السلام عليكم ورحمة الله وبركاته
سويت غدانا محشي كوسه انما ايه
مع رز ابيض بشاور
طريقة المحشي اول شي غسلة الكوسه وقورتها
بعدين سويت حشوة لحم مفروم كشنت بصل وحطيت اللحمة
وبهارات وفلفل اسود وملح بعدين فرمت بقدونس وكزبره وشبت
اهم شي الشبت للمحشي يصير طعمه جنان
وغسلت رز مصري تقريبا ربع كاس وحطيته ع الحشوة
وحشيت الكوسة وحطيتها في قاع قدر الضغط اسرع
وعصرت طماطم وصبيته ع الكوسة وشوي صلصة وماجي
وصبيت موية مغلية عليه بس ما تكثرين يادوب يغطي الكوسة
وسكرت القدر وتخلينه تقريبا ثلث ساعة طبعا هذا في قدر الضغط اما القدر العادي
طبعا يحتاج وقت اطول
وهذا شكل المحشي
وهذا الرز طبعا بالنسبه للرز سويت رز المهيدب
كلاسيك لا يفوتكم بنات صراحة يجنن اللي كيسته بلاستك ازرق لو تطبخينة
بمويه وملح لذيذ
طبعا انا حطيت زيت مع مويه مغليه وبهارات عدله وملح وحطيت الرز
يرتفع الموية عن الرز تقريبا اصبع وبالعافيه
رايكم يهمني
رد مع اقتباس
مواقع النشر