--------------------------------------------------------------------------------
السلام عليكم ورحمة الله وبركاته
هذي اول مشاركة لي بهالقسم وحابه اشوف تفاعلكم
يالله نبدا
المقادير
3 اكواب دقيق
ملعقة كبيرة خميرة فوريه
رشة ملح
بيالة زيت
بيالة ونصف لبن
فنجان قهوة سكر
ملعقة كبيرة نشأ
ملعقة متوسطة بالكنج بودر
ماء دافي
الطريقة
تحطين المواد الجافة ثم حطي السائله واخلطيها الين تصير معك مثل كذا
وتخلينها تخمر
وتجهزين الحشوة
تجيبن بصلة مقطعة صغار وتعصرين 4 حبات طماطم كبيرة
تحطين البصل على النار وتضيفين شوية زيت وتحركينها الين يتحمر بعدين اضيفي الطماطم وحركيها بعدين حطي ملح وبهارات وفلفل احمر بودرة نزلت صورتها راح تشوفونه وتخلينها على النار الين تقل الماء حقة الطماطم وتطفين النار عليه راح يكون مثل كذا
وتجهزين باقي الحشوة
تقطعين شرايح طماطم وشرايح فلفل
وتخلطين 3 ملاعق مايونيز مع 3 ملاعق جبن سائل وتحطينها بصحن
وتجيبن الجبن اللي تحبي اهلي يحبون السائل على البيتزا
كان المفروض شرايح فلفل اسود بس ماتوفر عندي
وهذي الاغراض الي جهزناها
وهذي العجين بعد مااختمر
الحين نبدا ناخذ قطعة من العجين وتفردينها بعدين تحطينها بالصينية تبعك
بعدين حطي المايونيز والجبن وامسحي بها العجينه بعدين حطي الطماطم وزينيها بشرائح الطماطم والفلفل وبعدين اضيفي الجبن
حطي الصينية على جنب
وافردي قطعة ثانية من العجين بالطول وبعدين قطعيها شرايح طوليه ورصيها على الصينية باتجاه واحد وبعدين تحطين بالاتجاه الثاني شرايح طوليه ويصير شكلها زي كذا
وهذي من قريب
وهذي اقرب اكثر
امسحي الوجه بصفار بيضة ورشي سمسم ودخليها الفرن الين تنضج وهذا الشكل النهائي
وهذي قطعة لكل من نور الموضوع
اتمنى يعجبكم
دمتم في رعاية الرحمن
نسيت اقول الفكرة شفتها من منال العالم بس الشرايح سوتها بالالة تبع العجين وانا سويتها بالسكين
هذا اسمي بمنتديات ثانية
حبيت اسال اقدر اغير هذا المعرف وشلون
لكم ودي
بيتزا الشبكة من ايديني
رد مع اقتباس
مواقع النشر