حلى التحرير مشاركتي الثانيه في اهلا رمضان وحلويات رمضان
السلام عليكم ورحمة الله وبركاته
حلانا اليوم حلى غير وان شاء الله يعجبكم
هو مزيج يشبه الكريم كراميل في قوامه ويشبه الحليب مع قشطه في طعمه
هذا الحلة ماخذتنه من كتاب المطاحن الكويتيه
المقادير والطريقه
1 كوب بسكويت الدجستف مطحون >>نخاله ومكن استبداله ببسكوت الشاي
2 علبة قشطة وزن القشطه 170 جم
2 كوب حليب سائل >>> كاس و3\4 ماء +6 ملاعق حليب بودره
اكوب سكر مطحون
1 علبة جبن فليدلفيا 200 جم >>> استبداله ب8 جبن كيري بحرارة الغرفه
1 ملعقة جلاتين
صلصة شوكلاته هرشي مع توفي للتغطيه
الطريقه
نخلط القشطه والحليب ونخلي من الحليب ربع كاس ونسخنه ونذوب الجلاتين فيه ونضيفه عليهم
مع الجبن
وبعد خلطهم بالخلاط الكهربائي
نضيف البسكويت المطحون
ونخلط الى يمتزجون عدل مدل
تدهن صينية بايركس او الي تحطيه فيها الكريم كراميل بالزيت ونصب الخليط
ونخليه يوم كامل في الثلاجه
قبل التقديم نجيب سكير ونحدد الحواف
ونجيب قدر فيه ماء ساخن ونعرض الصينيه للبخار مده ثواني ثم تقلب على طبق التقديم وتسقى بالهرشي والتوفي
وهون حطيتها بزبديات وزينتها بجالكسي فوتات
انشاء الله يعجبكم حلى اليوم
دعواتكم يالغالين
رد مع اقتباس
مواقع النشر