مكرونة اسباجتى بالسدق ** محرم **

[مكرونة]

بسم الله الرحمن الرحيم

المكونات وتركيبة الطبق من تأليفي انا ركبت المقادير مع بعض وانا واقفة بطبخ ممكن اضافة او الاستغناء عن اى من مكونات الطبق .

المكونات

سدق - بصل - ثوم - جزر - طماطم - صلصة طماطم - ملح - فلفل اسود - بودرة توم - بودرة بصل - هوت صوص - بهارات لحمة - بابريكا - فلفل اخضر - زيتون - مكرونة اسباجتى او اى نوع تانى - جبن موزريلا

الطريقة

1- فى طاسة نحط زيت ثم البصل ورشة ملح خفيف ونقلب لحد مايدبل شوية وبعدين نحط التوم



2- بعد كده نحط جزر مبشور



3- نحط البهارات والهوت صوص



4- نحط الفلفل الاخضر وممكن استخدام فلفل الوان



5- بعد مانقلب الخليط نحط السدق ونقلب



6- نحط الطماطم المبشورة وصلصة الطماطم ونقلب ونخليه على النار لحد ما الصوص يتقل شوية



7- نسلق المكرونة ونحطها فى طاجن او اى صينية للفرن



8- نحط على المكرونة السدق بالصلصة اللى عملناهم ونقلب كويس



9- نحط فوق الوش زيتون اى نوع عندك وده اختيارى



10- نرش جبنه موزريلا



11- ندخلها الفرن لحد ما الجبنه تسيح

ملحوظة

الافضل واحنا بنعمل الطبق ده المكرونة تكون سخنة والصوص كمان علشان لما نحط الجبنه وتدخل الفرن ماتخدش وقت علشان تفضل طريه وماتنشفش







ان شاء الله تعجبكم المكرونة وماتنسونيش فى الدعوات

[عـــذوووب الإمس]

ياحظي اول رد انا اكييييييييييييييييد هالصينيه لي

ياسلام مررررررررره تجنن

وتسلم ادياتك مومو ع الوصفه الحلووه مثلك ..

[شنس بنس]

ما شاء الله لا قوة الا بالله الله يكرمك يا قمر

[ام عبدالله وعبد]

يسلمو يا قمر بيشهي
الله يعطيكِ العافية