تعبت والله تعبت

[moody99]

السلام عليكم

أخواتي الغاليات

أنا متزوجة لي 3 سنوات وزوجي يحبني مررة وأنا بعد أموت فيه والظروف صارت أنه يكون عمل زوجي خارج ديرتنا

وتزوجت وجيت معه على طول وبدينا حياتنا

المشكلة انه أنا انسانة ربي عطاني جمال وعلم وثقافة وزوجي يفتخر فيني
لكن انحرمت من حاجة مهمة وهي الثقة بالنفس

بس أكون وحدي أعرف اني حلوة لكن من جد محطمة نفسيا
ما عندي ثقة في نفسي وخجوووووووووووووووووووووووووووووووووولة مررررررررررررررة

وبدأت المشكلة من ناحية العلاقات الاجتماعية
يعني ما أقدر أستقبل أصدقائه وحريمهم
الا بصعوبة بالغة
يصيبني رعب اذا عرفت انه حد بيجي يزورنا
أخاف أستقبل الناس مع اني أحب الناس ييجونا لكن أخاف
أحس الناس يناظرون وأتخيل انهم يتكلمون يقولون اني ما أعرف أطبخ أو أنظف أو ألبس مع انه هلي وزوجي يمدحوني بقوة
لكن من كثر ما كنت أسمع تعليقات من بعض الحريم تحطمت نفسيا وأدري منهم نتج عن الغيرة
لكن أنا اجتماعياتي مرة قليلة من زمان
طول مري دراسة وتخرجت من الجامعة وتزوجت وجيت عالغربة

وصراحة زوجي صار يتعرض لاحراجات مع أصدقائه وصار يزعل مني

وأنا مو قادرة أتخيل بيوم من الأيام انه زوجي يقول لي انه فلان وزوجته بيجون وأقول أهلا وسهلا والله من جد يصيبني رعب وأقوم أصارخ وأحوس رايحة جاية وزوجي يكرهني ذيك اللحظة

وما أحب اروح الناس كثير لكن أروح أحسها أهون لأني بكون جالسة طول الوقت يعني ما أنحرج كثير

نفسي زوجي يرتاح من هالناحية مع العلم انه الى الحين ما عندي عيال لأن زوجي عنده مشاكل
وصرت أكره الجمعات اكثر وأكثر

وش الحل؟ ساعدوني

[الزهرة النرجسيه]

انا ودي اسالك الحين امك يمكن مو معودتك على استقبال الضيوف ؟؟؟ على شان كذا يمكن ماتقدرين تتأقلمين معهم عموما عززي ثقتك بنفسك ولا تفكرين بكلام الناس اهم شي زوجك يحبك ويقدرك وانتي الي تسوينهه الحين برضو يمكن انتي من النوع الي ماتتأقلمين بسرعه حاولي اك تتأقلمين مع الشخص الي راح تقابلينه وسهليها رح تسهل ان شالله

[عصير توت]

حبيبتي شيكي عالخاص

[قرة عيني]

الله يكون بعونك....
كنت مثلك بس أقل شوي .... والحين الحمدلله تيسرت أموري انت اجبري نفسك انك انت تعزمينهم عشان تصيرين مستعدة نفسيا والوقت أنت ترتبينه وصلحي شغلك كله قبل يوم .... حتى الطبخ ...