أنا وولدي اليتيم ... مشاركتي في مسابقة (تجارب نورت حياتك)
اخواتي الغاليات يسعدني ان اسطــــــر تجربتي في تربية ولدي الوحيد واليتيــــــــــم الذي كنت له الام والاب حتى لايحس بالنقـــــــــــــص
اسطره لكـــــ اخت ارمله او مطلقه او ماشابه لعل وعسى ان تستقي منها لو القـــــــليل
وقبل ان ابداء سرد تجربتي اقولكم ان التوفيق بيد الله سبحانه وتعالى والتمسك بحبل
الدعاء والامـــــــــل....
بعد ان توفي زوجــــــــــي وعدت الى بيت اهلي وضعت ولــــــــدي نصــــــب عيني
وتذكـــــــــرت قوله تعالى [فأما اليتيم فلا تقهــــــــــــر]
طبعا التربيه مسؤليه كبيره على الام وتهيأة الطفل للحيــــــــــاه تتطلب الصبــــــــــــــر واللين
لذلك كلمت اخواني واخواتي ان محد يخاصم ولدي او يرفع صوته عليه وان هذا مسؤليتي انا فقط
واللي يلاحظ عليه شي يخبرني دون اي تصرف مع ولدي .....
وراح بدا بالتفاصيل والاهم اولها كيف
خبرت ولدي بوفاة ابــــــــــوه طبعا هالكلام بعد ماكبر شوي وصــــــــار يلاحظ ان اقرانه عندهم اباء
قلتله حبيبي تتمنى مكـــــــــــان حلو فيــه كل شي العاب اكل شرب
قالي ايوه ابيه قلت هذا مكان عند الله اسمه الجنه فيهــــــــــا كل شي نفسك فيه قلت تعالي ندعي انا وانت انا ندخلها وبينما نحن ندعي قلت يارب ندخلها عشان نكــــــــون مع ابو........وقلت اسم ولدي قال مين ابوي قلت هذا ابــــــوكـــ كان يحبك وراح قبلنا للجنه وان شاء الله بنروح له بعدين
وقال لي طيب ابو فلانه<<يقصد طفله من قريباتنا>> ماراح للجنه قلت ياحبيبي ابوك كان يحب الجنه بالمـــــــــــره
وابو فلانه للحين دوره ماجاء الله يعطيه طولت العمر واللي ااعانني بعد الله ان جارتنا ارمله وعندها
بنت وقلت له ابـــــــــوك وابو فـــــــــلانه راحوا للجه ان شـــــــــــاء الله
والله يابنات انه اقتنع واعجبه الكلام بالعكس احسه صار فخــــور ويقول
للاولاد ابوي راح للجنه وانا بعد بروح للجنه <<<<الله يحفظه ويعطيه طولت العمر
نجي الحيــــــــن للسلوك كنت اذا ولـــــــــدي صلح شي مـــــو حلو
مثلا عبث في الاغراض او ضرب احد اجلس مع اختي وهو عندنا واقول لاختــــــــــي انا كنت بشتـــــــري لولدي حاجه حلوه[واسوي نفسي ماني منتبهه له ]بس للاسف زعلني بتصرفه
وخلاني زعلانه بعدين ولدي يجي عتذر ويقول خلاص مابعيدها
واقوله بعطيك فرصه يومين اذا شفتك فعلا معد تعبث في الاغراض او تضرب احد
بشتري اللي نفسك فيه وفعلا ماشاء الله تبارك الله يترك التصرف اللي كان يسويه وانا اوفي
بوعدي عشان مايفقد الثقه في
وكنت بين فتره وفتره اجلس اكلم اختي وهو موجود واقولها انا فخوره بولدي
صار رجال وصــــــــــــــار مايسوي اشياء بطاله والله يابنات انه يثق بنفسه
زيــــــــــــــاده ويترك الفعل اللي يشوفه يزعلني
لانه بداء يحس انه لازم يكون مفخره لي
وكان اذا عاد لتصرف شين اخذ الهــــديه اللي جبتها له واخبيها واقول رجعتها لانك رجعت
للتصرف الغلط واذا اوعدتني معد ترجع له ارجعها وفعلا على طول يعتذر ومعد يرجع
التعامل مع الطفل يبي له صبر وطـــــولت بال اهم شي لا احد يتفاهم معه في سلوكه غيرك لان الطفل يتقبلها من الام اكثــــــــــــــــر ولاتسمحين لا احد يرفع صوته عليه او يضربه
لانه راح يحـــــس بالاهانه والذل وراح يكون عنيـــــد
امـــــــــا مايخص الاكـــــــل شريت له ادوات
اكـــــــــل اشكالها حلوه وقلت اللي احطه في هذي الادوات هو اللي يقويكـــــ ويغذيك ويخليك
تكبر بسرعه وكنت اقوله اللي ياكل وهو ما قال بسم الله يجي ابليس اللي مانحبه وياكله
واذا اكلت بالشمال بعد ياكلها ابليس عندك وتصير ضعيف وماتكبر بسرعه وماتصير قوي والحمد لله جابت نتيجه هذي التصرفات وماشاء الله صار ياكل بيمينه ويسمي بدون مأقوله وكنت افهمه
ان اللي يرمي الاكل في كل مكان يزعل منه الناس ويتقززون منه وهذا تصرف مايرضي الله
والحمد لله فهــــــــم ماشاء الله وطبعا ماكنت ماغصبه
على اكله معينه وفي نفس الوقت مأخليه ياكل شي غير مفيد مثلا اقول له
اليوم في الثلاجه بيض و زيتون وجبن وكورن فلكس.......الخ وش تحب تاكل منهن وبكذا ياكل
اكل صحي وهو اللي مختاره
والله يابنات ولله الحمد والمنه الكل يعجب في
تربيتــــــــــــــه وفي ادبـــه
واهم شي الام تحسن تصرفها وتكون قـــــدوه لــــولدها(مره وحده زعلتني بحركه وقلت لها وانا معصبه وجع وولدي كان موجود بعد ايام زعل مني وقال وجع قلت من وين جبت الكلمه قالي انتي قلتيها لفلانه)والله اني منصدمة واستوعبت ان الولد ياخذ كل شي من امه لانه يعتبرها قدوته اذا ماكان ابوه موجود وصرت انتبه على كلامي امامه و اتـــــــعمد ارفع صوتي بشكر احد او التأسف من احد عشان ولدي ينتبه والله العظيـــــــــــم انه صار اذا اخطاء على احد يتاسف بسرعه واذا احد
اعطاه حاجه يشكــــــــــــرة مــــاشــــــاء الله تبــــــاركـــــ الله بدون توجيـــــــــه مني واللي شجعه اكثر
اخليه يتسمع في اناشيد تحث على الشكر والاسف وغيــــــــــــــــــرها ...
طبعا بعض اساليب التربيه والتعامل اخذها من مواقع من النت واطبـــــــقها
كنت اكتب في قوقل الطفل في عمر سنه وادخل المواقع استفيد وكل ما كبر سنه اكتب واطبق المفيد
والحين الحمد لله والفضل مرتاحه لاني ربيته وعلمته الاداب من بــــــــــــدري وغرستها في
نفسه وكبــــرت معــــــه
وهذي خلاصت تجربتي في تربية ولـــــــــــــدي اليتيم اتمنى
الاستفاده منهــــــــــــــــــا ولاتنسوني انا وولدي من دعواتكــــــــــــــم الطيبه ولاتنسي طفـــــــــــلكــ
نبته صغيره بين يديكــــ احسني ريـــــها
رد مع اقتباس
مواقع النشر