اول حاجة بحب احضرها هى الثوميه واحطها فى الثلاجة عشان تتمازج نكهاتها كويس
هنحتاج
1 كوب زبادى
كوب الا ربع مايونيز
1 معلقة كبيرة عصير ليمون
1 معلقة كبيرة توم مفروم ناعم
3 معالق كبار لبن رايب
هنا حطينا الزبادى
بعد كده حطينا التوم والمايونيز وعصير الليمون واخلطيهم كويس
ضبطى الملح بتاعها
انا بحب احط لبن رايب عشان اخفف سمكها شوية مش بحبها صوص تقيل ولا خفيف اوى وفيكي تتحكمى فى سمكها زى مانتى عايزة
وكده خلصنا عمل التومية هتحطيها فى علبة مقفولة وفى التلاجة لحين الاستخدام
تانى حاجة العيش المحمر
انا هنا قطعت 5 خبز لبنانى مربعات صغيرة
قليته فى الزيت وخدى بالك بيتحمر بسرعه جدددددددددددا
تالت حاجة تحضير الشاورما
مقاديير تتبيلة الشاورما
1/2 كيلو لحم مقطع شرائح
1 معلقة كبيرة زبادى
باكيت توابل شاورما
1/4 معلقة صغيرة قرفة
3 معالق كبار زيت ذرة
اخلطيهم كلهم مع بعض وانقعيهم شوية فى التتبلة دى
دى شكل توابل الشاورما اللى انا استعملتها العلبه فيها 2 باكيت
حطى طاسة تيفال على النار وسيبيها تسخن اوى
بعد كده حطى الشاورما على نار عالية وسيبيها
هتلاحظى انها بدئت تنزل ميتها كده
''
هتسيبيها على النار مع التقليب كل شوية لحد ماتشرب تتبيلتها وتنشف ميتها
هترجعى تحطى ربع كوب ماء تانى وتسيبيها تستوى على نار هادية عشان تضمنى ان اللخمة تستوى كويس وبرضه لحد ماتنشف ميتها خالص
وكده استوت اللحمة وجاهزة لاضافة الطماطم والبقدونس
بس انا مش هضيفهم دلوقتى
هضيفهم عند التقديم عشان الطماطم متتهريش
تـــــابع
مواقع النشر