الكبسة الحضرمية ( الماقود )
بسم الله الرحمن الرحيم
اليوم جبت لكم كبسة حضرمية تجنن وجدا طريقتها سهلة وما تتعب أبدا وطعمها خفيف
.
.
المقادير :
كلج من اللحم بالعظم أو الكمية اللي تفضلينها
كوبين أرز مغسول ومنقوع
بهارات صحيحة قرفة و قرنفل وهيل 6 حبات
بهارات حضرمية إسمها ( فضخة ) وهي عبارة عن بهارات معجونة مع البصل ومجففة تكون نكهتها قوية
بالنسبة لي أنا أحط منها شوي مقدار ملعقة تقريبا في حافظة البهارات عشان لا تتوزع في الكبسة
وعيالي يبطلوا يأكلوا ولا إني أطحنها ناعمة وأضيفها بعدين على الطبخة
ملح و هرد ( كركم )
الثوم حسب كمية اللحم يعني أنا حطيت على الكيلو تقريبا 6 فصوص والثوم لازم يكون مقشور جديد
عشان الطعم يعتمد كله عليه
حبة طماطم صغيرونه وعرقين فلفل أخضر
.
.
التحضير:
- دقيت الثوم والهيل والملح حتى يصيروا ناعمين
- رميت اللحمة على النار مع كمية وافرة من الماء وطلعت الريم أو عصارة اللحم
- أضفت البهارات كلها بدون استثناء حتى الثوم والهيل وضغطت اللحمة لمدة نص ساعة أو حسب لحمتك ايش نوعها
- وفتحت القدر مرة ثانية وأضفت الطماطم والفلفل و شفت سوى اللحمة ورجعت مرة ثانية وضغطها لمدة ربع ساعة
- هذي المرة فتحت القدر وأضفت الأرز وتقدر كل وحدة تقيس مقدار المرق حسب نوعية الارز اللي عندها يشرب موية
كثير ولا قليل
- وغطيت القدر وعلى نار هادية جدا لمدة خمس دقايق لو تبغى تضغطيه ولو مو مستعجلة يمكن من 10 :15 دقيقة
- وقدمته مع سلطة لبن بالخيار وسمبل الفلفل الحااااااار
.
.
وشوفوا الصور يا حلوااااات
عن قررررررب
.
.
بالعافية عليكم
-
رد مع اقتباس
ابنتي
مواقع النشر