الحقوااا حااالكم !!
خواتي نصيحة لوجه الله تعالى :
تذكروا الاعمال اللي ما عملتوها في رمضان والحقوا اعملوها اليوم باي طريقة هادي فرصة لو راحت الله اعلم ترجع مرة تانية ولالأ؟
هيا كم ساعة ويخلص رمضان وما برجع الا بعد سنة الله اعلم نلحقوا ولا لأ؟
وابشروا لانو الاعمال بالخواتيم.
يعني ركزوا انو اليوم يكون احلى ختام لشهر رمضان في الصلاة والذكر وتلاوة القرآن وبر الوالدين وصلة الارحام والصدقة وتفطير الصائمين واطعام المساكين وغيرها من الاعمال الصالحة..
هلأ امسكوا الجوال واكتبوا رسالة قصيرة حلوة وابعتوها لقرايبكم(هي صلة رحم عملناها)
هلأ اشتروا مصحف او خدوا من البيت وحطوه في الجامع او نزلوا مصحف مسموع عالنت او ابعتوه لحد عالموبايل او نزلوه عالكمبيوتر(هيك ورثنا مصحف)
الان ابعتوا اكل او فلوس لحد محتاج(تصدقنا واطعمنا واحسنا وفرحنا فقير)
اليوم ضروري تفطروا ولو صايم(تفطير صائم)
اكتبوا مسج دعوية (حديث) وابعتوه لاي شخص(دعوة الى الله)
المهم اتزكروا اي عمل خير بتقدروا تعملوه واختموا الشهر قبل ما يخلص بلاش نندم بعدين ونتحسر ونقول يا ريتنا عملنا ونلاقي الناس سبقونا..
تقبل الله منا ومنكم.
ربي يسعدكم..كل عام وانتو بخير
رد مع اقتباس
مواقع النشر