلت بأبي وزوجي واجا زوجي أخدها عالمشفى قالولو الحمدلله مامكسور أنفها وبعدين قال بابا لاتشتكي وسألت خالتي خالتي قالتلي لاتشتكي مو هيك أخلاق الرسول وزوجي عصب وقال مأحلاني واشتكي على مرت أخي
سكتت وقلت لحالي عديها على خير والله شمتت فيني حماتي وسلفتي التانية قالولي هي يلي بتحكي معها وانتي وياها صحبة لانهن موحابين صحبتنا وأنا تدايقت منهن لأنو هاد الكلام مو وقتو وقلتلهن اذا اتصلتلي وراضتني رح حاكيها عادي
اتصلت تاني يوم الصبح ورديت وحاكيتها ورجعت قلتلها ليش هيك عملتي وصارت تبررلي مدري شو وقالت أنا ماضربتها أنا ضربت الشحاطة من بعيد واجت على وجهها وصدقتها ولما رحت اليوم لعند أهلي وشافت بنتي مرت عمي قالتلي مو ضربة وحدة هي أكتر من ضربة وأهلي كلهن هيك قالولي سألت البنات قالولي كيف ضربتها وماما حلفت اذا بحاكيها ما بتسامحني وكلهن قالولي لا احكي معها وأخي قال هي كرامتك المفروض تاخدي منها موقف
واختي قالت حاكيتيها مرة خلص ابقي عم تحكي معها بس لاتسمحي للولاد يلعبوا مع ولادها
وزوجي قال انتي حرة بس أنا مارح احكي معها ولا سامحها
شو رأيكن أعمل؟؟

[هدب عمري]

والله ياقلبي الا الضررررررب المفروض هي تجي تتكلم معك مو تمد يدها وتضربها عموما المفروض تاخذي شويت موقف عشان ماعاد تكررها يعني مو تقطعين بس خلالاص خلي العلاقه رسميه لان وااضح ان عقلها صغيرررررررررر الله يهديهم الاطفال يخربوها ومابطيحوو الا الكبار . بتوفيق حبيبتي

[أم هتين]

بالصراحه ليش تضربها حرام بنت صغيره.. بعدين وش دخلها خلي الاولاد يلعبون ويضربون بعضهم عادي بينهم هي وش دخلها بينهم كبيره عيب عليها والله كان ماسوت لها شي قالت لك وأنتي تتصرفين مع بنتك ... لكن تضربها هي قويه ... حسبي الله عليها

[ام غ ح]

اسمعي حبيبتي خليك اكبر منها بتصرفك مايجوز القطيعه والزعل صحيح تصرفها سخيف لانها نزلت لمستوى الاطفال عاد انتي خليك رسميه معاها وحاولي تنتبهي ع عيالك وتحثيهم على التواصل وما تحرميهم من عمهم وعياله بسببها وحاولي تكوني متسامحه والله حيكون معاك ويجزاك كل خير