عــــااااااااااجــل لكل الاعضوات .. زوجي ماشفته ؟؟؟
السلام علكيم ....
اخواتي ... اكتب لكم قصتي وياليت تفيدوني او تنصحوني الله يوفقكم ويجزاكم خير لا تبخلو علي من ارئكم ....
انا فتاة تخرجت من الثانوية وجلست في البيت 5 سنوات مع (امي الله يحفظها ويخليها ) ...
وفي يوم احس ان فيه شئ بتقوله لي امي .... ومع الايام جت امي وقالت ان فيه واحد متقدم لك من يوم قالت هاشئ وانا سبحان الله حاسة وانا اصلا حالمه اني ابتزوج .... وجتي حالة مايعلم به الا ربي لا اكل ولا ادري وين اصلا... تعبت اسود وجهي لا نوم في الليل كله ..ابكي ..في صلاتي ان ربي جعله هذا اشي خير لي وستخرت ......
المشكلة ان الامر خلاص انتهى بالموافقه من ابوي قبل مادري انا لانه قريب ... .. يعني فيك فيك سوا رفضته او وافقتي ...
وذهبت وحللت .... وبعد اسبوعين .. تملكني وانا لا ادري اهي سعادة لي ام تعاسة الله يستر ....
والى يومك هذا وانا لم ارئ ما هو شكله ولم يوصفي لي ولم اسمع صوته !!!! .... من شهر عشرة الماضي الى الان
يعني تخيلو وانا عايشة في تفكير واشياء تعبتني !
حتى بعض الاحيان اكره احد يتكلم في قدامي تتعب نفسيتي .....
ما تخيلت انا ابعيش مع واحد ما عرفه ولا قد شفته ....؟؟؟؟؟.
وكيف راح ابعد عن امي وبيتنا الغالي ... وكيف ....... وكيف.........؟؟؟؟؟؟؟
.... والله اني خايفه منه واتخيله بشكله اكبر مني وانا نحيفة جدا و انه ماينسبني ... ادري ان هذا من الشيطان .. بس تفكيري وصلني للمرحلة هذاي .
وانا افكر الى وقت الزوج في الاجازة الصيفية
وش بكون ؟؟؟؟؟؟؟؟؟؟؟؟؟؟؟؟؟؟؟؟؟؟ ياربي
خلاص ابتزوج وانا احاول اني ما افكر بموضوع وانسى ......
يا بنات حواء ... انا وضعت مشكلتي وفيه اشياء ما كتبتها ... وليت تفهموني ...
انا ما اقدر اتخيل واحاول اني انسى ها شي ولا احب احد يتكلم فيه بس انا ما قدرت وكتب مشكتلي عندكم وياليت تريحوني وهل احد فيك مر مثل تجربتي ؟؟؟؟
انا عرفت عنه انه ماعنده( اهتمام بالاشياء ) ودليل انه بقي ما اضافني في كرت العائلة الخاص الى الان ..
ولا حتى هداني شي انا مابي شي بس يحسسني على الاقل انه بصير شريك الحياة .. ؟؟؟ ومشكلة انه على طوال عندنا في الاستراحة ولا فكرفي اي شيء يخص زواجنا ؟؟؟؟
بعضكم يسالني طيب تعرفين خواتها ؟؟؟
هذا الرجل من اقربنا اهله في ديره قريبه من الرياض وهو ساكن بالرياض عشان شغله ؟؟ ولا تسالوني عن شغله ما ادري وين يشتغل اصلا ؟؟؟ وعلاقتي باخوات سلام فقط ومن سنوات ما عد شفتهم لانهم اكبر مني يعني (حريم) وانا ما احب تجمع الحريم( بنات وبس )
وبس وانا في حيرة من امري وش بيصيري معه هل انا ابتوافق معه ؟؟؟ وهل احاول اني اشوفه من بعيد ؟؟؟
ابي رئكم وباليت المشرفات والاخصائيات يدلوني على الحل ؟؟؟
احس اني بديت اكرهه من قبل ما اشوفه ؟؟؟
ما اقدر اكلمه ولاا ابي اكلمه اذا طلب .... لان ماني قادره اتخيل اني ابكون مع شخص مادري وش شكله واخلاقه ؟؟؟؟
وانتي بتقولين اسالي عنه خلاص ادعوه منتهيه سوا سالت ولا لا بس انا اسلي نفسي وانسيها لان زواجنا بكون بعد 7 شهور مدة طويلة ... بس اذا احد ذكرني او جاب طاريه اتعب نفسيا ...
وش الحل الله يجزاكم الجنه ... وين المشرفات المنتدى ؟؟؟
وين احصلهم الله ياعافيكم .. دلوني على اي اخصائية .. حتى المراسلة الخاصة ما عد تشتغل ؟؟؟
ارجو افادتي بشي ؟؟؟
وانا ارجو من المشرفات في المنتدى او اي متخصصه اجتماعية تدلي برئيها الله يجزاكم خير
لاتنسوني انا بحاجة لكم لاتنسوني الله يوفقكم ... في انتظاركم .....
جوانا**
رد مع اقتباس
مواقع النشر