اللي عندها خبره تعلمني

[ــابتسامةــ]

السلام عليكم و رحمة الله و بركاته
يا طباخات منتدانا احتاج مساعدة
انا علي اقهوي حمولتي يوم الاربعاء
و ابيكم تنصوحوني بنوعين او ثلاثة حلا
و شي اقدمة مع الشاهي
و ياليت اذا تعرفون اشياء سهلة و اقدر اسويها قبل
بفترة لاني حامل و ثقيلة
و لازم اكون مجهزة كل شي قبل العصر عشان البس عيالي
و اروشهم و البس انا و لا احب اطلع الا و مطبخي نظيف
الله يعافيكم اللي تقدر تساعدني لا تقصر

[ــابتسامةــ]

ههههههههههههههههههه
خلوا عنكم البخل
طيب خلاص عطوني بس انواع للحلا
يكفيني

[عصير توت]

الله ييسر لك

شوفي حبيبتي
بالنسبة للحلا
عندك كيكة النيسكافيه تلح تسوينها قبل بيوم ومرة سهلة ولذيذة أنا ناوية أنزلها لكن لعيونك بقول لك عليها قبل

المقادير :
4 بيضات + شوي فانيلا
1 كاس سكر
نص كاس زيت
1 كاس حليب سائل
2 كاس طحين
2 ملعقة نيسكافيه (مليانة)
2 ملعقة بيكينج باودر (مش مليانة مرة)

تخلطينهم وتصبينهم في صينية مدهونة وتكون كبيرة شوي وتدخلينها الفرن نص ساعة على درجة 350ْ

بعدها تسوين التوفي وهو سهل
كاس سكر تذوبينه في قدر ولما يذوب كله تصبين عليه بيالة ماء بارد جدا ثم تحركين ثم علبة قشطة وملعقة نيسكافيه وتحركين وتصبينها على الكيكة

هذا الحلا الأول وممكن تعملينه قبل بيوم

2_
في يوم الأربعاء
أنصحك بهذا الحلا
لذيذ وسهل
http://forum.hawahome.com/t202835.html


وهذا بعد
http://forum.hawahome.com/t54201.html

وإذا ودك تغيرين عندك قسم الحلويات ملياااااااااان طبي واختاري

وبالنسبة للشاي أنصحك تجيبين معاه معجنات صغار من برا
لأنها بتاخذ عليك وقت وجهد ويسوونها بالمخابز حلوة ومنوعة

لكن لو بغيتي شي سهل ولذيذ مع الشاي (سويته مرة عند ضيوف جاو يخطبوني خخخخخخخخخخخخخخخخخخ وانهبلوا عليه قالوا بس هذي الطباخة (وهو سهل بس شكله حلو) وآخرتها ما أخذت ولدهم هههههههههههههه
قلت لك قصة حياتي بس هو عبارة عن عجينة بف باستري
تقطعينها بالنص بعدين كل نص تقطعينه شرايط نحيفة نوعاً ما
وترشين على مجموعة منها زعتر والثانية سمسم والثالثة سماق والرابعة حبة سوداء
وتحطينها بصينية وتدخلينها الفرن تقريبا ربع ساعة
شكلها بالصينية يجنننننننننننننننننننننننن أبد تقولين جاهز

وبعدها نظفي بيتك ومطبخك وروشي عيالك وتكشخي وروحي عزيمتك وموفقة

بس لا تنسين تقرين على نفسك قبلها
وسلمي لي عاللي ببطنك

اعذريني عالإطالة لكن أرجو أن أكون قد أفدتك

[ــابتسامةــ]

مشكورة الله يجزاك الجنة
يا عصير توت