مرحبا امهات
عمر بنتي شهرين واسبوع الله يحفظها
رآح انجن منها مع الرضاعة
ابي ادخل لها مع الرضاعة الطبيعية حليب صناعي لكنها رافضته وماتبي الصناعي وتظل تبكي وهي تشرب الرضاعة لأنها تشربه غصب عنها وبعدها ترجع كل اللي في بطنها
تعبت معاها .. حاولت بكل الطرق ساعات طويلة ما ارضعها من صدري بس عشان تشرب الصناعي ومافادت هالطريقة
غيرت لها الحليب .. في البداية استخدمت لها بليميل وماتقبلته وبعدها تصرفت واشتريت سيميلاك قال لي الدكتور مايصلح يسبب امساك وكتب لها حليب رونالاك احياناً تشربه عادي واحياناً لا .. حالياً مو حابه اغيره عشان لا تتلخبط امعائها ولساتها صغيرة
والله حتى من القهر ابكي معاها
مايمديني احك راسي و لا اشتغل بالبيت ولما اطلع لازم اخذها معاي حتى لو كنت رايحة المستشفى اتعالج
ولما اروح السوق اضطر ادور المجمع وهي تبكي تبي ترضع لين اوصل للمصلى عشان ارضعها
تصدقوا حتى لما احط لها موية في رضاعتها ماتبي تشرب !! لا الحليب الصناعي ولا حتى الموية
اعطوني حل او طريقة تخليها تتعود على شرب المرضعة او تقتنع بها
مواقع النشر