مرررررررررررررحبا
أخيرا عملت أزكى مقلوبة فول لعيونكم صبايا فعلا يم يم يميييييييييييي
وبتتذكرو طريقة تفريز الفول الأخضر ، هادي أول استفادة منه وهادا هو رابط الموضوع
http://forum.hawahome.com/t359736.html
وهادي خطواتها بالتفصيل ( جدا سهلة ، سريعة ، طعمها واو ) :
أول إشي بتسلقي اللحمة وانتي حره إما لحمة بعظم خروف أو عجل قطع بدون عظم وحطيت معها 3 أسنان ثوم ورشة فلفل أسود ( فقط ) عشان بالمقلوبه ما بصير تكتري بهار عشان تبان نكهة الخضار فيها :
أثناء ذلك نقعت رز الصنوايت بالماء ، استخدمت 3 أكواب كبار رز .
وحضرت الفول الأخضر وكان فرش ، بس إذا مفرزن عادي طلعيه وخليه يذوب بالمصفايه :
ولما اللحمة تستوي بنحط الفول فوقها وبنخليه لحد ما يغلي منيح :
بتسكري الطنجرة وخليه ربع ساعه على نار واطية :
بعدين بتشيلي اللحمه والفول بصحن وخلي المرقة بالطنجرة ، الآن بتجيبي طنجرة ثانية وحطي فيها شوية زيت بعدين طبقة من الرز المنقوع بعد ما تغسليه وطبقه من اللحمة والفول مثل ما هو واضح بالصورة :
وكملي طبقة رز وطبقة فول ولحمة لما تخلص معك الكمية أنا عملت ثلاث طبقات :
بعدين حطي المرقة على النار خليها تسخن وحطي فيها مكعبين ماجي رنص ملعقة صغيرة كركم وملعقة صغيرة بهارات مشكله و اظبطي الملح خليه شويه ظاهر عشان الرز رح يتشرب الملح وخليها تغلي:
بعدين صبيها فوق الرز وحطي طنجرة الرز على النار وخليها لما تغلي مزبوط لاحظي إنه شوية من الفول رح يرتفع فوق مع اني كنت عامله آخر طبقة رز ههههههه بس عادي ولازم ترتفع المرقة عن الرز اصبع :
بعدين سكري عليها وخليها على عين صغيرة ونار هاااااااااااااااااااادية قد ما تقدري وخليها تستوي ثلث ساعة أو ربع ساعة :
بعدين طفي عليها النار وخليها عشر دقايق بعدين اقلبيها في صحن التقديم ( ومن هون إجا إسمها المقلوبه لأنا بنقلبها رأسا على عقب )
وبتكوني قاليه لوز وإلي بحب صنوبر بس أنا بفضل اللوز يميييييييييي
والنتيجة
.
.
.
.
.
.
.
.
.
.
.
.
.
.
أزكى وأشهى مقلوبة فول لعيونكم
لاحظو ملعقة زوجي وهو مبلش الهجووووووووووووووووووووووووم
وهادي للتعذيب ههههههههههههه
جربوها زي ما كتبت بالزبط والله رح تنهبلوا عليها لأنها فعلا فعلا رهيييييييييييييبه ( يسعدلي الواثق ) هههههههههه
دعواتكم صبايا
مواقع النشر