ياهلا والله بالحبايب اتفضلوا حياكم الله
يلا ندخل في المهم بسرعة بلا كلام فاضي
والله بصراحة أحس الحياة ملل وزهق وطفش وأحس إننا بنضحك على نفسنا لحظة لحظة بشوي علي والله أنا ماني
متنشائمة بالعكس
لكن أظن هذا الواقع والله أكون ميتة فرح إني بطلع السوق ولا بسافر ولا بزور وحدة عزيزة علي أوأو أو من الأشياء
إلي نعرفها ونحبها عشان البسطة والوناسة...
المهم طلعنا وانبسطنا وهيصنا وفليناها على الآخر صحيح أكون مررررة مبسوطة بس وبعدين نرجع للطفش إلي كنا
فيه يعني كأني ما سويت شي
نفسي بحاجة نسويها ونحس بطعمها وبحلاوتها
لما أتابع المسلسل أبقى أتابع الساعة طول الوقت يعني ماشاء الله حريصة على الوقت والله وكل ما طفشت قلت
هانت شوي وبجي المسلسل ..يا سلااام إنسجام ومتابعة للأحداث وتحليل للشخصيات ،وتوقع النتايج وما شاء الله
علي ,,وشوي تبدأشارة النهاية خساااارة
يعني إيه ؟يعني رجعنا للي نحنا فيه وكل مرة كده
برضوه لمن أكلم صديقاتي على الماسنجر فرفشة وناسة وبعدين كل وحدة ..يلا باي
أقوم أتابع النت وأعيش في عالم ثاني لما أحس بالملل وأنا أتابع أقفل النت والله بصرااحة أحس بضيق وفراغ أحيانا و
زي الضايعة أدور على شي مو موجود
عزيزاتي غالياتي حبيباتي قولوا لي بصراحة مين تحس بشي اللي أحسه ؟
يعني بالعربي بعد الضحك والوناسة إيش تحسي؟
ودحين السؤال المهم..يللا نتجهز عشان أبغى إجابة حللوة
متى تكوني سعييييدة من قلبك ؟لا لا ما أبغى السعادة اللي كلنا نقول عنها شوي وتروح
أبغى سعادة من قلبك يعني تحسي بطعمها وحلاوتها زي ما يقولوا
ياليت ياحبيباتي نتفاعل من أجل نفع أنفسنا وغيرنا
وعلى فكرة أنا كتبت أمور امكن تستغربوا منها زي متابعة الافلام وغيره ..
ترى والله كتبتها من الواقع برضوه للفائدة ولا أنا واثقة من حبيباتي وجليساتي انهم أعلى من كده بس ما يمنع
"الدين النصيحة"
يار يت اللي تدخل ترد بفائدة والله لأجل شيء واحد وهو ..احتساب أجر الأحرف والكلمات اذا نفع الله بها وادخارها
حسنات عند الله
رد مع اقتباس
ربي ارزقني في ايامي القربية القادمة فرحة تغير بها مجرى حياتي للأبد اللهم اااااااااااااااااااااااامين]
مواقع النشر