احلي فراخ لاحلي بنات
الطريقه دي بصراحه مش انا اللي مبتكراها اللي عملها " والدي - عزالدين الكبير " وجربتها النهارده وعجبت جوزي جدا جدا .
مش هطول عليكوا نيجي بقي للطريقه 00
- نجيب فرخه " دجاجه " وننقعها في مويه وشوية خل علشان نزيل الزفاره منها وبعدين نتبلها بملح وفلفل ورشة قرفه ونسلقها ونحط مع ماء السلق " بطاطس كامله ومقشرة وجزر مقطع وكرفس وبصل وملح وفلفل وزعتر وورق لورا وحبهان ومستكه " .
وعلي بال ما الفرخه تتسلق نجهز الرز اللي هنحشي بيه الفرخه
* وهو عباره عن رز بالكركم والقرفه : بنشوح بصله صغيرة في شوية زيت زره ونحطله المويه " علي حسب عدد اكواب الرز بيساويها مويه " ونضع الملح والفلفل ونصف ملعقة كركم " علي 2 كوب رز " ورشة قرفه ثم نضع الرز لحد مايتشرب ونهدي عليه .
- وبعد ماتتسلق نسيب الفرخه والبطاطس والجزر لحد ما يبردوا " طبعا برا الحله علشان ما يتهروش " .
- ونحضر الخلطه اللي هندهن بيها الفرخه وهي عباره عن : عصير ليمونه + ملعقه كاتشب + ملعقه مسطرده + ملعقه صلصه + ملح وفلفل + بابريكا + زعتر + كركم + زيت زيتون 00 وده شكلها .
- لما البطاطس تبرد نقطعها طرنشات ونرصها في صينيه مدهونه بقليل من الزيت ثم نضع عليها ورق فويل وبعدين رشة زيت تاني " علشان ماتتعبيش ايديكي الحلوة في تنظيف الصحون " وبعدين نرش البطاطس بالملح والفلفل وزيت الزيتون ونرش عليها شوية خضره " شبت وبقدونس وكسبره خضره " وندخلها الشوايه تاخد لون وبعدين نحشي الفرخه بالرز " بس مش كله - نسيب شويه علي جنب " وندهنها بالخلطه ونحطها علي ظهرها " .
ايه رايكم والله تتاكل قبل ما تتحمر .
- وبعد ما تتحمر من الظهر اقلبيها علي وشها علشان هو كمان يتحمر بالشكل ده .
- اوعي تنسي تلبسيها الشراب ![d](images/smilesnew/275_1194179618.gif)
- وبعدين رصي باقي الرز حواليها .
يا جمالو 00 يا عز
العــــــــــــــــــــــــذاب فرخـــــــــــــــــــــه
وبالهنا والشفا 000
بابا حبيبي تسلملي ايديك وعينيك وعافيتك 00 تعيش وتعملنا كمان وكمان
امانه عليكوا ماتنسوا الدعاء لـ بابا
ربنا يديله الصحه وطولة العمر ويجعل يومي قبل يومه وياخد من عمري ويعطيه 000
مواقع النشر