كيكة العروسة

**المروة** · 19-05-2010, 01:16 AM

السلام عليكم خواتي الحبيبات بدي مساعدة من المشرفات العزيزات من فترة فتحت على موقعي الغالي بيت حواء و حصلت صور لكيكات العروسة و الكرة و كتير من
اشكال الكيكات اللي تفرح الصغار و الحين ماني محصلتها فأرجو من اللي تعرف و ين موقعها تدلني عليه لأني بدي أفرح أولادي بحفلة نجاحهم و الله يجزيها الخير للي تساعدني
ها وينك يا شذى أكيد الرد من عندك و مشكووووورين

**خوخه25** · 19-05-2010, 01:32 AM

اتفضلى يالغلا

http://forum.hawahome.com/t210479.html

شلونكم ياخواتي الحلوين

انه اليوم يبت لكم كيكه سويتها من زمان على شكل ملعب كرة سويتها حق ولد خالتي يوم نجح في المدرسه و انه اول مرة انزل شي من مطبخي عاد ابي ردود حلوة مثلكم اوكي؟

انه سويت كيك جاهز بيتي كروكرو غطيتها بكريمة دريم ويب و لونت شويه بلون اخضر حق الزرع و خططت الملعب بشوكلاته بيضاء مذابه و سويت المرمه مادري شسمه الشي ألي جنه شبك انه اسميه الشبك انزين انه سويته بعد بشوكلاته بيضاء ذايبه و راح اشرح مع الصور عشان توضح لكم هالفكرة اكثر احسن صح و ان شاء الله تفهمون لاني ماعرف افهم عدل

معليه القص مو مرتب لاني توني مسويته عشان اوضح لكم

مثل ما جوفون في الصوره هاي الشكل ألي لازم تقصينه بورق زبده بس انه سويته بورق عادي لاني ماكان عندي ورق زبده كان مخلص :(المهم جذي تقصين الورق و تجفسين والله مادري شنو يعني (تجفسين )بالسعودي بس انه بقول تثنين او تطوين الاطراف و بعدين تخططين عليه مثل الشبك بالشوكلاته البيضاء المذابه و تدخلينه الفريزر و لازم يكون مثني او مطوي و تثبتينه باي شي عشان ياخذ شكل الورقه بس عندي ملاحظه لازم ماتكون الشوكلاته وايد حاره او ساخنه لانه لين تخططين على الورق و تطوينها ينزل و إذا خططتي و الشوكلاته وايد حاره خليه ثواني عشان يبرد و بعدين اثني و دخليه الفريزر و بعد ما تتماسك الشوكلاته شيلي الورق و زيني الكيكه فيه

]

و اهني رسمت بالقلم عشان اوضح لكم اكثر

و انه سويت حق الاطراف مثل الكرات بالشوكلاته ذوبت شوكلاته عادي و نقطت عليه بشوكلاته بيضاء و ألي فوق الازرق لونت شوكلاته بيضاء باللون الزرق و زينت الكيكه و سويت شعار فريق ماردي شمسه ريال مدريد لانه ولد خالتي يحب هالفريق و نفس الشي الاعلام بعد سويتها بالشوكلاته